|
|
09-20-2024, 03:22 AM
|
#1 | ||
|
أداريه سابقه ومراقبة عامه للمنتديات
 |
رد: ديوان قصائد لشعراء المملكة العربية السعودية (متجدد)☘️☘️
قصيدة رجل لا يصلح للحب تفعيلة
الشاعر: لفى الهفتاء لفى الهفتاء #العصر الحديث #المملكة العربية السعودية 0 150 مشاهدة لا تنتظري مني عُذراً فدعي جرحَكِ مني يختارُ بغيري طبّ.. لا تنتظري مني شيئاً يجعلني كحبيبٍ صَبّ.. فأنا لا أعرفُ قولَ العشاقِ.. عن اللهفةِ والأشواقِ.. لا أعرفُ كيفَ تهبُّ رياحُ الشوقِ ومن أينَ تهبّ.. أنا يا سيِّدتي رجلٌ لا يصلحُ للحبّ!
|
||
|
|
|
09-20-2024, 03:25 AM
|
#2 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة مساجلة مع خالد بن مدعث
الشاعر: لفى الهفتاء لفى الهفتاء #العصر الحديث #المملكة العربية السعودية 0 136 مشاهدة يقول لفى الهفتاء في البداية: على كسب الشرف من مرحلتنا نحث أقلامنا ومخيّلتنا بدينا والبداية حلم شاعر طبيعة عالمه قبل اذهلتنا لعين الواقع اللي قد عرفنا ذبحنا المعجزة يوم اجهلتنا كتبنا مسألتنا لليالي وحِلّت بالليالي مسألتنا أشوف الضاد معقودٍ لسانه على ذمة رجالٍ قابلتنا وحنا بالأدب لا من كتبنا تموت العاربة ما أوّلتنا ما دام إن الولد يعرف عنبنا ف خل اللاش ياكل حنظلتنا بعد عامين والثالث كشفنا ظلامٍ به عدانا زاملتنا لعينك يالبطل يوم البطولة على الشيطان تعلو بسملتنا نكون جبال في وجه الخريطة ولو سبع الأراضي زلزلتنا ولا زلنا وسط سكرة أمدَها تساقينا عليها نادلتنا بعد ما أوراقنا راحت رماده وضاعت بالجزيرة قافلتنا إلى دولة من الإبداع جينا وأهلها شغّلتنا واشغلتنا بسيف ورمحٍ وراية وصافن نلبّيها بعد ما راسلتنا تبي نصرٍ يفاخر كل دولة ومن سود المنايا سربلتنا نكمّل نقصها حالٍ وحيلة ولو ننقص ترى ما كمّلتنا يغرّ الزول برّاق الكناية وينبت شوك صحرا معظلتنا بعد ما عوّد البرهان باطل وطاحت بالمجنّن عاقلتنا نجمّلها ولو ما جمّلتنا نجاملها وهي ما جاملتنا قصدناها ورى من هو قصدها سألناها وش أول منزلتنا ولكن صمتها في كل ليلة ذبح أوجه سؤالٍ باسئلتنا وعرفنا كلنا وش مشكلتنا؟ بإنّا ما عرفنا مشكلتنا بعد ما وسطها شفنا وعفنا وضاعت باليدين معاملتنا ألا يا خالد أسمع وأنت خابر بمن هي سمّها في منحلتنا تبث إرسالها مع كل موجة وتعلن بالأثير مقابلتنا رفعناها وصارت بالثريّا ولدّت يمّنا ثم حوّلتنا بدايتها توكّلنا ولكن نهايتها يابن مدعث كلتنا وكنا عملةٍ وحدة أصيلة وهي في عملتينٍ شكّلتنا بعد راية هل الإيمان طاحت ترى بعض السفارات ازعلتنا على غيض الشجاع وماء وجهه بناته بالولاويل اهبلتنا وتالي ما نشوفه يا ابن مدعث بقايا من ذوايب رحبلتنا عسى التاريخ لا من راح طيره تردّه للعذيّة سنبلتنا وأنا مديت لك فنجال علمٍ عن اللي في دعاويها بلتنا وحنا للرجال الشمّ مثلك تسيّرنا عليهم مرجلتناورد خالد بن مدعث الدوسري: