ديوان قصائد لشعراء المملكة العربية السعودية (متجدد)☘️☘️

موبايلي لو هي تعاون مع زين &&& ما كان شفنا في البلد ضعف الارسال اسعد الله اوقات الجميع بالخير والمسرات


الجديد يتشرف بمصافحة قلوبكم

الدهر علمنا دروس ومضامين
&&&&&&&&&& والوقت نوب ٍ يصدق ونوب يحتال

والصمله اللي تنبري في الميادين
&&&&&&&&&& بالعز محفوفه على صدور الأبطال

بعض البشر هيبته هيبة سلاطين
&&&&&&&&&& وليا قدح بارود يمرح على الجال

وبعض البشر مثقل خطاوي ومسكين
&&&&&&&&&& وبعض البشر طيب سجايا ورحال

وبعض البشر اقرب من رماشة العين
&&&&&&&&&& لكن ضنونه تلحقه كل منزال

يا الخاطر اللي كدره فعل الأدنين
&&&&&&&&&& الصاحب اللي كنت احسبه لي ظلال

كنت احسبه مثلي واثر طبعه الشين
&&&&&&&&&& نزله من عيني ومن عالي جبال

من لا يوازن كلمته في الموازين
&&&&&&&&&& ما للرفاقه في معاريفه إجلال

ما قلت لا تمشي .. لكن امش بـ هوين
&&&&&&&&&& وما قلت لا تفخر.. لكن فخرك خبال

مثلك مثل غيرك ومحسن كما حسين
&&&&&&&&&& لكن مريض النفس والكبر قتال

وش عاد لو ما كنت مخلوق من طين
&&&&&&&&&& وما فيك عن باقي العرب حايل ٍ حال

مره كما الطاووس تمشي على البين
&&&&&&&&&& ومره تداحمنا وتمشي مع جمال

نصفح ونسمح لكن المخطيه دين
&&&&&&&&&& تدور في الخاطر وتكبر وتنهال

تعبت من قولة أهل العرف صلفين
&&&&&&&&&& وتعبت أدرج بسمتي عند الأنذال

وانا وحيد ٍ يا فتى ما ني اثنين
&&&&&&&&&& والظاهر إني صرت مضرب للأمثال

( يا عاقل ٍ عايش وحولي مجانين
&&&&&&&&&& ولا أنا مجنون والناس عقال )

وانشهد إن الوقت من حين لا حين
&&&&&&&&&& يطرب ويصفق ويتقلب ويختال

وجهة نظر يمكن تمثل ملايين
&&&&&&&&&& ومليون يمكن ما يكيلون مكيال

(موبايلي) لو هي تعاون مع (زين)
&&&&&&&&&& ما كان شفنا في البلد ضعف الإرسال

وان كان عند (الاتصالات) تحسين
&&&&&&&&&& يحري بها الشايب وهو سابق أجيال

إعلان مجاني بصدر الدواوين
&&&&&&&&&& للي لهم سطوه على كل جوال

متنافسين وكنهم في مزايين
&&&&&&&&&& كل ٍ يسوَق سلعته بين الأشبال

الله يقويهم وحن مستفيدين
&&&&&&&&&& ونصير نهرج سبع ساعات بـ ريال

قبل أمس كنا بين مؤتة وحطين
&&&&&&&&&& واليوم حنا بين بايع ودلال

والله واعلم درب باكر على وين
&&&&&&&&&& لا صاروا عيال الترف ما هم عيال

الله يكافينا شرور الشياطين
&&&&&&&&&& وأستغفرك يارب طــه والأنفال


وسلامتكم

حـــوار التــعــســاء اسعد الله مساء الجميع بالخير


من آواخر ماكتبت يتشرف بمصافحتكم

يا خاطر ٍ ما ضاق غير إلا من وجيه الحثال ^^^ والسارق اللي متعب ٍ عمره ومضنيه الجشع

والمشكله زاد العرب عنده ويأكل بالشمال ^^^ أكل أكل أكل أكل لكن حسافه ما شبع

وش عاد نبغى فـ الثقافة دامها الدعوه ارتجال ^^^ والشعر روضه بين ديم الفكر وانهار ونبع

