ديوان قصائد لشعراء المملكة العربية السعودية (متجدد)☘️☘️

( يوم الوطن )
رفرف على غصن العنب طير وأغراه
فصل الربيع ومنظر الورد منثور
غرد بصوته واطرب السمع مغناه
ذا موطني ذا مرتع العز والنور
وأنا جذبني صوته العذب ماحلاه
ياليتني مثله على الغصن عصفور
ياطير تكفى كرر اللحن والاااه
لجل القلم ينزف من اللحن في سطور
صوتك يهيج شاعرٍ دوم مبداه
(حب الوطن ساحر وأنا منه مسحور)
يوم الوطن يوم الوطن لاعدمناه
يوم الوطن نصعد له النجم ونثور
ياطير تكفى كرر اللحن والاااه
لجل القلم ينزف من اللحن في سطور
مثلك شربت من الصغر حب في ماه
ومثلك أكلت من الثمر كل مبذور
ومثلك أضم ارض الوطن دوم وسماه
وابني وسط قلبي له قصور وقصور
اكبر فخر فيه الحرم شع بضياه
له تتجه كل الملايين في شهور
واكبر فخر فيه النبي كان ممشاه
وسطه بنا مع مسجده دين مع دور
حكامنا من ماضي الوقت ترعاه
وتوشحه بين الدول ثوب مستور
عبدالعزيز اللي على الدين رساه
فعلن ملك من بارزه مات مقهور
بدد ظلامٍ دامسٍ أمس عشناه
وأسس لنا في عالم العز دستور
واشباله اللي واصلوا الدرب وياه
من شافهم يلمح ضياغيم وصقور
(الطير وافة الإرهاب )
ياطير لحظه داخلك هم أقراه
وأشوف ساقك يعرج اليوم مكسور
قلي لعلك تنثر الهم تنساه
وأنا أبدل همك اليوم بسرور
صاح بأسى طير الوطن صاح ويلاه
كيف البشر تنكر هوى الارض وتثور
ياللعجب يابن الوطن كيف تبلاه
تقطف امن وتبدله خوف وقشور
كيف اللذي يمشي على الأرض بصباه
يهدي لها بعد الكبر لحد وقبور
وكيف اللذي بسهامها شد يمناه
أرسل لها سهم الغدر حقد وشرور
ياطير انا دمعي ترى بان مبداه
زودٍ على همك كسر ساق وشعور
كيف اللذي يهدر دم الغير ماجاه
صوت الطفل يصرخ وسط نار مأسور
ماحركه أمٍ بكت قبل تلقاه
وبعد اللقى طاحت كما الحظ وتثور
ماحركه شيخٍ على الأرض سواه
فوقه وطت كل البنايات بالدور
هم شرذمه متقوقعه وسط مشكاه
في وسطها عالم من الظلم والجور
هم سمموا فكره وخلوه في سماه
يمشي على دربه مع الموت منحور
وحب الوطن حب الوطن كيف ننساه
دام الوطن في عالم الأرض بلور
الله يصونه عن هل الحقد وعداه
ويهد ناسٍ همها الطعن في ظهور
الشاعر
ابراهيم الشمراني

دون عنوان
هليت ان دمعي على الخد والمود
سبة جروح الوقت من دون عاده
امس اتصبر واسحب الحبل معقود
واليوم حبل الصبر فك انعقاده
يا حظ تكفى كبل النحس بقيود
مليت انا ابكي ابل الوساده
حالي نحل والجسم ذابل ومهدود
والصوت عود وانكسر في ارتداده
سبة فراقك ياالابو صرت مصيود
كني صغير الصقر في ارض ساده
والله لاشعل كل ماذكرك بارود
في منتدى شمران واضغط زناده
ربعي اللذي بافعالهم دوم محسود
اهل الكرم والجود واهل الرياده
في وسطهم اتخيلك دوم موجود
واسعى لهم لو كنت ارجي السعاده
ابو بلال اللي على الحق معهود
يتوسد السجاد والظلم باده
وهذاك عايض يشبه الغيم وورود
حرفه يبل الروح والذوق زاده
حتى السعودي يعشق الخير ويذود
يعشق بلاد العز في ظل قاده
لبيه يالوافي عريبٍ من جدود
شاعر كبر بالشعر منذ الولاده
ياشاعرة انتي المشاعرلك حدود
دامك جبرتي الحرف يترك عناده
رحال تكفى دندن اليوم بالعود
واعزف على الاحساس في وصف غاده
ماتشوف ناظم اصبح اليوم مقرود
يكتب قصيد الحزن والحزن صاده
عنواني اني يا شمارين مسنود
فيني الوفا والحب زايد حصاده
واذا نسيت اللي ذكرنا وموجود
اوعده باكر اكتبه في قلاده
يالله ترحم حالي اليوم وتجود
تمحو ذنوبي محو واعيش ساده
العمر يمشي واول العمر معدود
والقبر منزل والفعايل عماده
جسمي نحل من خوفك اليوم مفرود
خوفي العدو ابليس ياصل مراده
واكون واحد من ضحاياه ممدود
وسط العذاب اذوق لسعة عتاده
اطلبك ربي تقبل الصوم ويعود
شهر الكرم والقاه عاده وعاده
حان السحور وموعد الفجر محدود
وهذا قصيدي طير واعلن هداده