على نيل الشرف محدٍ شمتنا لو آنا فيه ولا منه متنا إلى شفنا الرجال اهل المعزه سعوا للعز حنا ويش نتنا واذا مَنآ بننصى كل عليا تعدتنآ المعالي مانصتنا وحنا يالفى يوم المزاحم بلغنا ذروة العز وثبتنا وبلغنا بالبلاغه مابلغنا وجزالة موهبتنا من بختنا وكشفنا مدعي علم البلاغة لغات الترك ماتشبه لغتنا يقولون الجهات اربع وحنا عن الاربع تكفينا جهتنا وعلى ما فات لاتطري الحسايف ثقتنا يالفى في موهبتنا سبحنا فالمحيطات وغرفنا ونقشنا فالصفا الصم ونحتنا وليا من قدرونا اهل المعرفه على قصار الشوارب ما ألتفتنا ولو آنا عن علوم الغيب نعلم توجهنا وعرفنا مصلحتنا ورب ضارةٍ منها منافع تجينا ما علمنا كيف جتنا ياكم من مزنةٍ تردف عجاجه ليا قفت عجاجتها سقتنا يقوله يالفى الهفتاء مجرب تجارب والتجارب علمتنا لو الانسان فالدنيا مخير ربحنا فأولتنا واخرتنا ولو الارزاق توخذ بالسوالف قضينا العمر كله ماسكتنا ولو الارزاق توخذ بالغصايب عصانا في يدينا ما عصتنا تدابير القدر خيره وشره تحت من بأمره أصبحنا وبتنا وحنا جبال مهما الارض قامت تزلزل تحتنا،و تبقى تحتنا وعسى الله ما يعز عروش دارٍ رفعنا عرشها ثم عرشتنا بلاد ملكها بيدين ظالم لحفظ ارواحنا ياكل ديتنا بلاد بأكبر الاسماء تسموا واساميها الكبيره سممتنا بلاد الظلم ماطقطق سماها ورغم أن الدهر فيها نبتنا لها وجهٍ مثل وجه الليالي ويشبه له وجيهٍ واجهتنا وخصيم الوجه الاول وجه ثاني وجيهٍ باهته مير بهتتنا ذممهم ذمتي منها بريه دلايلنا حلوفٍ ماحمتنا شرار الكذب وسيوف الطماعه أراها تلوح فعيونٍ رأتنا وترا اللي صايرٍ معكم ومعنا أضنه صار مع ناسٍ تلتنا بيوت الذل لو تكبر ذليله ولو آنا مدحناها هجتنا وبيوت العز لو تصغر عزيزه حماك الله يا بْيوتٍ ربتنا وحنا من فناجيل المطيري تقهوينا وهو ذاق قهوتنا انا عيب علي اصد وجهي ليا من دعوة الطيب دعتنا وحنا للرجال اللي سواتك تقلّطهم علينا شايعتنا
|
||
|
|
|
|
09-20-2024, 03:25 AM
|
#3 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة ما لي بليلٍ أراني لا أجاوِلُهُ فصحى
الشاعر: لفى الهفتاء لفى الهفتاء #العصر الحديث #المملكة العربية السعودية 0 129 مشاهدة ما لي بليلٍ أراني لا أُجَاوِلُهُ يُسْراً وإنْ طالَ عُسْراً لا أُطَاوِلُهُ ما بانَ لي قمَرٌ في نورِهِ أمَلٌ حتى إذا جئتُ من يأسٍ أُقاوِلُهُ من بُعدِ أهلٍ وأحبابٍ أتوقُ لهمْ ما أصعبَ القربَ منهمْ إذ أُحاوِلُهُ كمْ من مُرادٍ لمثلي ليسَ يُدْرِكُهُ لكنّهُ الدَّهْرُ مَن فينا يُصَاوِلُهُ؟ يأتي لكلِّ امرئٍ في صورةِ امْرَأةٍ والودُّ من كفِّها موتاً تُناوِلُهُ مَنْ كنتُ أهواهُ يوماً صرتُ أكرَهُهُ ولا أُزاوِلُ وصلاً مَنْ يُزاوِلُهُ إلّا التي وَلَجَتْ في عُمْقِ خاطرتي فاستعرَضَتْ كلَّ بُرهانٍ تُداوِلُهُ
|
||
|
|
|
|
09-20-2024, 03:25 AM
|