نوابغ الفيزياء تثبت إن للطاقة مجال ^^^ وان الكثافة تنخفض لما الحرارة ترتفع

واحنا مكانك سر ..لانؤمن بإطلاق الخيال ^^^ ومن التعاسه لا تحاورنا تقاذفنا القمع

بين التشدد وانفتاح العلمنه.. شد القتال ^^^ جهابذة فكر تعارك.. والفضا ياما وسع

والمشكله أن الحوار احيان يغشاه انحلال ^^^ والمشكله تكبر إذا بأسبابهم تكثر بدع

يا ناس خلونا نعيش بلا توتر وانفعال ^^^ اكبر مصيبه فتنة ٍ في الدين والشارع شرع

كتاب ربي جامع الأطياف وخيار الخصال ^^^ والرب له حكمه وسبحانه من الحكمه جمع

آيات ٍ أعذب في معانيه من المي الزلال ^^^ وأحكام وأعراف وقصص والنور في جله سطع

نبغى التآخي والتألف والمرونه في الجدال ^^^ والشمس ما يشبه سناها شبة أضواء الشمع

يا حي هرج العاقل ليا جاك يضرب لك مثال ^^^ كنه يسلسل صف لولو وكن أحاديثه سجع

لا جاك يهرج ما يثرثر بالسواليف الهزال ^^^ معنى جزاله والأدب والحلم في حكيه طبع

لكن تجي لـ الصوب الآخر شي يدعو للخبال ^^^ أصوات تتضارب وسب ولعن وصداع ووجع

توصل لحد القذف تكرم توصل لحد النعال ^^^ نقاش معدم لا يدر لسامعه فود ونفع

سباع في كبر السوالف والشتايم والضلال ^^^ والله واعلم لو تجي للصدق ما تلقى سبع

وما يفتل هروج الدمان الا مراجيج ٍ هبال ^^^ والرجل لا جا فيه زوده يجعل الواحد ربع

وشلون ما يحشم مضامين ومواقيف الرجال ^^^ وشلون ما قد مر في باله كلام ولا سمع

ان الإمام الشافعي قد قال واسمع ويش قال ^^^ (ما طار طير وارتفع.. الا كما طار وقع)

يعني على هونك وإذا حظك تنكر لك ومال ^^^ اذكر نسانيس الرخاء ساعة وشأ فيك الطمع

وان كان يغريك الرضاء والطيب والكسب الحلال^^^ مالك سوى التقوى وحث النفس وإجلال الورع

والكبر جنّب مرقبه وأرقى على روس الطوال ^^^ واللي زرع دربه زهر ما يحصد إلا ما زرع

وسلامتكم

قصيدة سيف العشق للشاعر ابراهيم بن طهيفان (قديمة )
ضاعت علومي وأنا اللي حاسب(ن) نفسي شديد
....................................لعن أبوه العشق هذا سيف قطاع القلوب


ما هقيتك يا حديد تفل تكفى يا حديد
...................................و ماهقيت إن الجليد بوسط وجداني يذوب


الأكيد اني هويته ؟؟؟لا ابد هذا أكيد
...................................شوفني امشي شمال و غايتي عند الجنوب


شوفني حال(ن) تبعثر بين فك وبين قيد
...................................شوفني ذاك المسافر تاه من كثر الدروب


شوفني تلميذ شاطر واشهد إن عقله فريد
...................................بس حظه في النهاية ....النتيجة هي رسوب


يا غيوم(ن) مدلهمه واحجبت شمس القصيد
...................................بدديها يا ( جواهر) وأرسلي ذيك الهبوب


نظرة(ن) من عين ولا همس ولا لمس ايد
...................................اسجنيني في فؤادك وامنعي عني الهروب


النخل ما هوب نخل من غير سعف ولا جريد
...................................والسما ما هيب سما من غير مشراق وغروب


والهوى ما هوب هوى لا صار محبوبي بعيد
...................................والزمن من غير (جوهرتي) غدا وجه(ن) شحوب


استبيحك عذر يا قلبي وأنا ادري بك زهيد
...................................اترك الحزن وذنوبه ....اذبحتني هالذنوب


صافح النور بيمينك لا تعقدها عقيد
...................................شوف خلي وش حليله كامل(ن) مابه عيوب


شوف كيف انه ثناني ....بن طهيفان الشديد
..................................ما ثناني غير سيف العشق قطاع القلوب

========

تقبلوا مني تقديري وشكري

قهــــر .... قصيدة لشاعرنا المبدع إبراهيم بن طهيفان الشمراني
السلام عليكم

مساكم الله بالخير جميع
هذه قصيدة ورائعه من روائع ابوخليل حبيت تستمتعون بها


ما ذبحني يا مبارك غير كتمان القهر
.....................................اكتم بصدري وأحاول أتظاهر بالسرور