ابراهيم الشمراني

(بنت الجزيره)
تساليني يالغريبه عن وصف بنت الجزيره
عن قصايد في حلاها تنكتب طول السنين
تساليني عن مزايا حسنها ذيك الاميره
ماعرفتي في بلادي نصفنا الثاني ثمين
تساليني عن براقع تختفي فيها اسيره
ماظهر منها شعاع للردي ياللي يهين
تساليني عن بلادي والصبا فيها كثيره
كلهم مثل الكواكب تختفي فجأه تبين
تساليني عن حلاهم ناظري شمس الظهيره
وش لمحتي بلغيني عن شموس الطاهرين
تساليني عن عيون بالحلا هي مستديره
والرموش اللي تبارز في فضاها كل حين
والشفاه اللي شهدها ينسكب في كل ديره
من ثنايا من لمحها يطلب المولى يعين
والخصر ياللي تثنا بالغنج في سرب طيره
كنه حضور القصائد في وسط قاف حزين
والدلال اللي نعرفه بالنسا نعرف نديره
دامها بنت الثريا لانوت تفتن تعين
لامشت ترسم خطاها تحتشم في درب غيره
ماتبي تدفن شرفها في وحل من صلب طين
تساليني يالغريبه عن سبب حب العشيره
ماعرفتي في بلادي نفتخر بالطيبين
احترق لو بنت عمي تحترق في نار حيره
وانكسر لو بنت خالي تنكسر في نار عين
جاوبيني لو سمحتي في بلادك يالكسيره
وش عرفتي من كرامه شو تعرفي من حنين
جاوبيني عن صبايا همهم لبس القصيره
والعيون اللي تناظر في عيون العابثين
جاوبيني عن تجمع بالمسا برض خطيره
مابها غير الثمالا والصبا برض الانين
جاوبيني لو سمحتي جاوبيني يالمديره
جاوبيني ليه سكتي ماعرفتي تنطقين
جاوبيني عن علاقه تحتمي فيها الوتيره
تحترق فيها الاصاله في نفوس الفاسدين
للاسف انك سالتي عن وصف بنت الجزيره
ماعرفتي في سؤالك في بلادي تطعنين
البلاد اللي تربع بالقمم في كل سيره
والبنات اللي تلبس بالذهب في كل عين
للاسف ان الاجابه عن بلادك هي قصيره
ماعرفتي في بلادك من رداهم تفخرين
كلمات
ناظم الهمسات

عيد الفطر
يامروعه عيد الفطر يوم طريــاك ـــــــــــــ رفرف على قلبي قبل يوم عيدي
يامنوتي وينك ترى القلب يهواك ــــــــــ من دون وصلك مااذكر اني سعيدي
قولي مبارك واضوي الشمع بدفاك ـــــــ خلــــي الدفا ينعش خفايا وريدي
غني بسمعي واطربي السمع بغناك ـــــــ خلـــي الغنا يصهر بصوتك جليدي
انتي التهاني ترتسم من محيـــاك ــــــ تسكن قصور الحب ياللي تشيــــدي
وانتي الاماني تنعزف شعر بلقاك ـــــ تنظم حروفي توصفك في نشيــــدي
ياليتني قربك واهنيك وارعــــــاك ــــــــ ولا ابن عمك واحسبك في رصيدي
ياحلى عيونٍ تلفتت من زوايـــــاك ــــــــــ يــــاعيون ظبيٍ شاردٍ لاتصـيدي
بنظم ورودي واجمع الفل بشفـــاك ــــــ واكســـر صدودك بالامل يالعنيدي
عودك بهرني والخصر حيل حــــلاك ـــــ والجسم ناحل والقلب به وقيــــدي
مشيك بهرني كالقطا غنج سواك ـــــــ في وسط عيني يالقطا ما تحيدي
العيد عندي ياجمل الحور رؤياك ــــــــ يوم المحك واتصافح ايديك ايـــــدي
مجنون حبك ذلل الحرف واهدا ك ــــــ ارقى قصيد الشوق في وصف ليــدي
انا متيم واعشق النور بضيـــــاك ــــــ لـــن الوهج من طلتك لي يبــــــــيدي
وانا ترى موتي اشوفــــه من جفاك ـــــــ مليت حزني مع فراقك يزيـــدي
العيد باكر وانتي العيد دنيـــــــاك ـــــــ وانا الاسير وعشت عمري وحيدي
قولي مبارك واسمعي الرد لو جاك ـــــــــــ منـــي يردد عاد عيدك سعيدي