#4 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة مع ناصر مطلق لاقيس
الشاعر: لفى الهفتاء لفى الهفتاء #العصر الحديث #المملكة العربية السعودية 0 128 مشاهدة يقول لفى الهفتاء: فوق جنحان الملك جبريل للتقوى مناره دونها عبد الأميرة ضيّره غي الأميره من هنا قسّيس دير الشام قرطس سنكساره ساعةٍ من دون ديره واقفٍ شمّاس ديره يوم طاحت طفلة الأعراب في كف الحضاره قمت أجدّد حسرتي ما بين أهل شبه الجزيره شفت بمبا سالفتها روجّتها زنجباره وأرمد الغليون يشحذ من زهر ليلى عبيره في ضلوعي موبذان الفرس الأعظم شبّ ناره خايلتها ساعةٍ بأعتى ديار الأرض ديره إيه يا حاكم كبير القوم وش قالت سماره وأنت عنها دون سيف أبو جهل وإبن المغيره وش تبي فيها ربيعة يوم صانتها فزاره شرهة الحاكم مثل شرهة ولد لافي كبيره رخّها دونه لباشق عامل الإفرنج غاره أبرصً فيها تحقرص يوم قبّلها وزيره عندها حاخام إسرائيل طوّل في إزاره مسرحية عرضها شيّق وقصّتها مريره شفت فيها ثوب إبن متى على الكافر إعاره وخيّر الدين الحنيف أهدا على الرهبان خيره بين لاقيس ونساءْ من قوم لوطٍ احتضاره ماجناتٍ لجلهن قلزم بكى بحره خريره مخدع الإسحاق فيهن مسرجت ناره دعاره يوم شمس الدين ما بانت لأهل نجدٍ ظهيره شمعدان الحق مخفيته من الباطل إناره برّجتها ربّة المزمار والعيطل ستيره واعذاب اللي عليها سابقٍ ليله نهاره فوق مترف جسمها ذو نقرسٍ شرّع حريره عل حاكم لا دفنها وسط رملة قوز داره ألفٍ ليلة ما يناحي صوب رملتها بعيره قصةٍ ما احدٍ قراها غير عفريتٍ بغاره ما خبرها شقًّ ولا الغيطلة فيها خبيره طرجمت مقلاص واسترسل بها فتنة قماره وداسمٍ بالبيت الآمن كل همسة تستثيره جاك فيها شاعرٍ نجمه تنحّى عن مداره بألف عفرا من بنات الجن من عبقر وغيره وأنت وسطه مولدك يشهد على الكوكب مساره خاتم الورد الإلهي قبل لا تختم مشيره فوق هيدب مسرجه ديدب على عزه وكاره يوم جندل ما تمندل بألف عندل من عشيره في عيونه من شجونه لآية الأبلق حجاره وفي متونه من جنونه لآية الذئبي قريره في يمينه صولجان الألق ولا في يساره سيرته بين القسوس الأولة تاخذ مسيره هيدبانه يوم ساجه ديدبانه من سطاره يسبق الجني على كرسي سبأ ساعة مطيره بيننا جمرة فؤادٍ ما قبسناها عياره لي سريرة مثلها للحاكم المعني سريره ما خشعنا يوم عبد الزنج مستنزل لزاره لو بها ياقوت تغلب جاء على نفس الوتيره قلت أسلمها لناصر حاكمٍ يثلج قراره قبل عزرائيل يسمعنا صدى طاره وزيرهورد ناصر مطلق يقول: البتول اللي تمخطر ملك ماهيب إستعاره خالعٍ لعيونها بُرده وهْي طفله صغيره صوّغ من ترعى زماليق الحيا شرْد بكاره شاعرٍ طيكل على مازر ليا نادا يجيره يوم جتني قلت حيك قالت بْعيري وزاره ما دريت الا وجوفي تشتعل فيه السعيره غوص يالبحار وابشر لولوه والا محاره وانت عارف ماتعرف والزمن مافيه خيره يفرق اللي يوم يبطي مشغله فض البكاره