ديوان قصائد لشعراء المملكة العربية السعودية (متجدد)☘️☘️

شطرللتكملة/ بيت للمجاراة

بوح الخاطر

بعد ماطابت جروحي ليش جيت

روح عني روح يالماضي وراك

الدهماني

عشرتك مره وانا منها ارتويت

ماحصل منّك تحملته كفاك

مالنا نيّه وابشّرك اكتفيت

بعد ماصديت عن وافي شراك

ابوعبدالله

تعال وشوف وش سوى ...غيابك في حشا مكلوم/بدع ورد للشاعرين ابو عبد الله وعنود ��

تعال وشوف وش سوى/ غيابك في حشا مكلوم

وانا بارض الوطن يسمع/انيني ساكن الشامي

وتدري القلب من دونك/ ضعيف ٍ خاضع ٍ مهزوم

نعم للياس مستسلم/ رفع له بيض الاعلامي

تلاحقني قبل تقرا/بجانب اسمي المرحوم

ترد الروح لوترجع/حبيبي سالف ايامي

عنود

حكاية حبنا تروى/حقيقه ماهي نسج حلوم

عيوني بعدكم تدمع/رجوعك اكبر احلامي

انا بالحيل مجنونك/لكني بالوصل محروم

طريح الحب مايسلم/من الآهات وآلامي

جروح الحب ماتبرا/ومايكتب علينا يحوم

دخيلك بعدكم يوجع/تعال ابيك قدامي

ابوعبدالله

قصيدة رثاء في الفقيدين
ابو سامي رحمه الله وسعد بن ابراهيم رحمه الله

كلمات الشاعر ابو عبد الله

اداء المنشد يوسف بن مطر

مجاراه/ للشاعرين عبد الكريم الحافي وابو عبد الله��




مجاوره/ للشاعرين عبد الكريم الحافي وابو عبد الله

ذبحني الشوق ياغيمه تهل المطر

شوفي غرامك بقلبي يدعو الانتباه

يامزهرية غرام القلب يجمل عطر

حبك يعيد الحياه بقلبي اجمل حياه

الحافي

وضعي بدونك حياتي للأمانه خطر

والبعد عنّك كحد السيف زايد شباه

لو اكتب اللي بقلبي هز كل الشطر

انشهد انك لقلبي عمر وانك دواه

ابوعبدالله

عزالله انه سكن بين العروق وعبر

حبه تمكن بوسط القلب وجهد مداه

انا ادري الحب مابين الحنايا قدر

عزالله انها دوى ( قلبي ) وسبة شقاه

الحافي

حلفت ماروح عنّه لو المسافه شبر

والقلب من دون محبوبي بيلقى فناه

وصوفها بالمزايا صعب لكن قمر

يشع نوره على روحي ويرسل ضياه

ابوعبدالله

مشاركة بمناسبة اليوم الوطني للمملكة العربية السعودية



كلمات الشاعر عوض الشمراني

أداء المنشد جمعان المالكي

بعض البشر من سوء ظنه بالبشر
يفسّر اللي يسمعه .. حسب المزاج
وإذا حضر في موقفٍ محضار شر
كُلٍ يجنّب شوفته يبغىَ الخراج
هذا المرض في بعض ناسٍ منتشِر
فيروسٍ أقشر .. ما توفَر له علاج

#النجم_العالي

عز الله هذا النوع ،،بالمره قشر
واكثرهم ياشاعر عن المألوف داج
نشوفه باللي مايخصه ،،منحشر
واذا نصحته ينفعل عندك وهاج
يحسّب العالم ،،بتفكيره دُشر
خوياه مثله كنهم صف النعاج
ابوعبدالله

4


ياهل الوفا في وقت ضعفي وقوّي
واخص منهو مايخلّي خويّه

وش رايكم يااصحابنا كيـف اسوّي
باللي علي يخطي ويشره عليّه

دايـم يخرّب لـي مزاجي وجوّي
ويسوي من أدناة حاجه قضيّه

الصريح

علمك وصل مثل الرصاص المدوي
وفي شعاب ،،الفكر نسمع دويه

قريت ،،ابياتك ،،،ياشاعرنا ،،توي
عليه الخطا واللوم ،،ميّه وميّه

(فرقاه) غيث يهل من وسط نوي
ولاتخاوي ،،،،بالمخاليق ،،،،،،زيّه
ابوعبدالله

اهدي لك الابيات بيتٍ ورى بيت

مضمونها ان الروح عندك وداعه

لك وسط قلبي قصر ماهو ترى بيت

والقلب ،بين ايديك ،،يازين راعه

مالك شبيه مثلك ابد مابعد ريت

حبّك عثا بالقلب ،،بالحيل ،،لاعه

ابوعبدالله

يازين لا شفتك من الشوق هليت

لاحل زولك زاد ( قلبي ) اندفاعه

لامر الك طاري من الحب غنيت

اغسل هموم القلب في ربع ساعه

وجريت صوتي لك وبسماك ناديت

لاغبت ضاق الكون رغم اتساعه

#الحافي

من دلة اشواقك انا ما تقهويت

وقلبي شكا من وصل حبك قطاعه

جيتك غلا واحرجتني يوم صديت

لوما الغلا مالك بقلبي شفااعه

واليوم قلبي صد مدري تناسيت

يومن هجرك عذب القلب راعه

غزل

لا تحسبني أنا .مليت
وألا ..تكدرت ..من ودك

حتى لو انك عليّ أخطيت
مقدر على بعدك وصدك
ابن دريدم الحربي

بنيت لك وسط قلبي بيت
لك يالغلا قول من قدك

ياليت ياذوق لي مريت
وتجيب لي ورد من يدك
ابوعبدالله

ايه احبك ويه انا محتاج شوفك
كيف اعيش بدون ماشوفك يروحي

لو اعوف الخلق بس انتي ماعوفك
النك انتي بلسلمٍ يبـري جـروحي

عابرسبيل

زيدني من همس حبك في حروفك
شوقي لك في القلب براقٍ يلوحي

في جمالك ما أحد والله يطوفك
لاجلك اكتب شعر من فكري وبوحي
ابوعبدالله