الضماير مجدبه لا ورد فيها ولا زهر
.....................................والقفار الموحشة ما ينزرع فيها زهور


الحنين بداخلي من جمرة البعد انصهر
.................................والهموم تهد غيري ومن على راسي تدور


السهر وش قيمته لا صار كل وقتي سهر
.................................والفرح في خاطري قطره تحيط بها البحور


يا حبيبي غيبتك اليوم في سلمي شهر
.....................................قلتها لك وبصراحة ما بقى عندي غرور


لو كتمت الحب في قلبي على عيني ظهر
.................................ولو حبست الشوق صدقني يجي يوم ويثور


يا بحر يا موج يا شاطي ويا سيف النهر
.....................................يا قمر يا ليل يا نجمه ويا صوت الطيور


لا تخلوني لحالي أقف بوجه الدهر
.................................ضاع عمري تايه(ن) بين التخفي والظهور


يا مبارك لو بكيت اليوم من زود القهر
............................ولو ضحكت بذمتي هالضحك ما هو من سرور

وتقبلوا تقديري.

مـلك الـقـلـوبـ السلام للأحبه

قصيدة بمناسبة زيارة خادم الحرمين الشريفين للمنطقة الشرقيه الاسبوع الماضي اعبر فيها عن فرحة اهالي المنطقة بالزيارة الميمونه

جزل القوافي تنتشي والشعر طوّقه الوشاح = والكايدات من القصايد تنحني لك بالمديح

واختار لك من دانة الأشعار زينات الملاح = و أوجه الترحيب صوبك ثم ارددها وأصيح

يا مرحبا يا مرحبا يا نور وضّاح الصباح = يا القائد المغوار يا الميمون يا الوجه الصبيح

شعبك يرحب بك وتجمح لك من أشواقه جماح = ترحيبة ٍ من قلب صادق حر ولسان ٍ فصيح

المنطقة غنت لك الليلة وبرق الفرح لاح = سعادة أهل المنطقة ما وسعها الكون الفسيح

والبحر يلعب لك طرب مع نغم هبات الرياح = والورد يضحك للزهر ويفوح بين الناس شيح

ملك على الدولة ولكن ملكك اللي ما يزاح = انك ملكت قلوب شعبك يوم لك قلبا سميح

زيارتك يا سيدي للمنطقة خير وفلاح = وشعبك وناسك جددوا لك بالولاء قول ٍ صحيح

زيارتك يا سيدي تضفي على القلب انشراح = وتبدد ألآم الضعيف اللي من الدنيا جريح

الطيب لو هو بحر عندك صفق موجاته شحاح = والجود لو هو آدمي مع جود أبو متعب شحيح

يا سيدي حنا نهلنا من نجاحاتك نجاح = علمتنا وشلون ننهض بالهمم وقت المطيح

وعلمتنا إن القيادة والمواطن والكفاح = ثلاثة أضلاع ٍ يذود بها الوطن لو هب ريح

قصيدة بعنوان " معركــة" للشاعر إبراهيم بن طهيفان الشمراني
السلام عليكم

مساكم الله بالخير جميع
هذه قصيدة ورائعه من روائع ابوخليل حبيت تستمتعون بها


معركة والقلب فيها.. ماخذ الدور القيادي
..................................بين تأنيب الضمير.. وبين ثورات الشجون


معركة والسيل فاض.. وخالط الوادي بـوادي
..................................فجّر كبار العقوم.. وارتوت منه بطون


معركة والرمح لو يخطيك ما اخطتك الهنادي
..................................وبصراحة يا أكون اليوم.. ولا ما أكون


حلها يا قلب لكن.. خلك بحلك حيادي
......................................حلها يا قلب دامك... يا معذبني تمون


خايف احبه ولاقي.. من محبته العنادي
.............................وخايف اهده ويصيب العقل.. من بعده جنون


يا مرام النفس ويا حلمي.. ويا غاية مرادي
..............................يا سبب فرحي ويا عشقي.. ويا حبي المصون


يا عقود الفل يا ريحان.. يا نرجس وكادي
..................................يا نجومي يا سحابي.. يا سماي ويا مزون


يا اصولي يا فروعي.. يا دياري يا بلادي
..................................أنت يا شف الخواطر.. أنت يا ضي العيون