عن غشيمٍ مايفرق بين بتّار وجفيره كل نارٍ تشتعل لابد مبداها شراره والحضاره منطلق سامي على هيئه حقيره من عصر سحبان والشايب على وجهه وقاره مير في تالِ الزمن ماعاد يبغى الا الستيره سالفتنا قبل ضليّل الهوى يطلب بثاره وقبل دارة جلجل وموقف غوانيه وغديره وقبل طعنة غدر..! مدري من سطر راس ونعاره ساق ابن مره كليب واردفه بأبو نويره توؤد البنت بشرفها قبل لايطلع غباره مير هالحين شرفها لو هُتك ماصار عيره...!! صفقوا مدري طرب مدري على نشوة زقاره وغانيتهم ما استحت ترقص على نفس الوتيره يوم لاقيس استوت على منصات الصدراه ذكرتني بن عباد اللي بكى فرقى جُبيره قرِبا والا تنحى مايبي كسري جباره وكل عينٍ ما تشوف اللي يشوفونه ضريره بحلقي يا شفقة العطشان في شوف الغضاره كلهم في دير والراهب تصوافه كبيره..!! كل واحد لو قرا وِرده وصلى لأستخاره ما تنكس راية المرفوع باليمنى الكسيره مير ما احدٍ فالزمن يرضى على نفسه خساره والبلا كسر العظم مجمور مافاده جبيره وكل طيرٍ في جناحه كسر لو بزّ بمطاره تالة سمير لو طوّل على كرسي سميره وانت تدري في حدايق بابل وقصة دماره لو بقت حدايقه تحكي عن الماضي اسيره يالفى والليل لأُولج فالنهار أرخى ستاره والله انه سالفة موقف بلا حلقه اخيره وانت لك مبدا على المشراف في راس المناره وشفت بعيونك خبر عاجل وبثته الجزيره بأن اقبض فقست بيضتْه وأنفكت صغاره والعرب يا صاحبي لاهين بالفُرش الوثيره دام مطرش بينهم مسموع وش ترجي ف غاره لا سمع له يجتمع وياه في نفس الحظيره ولو زلنبور المسمى اْللي تخصص فالتجاره شاف ما آلت إليه أحوال الأزول الفقيره كان حس انه من الدنيا كذا رد اعتباره مير يا وجدي على اللي ما عرف وشهو مصيره والعرب قالت منول حكمةٍ مدري عباره يختلف عمى البصر واللي عماه اْمن البصيره قالها اللي يوم غنى باديٍ في راس قاره عن طمان الارض عدا فالمراقيب العسيره
|
||
|
|
|
|
09-20-2024, 03:26 AM
|
#5 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة ثمان وربع
الشاعر: لفى الهفتاء لفى الهفتاء #العصر الحديث #المملكة العربية السعودية 0 118 مشاهدة يزود الشوق لا حانت ثمان وربْع وتتأخّر ثمان وربْع ما حانت لموعد ظبيةٍ تسكن حنايا سِبْع يزيّنها الغلا لو إنها شانت ليا من جت تمخطر له بشال وقبْع يقول اللهُ أكبر كيف ما زانت؟ لمنهي بالعجايب وحدةٍ عن سَبْع ومن هي قبلها بالله وش كانت؟ تجاوب وردة الجوري سؤال النبْع عن انسامٍ تداعبها ليا بانت خذت قلبٍ عليها من اعماقه تبْع تهون الناس في وسطه ولا هانت عشقته هي تطبّع لو عشقها طبْع يعاني بالهوى بينٍ ليا عانت يبيها غايةٍ بس الوسيلة ضبْع وإذا تقسى يقول أصلاً متى لانت؟ ألا يالربْع وش يفعل ببنت الربْع؟ هذاك اللي يزيّنها ليا شانت
|
||
|
|
|
|
09-20-2024, 03:26 AM
|
#6 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة الكتاب وشذى