لا تخليني أنادى........ لا تخليني أنادى
....................................بح صوتي يا حبيبي.. رد بصوت الحنون


اكسر الصمت وتكلم..أطلق الطير الهدادي
..................................والله إن الصمت بلوه.. زادت الموقف رعون


شوف (كعب) شلون نوّخ.. يوم بانت له (سعادي)
..............................وكيف (قيس) بدون (ليلى).. جالس لحاله alone


يفرد همومه ولون الحزن.. في عينه رمادي
..................................الفرح له لون واحد.....والحزن له ألف لون


آه من حظ(ن) معاند .. آه من طول البعادي
....................................آه من جور الليالي.....آه من كثر الظنون


معركة والكل فيها.. سالم إلا ذا الفوادي
..................................والشجر لو مات ما تحيا على جذعه غصون


معركة يا قلب تكفى خلك بدورك قيادي
.........................................وأنت حدد يا أكون اليوم ولا ما أكون


شعر ابراهيم بن طهيفان الشمراني

وتقبلوا تقديري.

شـيـخـة الـغـيـد اسعد الله اوقاتكم جميعا

قصيده كتبتها وانا خارج المملكة وبالتحديد في مدينة (براغ) عاصمة التشيك وهي تتحدث عن نفسها

الحزن قايد والشوارد طوابير
والقاف غرس وهاجس الشاعر البيد

والناس لو تؤمن بجلب المقادير
ما كان شفت الجازع يعيد ويزيد

وأنا بموت من الضما وينه البير
والعد فايت عن عيون المشاهيد

الليل موحش والقصايد مسافير
والبرد شايب والهبايب مواليد

وأنا تعاقبني صدوف المشاوير
بعيد عن داري ودمعي مواريد

في الديره اللي كل أبوها نواوير
جنوب عن برلين .. في شرق مدريد

راعي الحلال هناك ما يشري شعير
و(ابو سعيد) إن زارها همّل (سعيد)

يا ( براغ ) لوّك تجذبني المشاهير
أشوف واسمع وكنّي مقيّد بـ قيد

حزين وأنشدني وأجي كلي مغير
وأجاوبك وحروف شعري شواهيد

وأعطيك عن حالة أهل العشق تقرير
لا هو بـ مستنسخ ولا هو بـ تقليد

ليا ذكرت اللي لها في الحشا سير
أعدها مثل الجبال الجلاميد

فراقها ما ينحسب بالتقادير
إلا ضنا .. وجهاد.. هم.. وتناهيد

فراقها بكَى الشجر والعصافير
والورد ذبل وطاح في طارف الحيد

يا طير يا طير الهوى هيه يا طير
عوّد وعود اللي تعايدني العيد

بلّغ سلامي ثم سوق التباشير
للي غلاها والهوى صادني صيد

هذيك وجه الخير تجلب لي الخير
يا جعلها تبطي وهي (شيخة الغيد)

وسلامتكم

رثاء جدي الشيخ الشاعر سعد بن طهيفان (فقد غالي) السلام عليكم

اسعد الله مساء الجميع بالخير


هذي قصيده رثاء في وفاة جدي سعد بن طهيفان احد اعيان قبيلة شمران السبت واحد شعراءها العظماء


هذا رابط للقصيده نشرت في جريدة اليوم قبل شهر

http://www.alyaum.com/issue/page.php?IN=12502&P=23&G=2

يا قصيدي وأنت ماغيرك شربت إحساسي = ضايق وجفني جفاه النوم .. ويش الحيله

فاقد ٍ غالي ومن فقده توارد يأسي = وين هو جدي سعد من بعد ذيك الليله

وسط قبر ٍ جعل قبره روضة الجلاسي = اندفن والذكر باقي والحياة محيله

من وعيت أشوف جدي عزي ونبراسي = أستظل بظل فعله.. وان حكا أوحي له

حي والله وقفته مثل المنيف الراسي = لا بدا في الريع .. نمر ٍ مايصبّح غيله

لقبوه بـ ( شاعر السبت ) وعريب الساسي= داهية في الشعر .. غيث ٍ ما يشح بـ سيله

معقد ٍ للشور لا جاء في العقول إفلاسي = شامخ الطالة .. وسيع بطان .. مقدم جيله

حازما في الحق وان جات الطوارف قاسي = فعل يتلا قول والشارب على تفتيله

لو غدا للموت فدوه كان فدوك راسي = لكن ان الموت حق وكلنا نوفي له

يا كبار العرف ماني في القصيد مواسي = غير هم ٍ جيت أحطه قال شعري شيله

وكان فقد الشيخ زايد شق في بني ياسي = والله إن فقدك يا جدي مثقلا في الكيله

ادعي الله صاحب الملك وشديد الباسي = تغفر لجدي سعد وبرحمتك تضوي له

بـ عفوك اللهم يا رب ٍ خلقت الناسي = تنزله منزل نبيك وألطف بتنزيله

وتآنسه من وحشة القبر ومن الوسواسي = و تسعده في الروض مابين الزهر وإكليله

وألهم الحزنان صير وسلوة ٍٍ وإيناسي = وأصلح أحوال العباد ليا غشاهم ميله

ودمتم سالمين


اخوكم ابراهيم الشمراني

مرثيه في الأخ عبدالقادر بن احمد ال شنيف (ابو ريان)

أسعد الله أوقات الجميع بالخير والمسرات

أقدم بين يديكم قصيدة رئاء في الاخ العزيز والغالي رحمة الله عليه عبدالقادر بن احمد ال شنيف والذي افتقدناه في رمضان الماضي اسأل الله العلي القدير ان يرحمه ويغفر له ويوسع مدخله ويلهم اهله وذويه الصبر والسلوان.

أبو ريان شخصيه متفردة ورجل كان يحمل الود للجميع وهو من الاشخاص الذين قل ما تجده بوجه عابس او زعلان فهو دائم الابتسام كريم الخصال و طيب السريرة .

مهما تكلما وابتدعنا قصائد ومرثيات في هذا الرجل فلن نوفيه حقه ولكن جميل ان نذكر احبائنا الغائبين عنا ونستذكر مواقفهم وصفاتهم الطيبه

اعيد واكرر دعائي وابتهالي الى العزيز القدير ان يرحم ابو ريان ويحسن عزاء اخوانه وعمانه وابناء عمومته وجميع من عرف هذا الرجل الطيب

الشاعر ان ضاق صدره والحزن حده
يركي على القاف.. ينشد عذب الألحاني

بعض المقادير تنحا الرجل وتهده
حتى لو انك ومنت ان العمر فاني

أيامنا تنطوي والنفس محتده
مابين لهو الحياه وكذب الاماني

فراق بعض البشر سيل طما سده
حزن ٍ عميق وتعدا كل الأحزاني

الحزن غيم تعلا في سماء جده
وأنشأ من الغيم وبل وبلل أوجاني

فرقا كريم الخصال موفي المده
الغالي اللي حسبته حسبة اخواني

فرقا ابو ريان يا مثقل علي شده
مثل الجبال المنيفة فوق الأبداني

الغالي اللي ابتسامة وجهه تسده
ومن طيب فعله ينومس كل شمراني

الغالي اللي ملك كل البشر وده
يا واحد ماله خصوما وعدواني

الطيب تلقاه في مزحه وفي جده
والخير في مقبّله للضيف والعاني

يا رب تغفر له وتثبت على يده
وارحمه واسكنه في جنات الأفنان

وافسح عليه القبر.. ومد البصر مده
وأطعمه وأسقيه من حوض النبي الهاني

والهم حزانا القلوب الصبر والشده
وأغفر لنا يا عظيم ورب الاكواني

وسلامتكم

قصيدة تهنئة من ابراهيم بن سعد بن طهيفان لأخوه عبدالعزيز بن عبدالله آل معيض ها هو الشبل من ذاك الأسد / عبدالعزيز بن عبدالله بن معيض آل معيض الشمراني
وبمناسبة حصوله على دورة الضفادع البشرية بكل جدارة من القوات البحرية بالجبيل
قال فيه إبراهيم بن سعد بن طهيفان الشمراني هذه القصيدة:

عشت ياشبل ياللي ترفع الراس من ذاك الاسد
اشهد انك كسبت المدح والمدح من عادات جدك
لاغرابة لمثلك نيل مجد البطولة والشرف
اسم عبدالعزيز أخذ صدارة كبيرة بالتهاني
الصحافة وكل قال مبروك ياهذا البطل
وافرحي يااسرة آل معيض وابتهجي بابن البطولة
ابنكم خاضها واجتازها بالشجاعة والهمم
وان ماقام به يعد رفعه لشمران العناصي
والله يزيد بالأبطال مثلك حماة للوطن
هذا ماجاد به لك بوسعد من هجوسه والسلام.