الشاعر: لفى الهفتاء لفى الهفتاء #العصر الحديث #المملكة العربية السعودية 0 112 مشاهدة من شذى أوّل هديّة لي اهدَتها كتاب لا قريته حنّ قلبي لمهديته شذى ذيك ذات الكحل والروج الأحمر والخضاب كم خليٍّ نام وإن مرّته صبحٍ هذا كلّ حلمٍ في عيوني بدا مثل السراب أتبعه وأقول: والله ماني هكذا آه يا عهدٍ خلا بين ما لذَّ وطاب حبَّذا لو بيننا عاد ساعة حبَّذا أتأمّل شمس واغيب من سكّر مُذاب ويحتويني ليل لا حلّ بانسامه شذا ولا قطفت الورد دون اللآلي والرضاب عانقت سمط الذهب من ترايبها جُذا خيزرانٍ من لبن لا تمايل بانسياب حط في قلبي جراحٍ وفي عيني قِذى آه من تينٍ وهو عذب في نيله عذاب لا اقبلت تختال والثوب مفتوحٍ.. كذا فتنةٍ ما مثلها بين تلعات الرقاب كلّ عظمٍ في جسدها من المسك اغتذى داعبتها النود صبحٍ وغازلها السحاب يوم تلبس رجلها طاهر التربة حذا ما يعيّبها بعين الهوى غير الغياب لوّها بالحسن ترسم سبيلٍ يُحتذى كلما عاتبتها ما أخذت من العتاب غير كلمة ما ورى قولها غير الأذى كم حبيبٍ يا لفى به من الحب اكتئاب قلت: هذا الموت قالت: وهي تضحك وإذا؟ قلت: وأنتي؟ قالت: اصعب سؤال ابسط جواب عايشة بين الخزامى ببستانٍ عذا كل يوم أعيشها قصةٍ دون ارتياب صابر ومثلي من الصبر مدري وش خذا
|
||
|
|
|
|
09-20-2024, 03:27 AM
|
#7 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة نفس المكان تفعيلة
الشاعر: لفى الهفتاء لفى الهفتاء #العصر الحديث #المملكة العربية السعودية 0 112 مشاهدة نفس المكان اللي جمعنا من سنة جيته وانا كلي حنان احسّ في غربة وفي بردٍ وخوف وانت الوطن وانت الدفا وانت الأمان لا طال ليلي في غيابك ولا قدرت اطاوله نفس المكان والركن والكرسي ونفس الطاولة بس اختلف اني ترى اشعر بالألم وابكي ندم واني وحيد اراقب الفجر البعيد وفنجال واحد سكّره ما له طعم
|
||
|
|
|
|
09-20-2024, 03:27 AM
|
#8 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة سلمى ملاك قصيدتي فصحى
الشاعر: لفى الهفتاء لفى الهفتاء #العصر الحديث #المملكة العربية السعودية 0 110 مشاهدة سَلْمَى ملاك قصيدَتي وروَايَتِي لا زال أمنِيَتِي لقاكِ وغايَتِي لو كنتُ يا سَلْمَى قُبَيْلَكِ جَاهِلاً بالحُبِّ قلتُ: الآنَ مِنكِ دِرَايَتِي لو كنتُ يا سَلْمَى لغيرِكِ عاصِيَاً فالآنَ فيكِ وجدتُ دربَ هِدَايَتِي عَلَّمْتِني كيف الصّبَابَةُ والهَوى حتّى بغيرِكِ لا تُؤَوَّلُ آيَتِي كمْ ليلةٍ بالشوقِ جئتُ مُعَانقاً ووَضَعْتُ في أعْلَى عَمُودِكِ رَايَتِي بتواضُعي وسَلِيقتي وَبَسَاطَتِي مُتَجَرِّدَاً مِنْ سِيْرَتِي وكِنَايَتِي أرنو لصَدْرٍ لا مَثيلَ لوصْفِهِ فغويتُ ما أحلى بذاكَ غِوايَتِي حتّى قطفتَ الياسَمِينَ بِجَنَّةٍ شوْقَاً وقطفُ الياسَمِينِ هِوَايَتِي واثنينِ فوقهما وجَدْتُ بَرائَتي كُتِبَتْ وتحتهما وجَدْتُ جِنَايَتِي ذابَا كثلْجٍ مِنْ رُؤوسِ أنَامِلِي بتمَّرُدي مِنْ بعْدِ جُلِّ عِنَايَتِي وكتبتُ في قلَمي العَتِيقِ تهوّرَاً بكتابكِ المدمومِ بعضَ حكايَتِي إنْ كانَ مَوْتُ العَاشِقِينَ نِهَايَةً فالمَوْتُ دونكِ قَدْ يَكُوُنُ بدايَتِي
|
||
|
|
|
|
09-20-2024, 03:28 AM
|
#9 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة سليمى مشت مختالة فصحى
الشاعر: لفى الهفتاء لفى الهفتاء #العصر الحديث #المملكة العربية السعودية 0 108 مشاهدة سُلَيْمى مَشَتْ مُخْتَالةً في جَمَالِها عليها عيونُ الناسِ أضْحَتْ جَوَاحِظَا على خَدِّها وَرْدٌ ومِنْ دونِ قَطْفِهِ سِهَامُ المنايا مَن أحَاطَتْ لوَاحِظَا فيا لهفَ نفسي إن تمَايَلَ خصرُها مَشَتْ تعْجلُ الخَطْوَاتِ كي لا أُلاحِظَا
|
||
|
|
|
|
09-20-2024, 03:28 AM
|
#10 | ||
|
أداريه سابقه ومراقبة عامه للمنتديات
|
رد: ديوان قصائد لشعراء المملكة العربية السعودية (متجدد)☘️☘️
قصيدة اليعربيّة
الشاعر: لفى الهفتاء لفى الهفتاء #العصر الحديث #المملكة العربية السعودية 0 108 مشاهدة الله يذكر زمان اليعربيّة بخير والليل والشعر والغنوة وردّ البرى يوم الهوى بيننا قصة ضياع وهجير بأول وصال الأحبة.. جعل محدٍ درى والبارحة كن قلبي فوق طيرٍ يطير لعيون برقٍ بعين اليعربيّة سرى وصلتها والمشاعر بردها زمهرير وتقول قل وش جرى؟ وأقول وش ما جرى؟ وصلت لك يالفقيرة نور عين الفقير لو مات من يد عنود الصيد ليث الشرى يذوب شمع الهوى ويصير ما لا يصير بالساعة أربع حسب توقيت أمّ القرى واحييت بدعٍ كبير وقدرك أنتي كبير في ليلةٍ وأنتي أغلى من لبدعي قرا هو واقعٍ به من الإعجاز شيءٍ كثير فلم ترى الناس بدعٍ مثله ولن ترى كذبت واثره صحيح الكذب حبله قصير إن قلت ببعد ويبرى خافقٍ ما برى وأشوف رجلي لوصلك دون ما اشعر تسير إذا خيالك طرى والا بعد ما طرى قد قلت وش لي؟ وقلتي جاك قلب وضمير وقلتي وأنا؟ قلت جاك من الضلوع وورى
|
||
|
|
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| في السعودية.. عيون ونخيل بين شق جبلي تجري مياهه طوال العام ☘️ | شذى الياسمين | السفر والسياحة والرحلات البرية | 9 | 10-14-2021 07:31 PM |
| كلمة للشاعر والأديب/ عبدالله بن زهير الشمراني بمناسبة اليوم الوطني ال (٩١) للمملكة العربية السعودية☘️🌹 | فتى بلاد شمران | ديوان شعراء قبائل شمران | 4 | 09-28-2021 02:42 AM |
| يالمملكه،،الغاليه لك،،سلامات ☘️☘️ | ريحانة شمران | الشاعر / ابوعبدالله | 9 | 02-17-2021 05:56 PM |
| رغماً عن كيد الاعادي ستبقين ذخراً وفخراً يابلادي ☘️☘️ | أبو شريح الشمراني | منتدى المقال | 3 | 02-01-2021 06:26 PM |
| اليد البيضاء الحانيه دائماً ماتبدد الضلمه الحالكه ☘️☘️ | أبو شريح الشمراني | منتدى المقال | 5 | 01-15-2021 09:55 PM |
العرض المتطور