كلمات
ناظم الهمسات

الـرحــيــل


كل مامرت دقايـق فـي غيابـك والرحيـل
استغيث بصوت عالي من عذابـي ياعـذاب

يوم غبتي عن عيوني مع وهج شمس الاصيل
مابقالي غير ظلما مـع طيوفـك واغتـراب

اتشحتي لون ل يلـي وابتـدى حملـي ثقيـل
لين مل الصبح مني واختفى مثـل السـراب

للأسف طعتي العواذل همهـم حشـو ا لفتيـل
اشعلوا فينا حطبهم واختفوا مثـل الشهـاب

كنت اعاند في وصالك كل مجنـون وهبيـل
وكنت احطب من ظلوعي للدفا دون احتطـاب

وكنت ا ردد للعواذل ارحلـوا خيلـي اصيـل
ماتغيرها القلوب اللـي لهـا لـون الغـراب

وكنت اشوف بوقفتك جلمود ماحركـه سيـل
شامخه بارض المحبه يحرسك ظل السحـاب

مقبله لجل المحبه مدبـره عـن كـل ميـل
يالمُكِـره للوصـال ويالمـفـره 00 للغـيـاب

الليالـي حولتنـا مـن فرحـهـا 00للعـويـل
واغرقتنا في المآسي والسهـر زاد المصـاب

انفتح باب العواذل وابتدى الـدرب الطويـل
وارتحلتي في طريقـك والصبـر ملـك وذاب

اعرف انك كل لحظه تسكبـي دمعـك هميـل
واعرف انك كل ليلـه تكتبـي فينـي كتـاب

واعرف انك لاسمعتي صوت يشبه للصهيـل
ماذكرتي غير شعري في وصوفـك والعتـاب

واعرف انك لا لمحتي صورتي دمعك يسيـل
تغرقين الجفن حسـره وتلبسيـن الاكتئـاب

للاسف انتي هدمتي بيت فـي جسـمٍ نحيـل
كنت احاول ارتفع به وارتفع بـك للسحـاب

للاسف انتي فتحتـي بـاب سمـوه الرحيـل
بعد ماكنـا نعيـش وحولنـا مليـون بـاب


قـصــيــدة
ابراهيم الشمراني
ناظم الهمسات

هذه القصيده كتبتها لصاحب السمو الملكي امير منطقة عسير / خالد الفيصل
عربون اعجاب مني لما يكتب من قصيد

أميـر الشـعـر
على عزف القصيد اللي سمعته يرتجف بشفـاك
تغشاني جمـال الشعـر ياللـي ذاب بعروقـك
امير الشعر ياخالد عسى الله يحفظـك يرعـاك
يمهد لـك دروب الخيـر دوم الـدوم بطروقـك
فتنت اجمل بنات الفكر يوم الشعر مـن يمنـاك
يوصف كل نغمة حسن تنبـع ذوق مـن ذوقـك
اذا كل الربيع اللي غـزا ابهـا تـرى ناجـاك
وش اللي ترتجي من شمس غير تغيب بشروقك
واذا كل الوصوف اللي وسط شعري نوت تنصاك
وش اللي ترتجي من نحل غير يطيـر ويذوقـك
واذا كل القصيد اللـي كتبتـه بالشعـر غنـاك
وش اللي ترتجي من لحن هام بعـذب منطوقـك
واذا كل السحاب اللي غشا ابها نـزف بوفـاك
وش اللي نرتجي من نجد غير تكون معشوقـك
انا كلي فخر واكتب قصيدي وارسلـه لرضـاك
واشبه كل وقفة حرف مثـل النخـل وعذوقـك
تربع ياأمير الشعـر فـوق النجـم فـي دنيـاك
وعلمنا عـلام النحـل ينـزف شهـد ويبوقـك

قـصــيــدة
ابراهيم الشمراني
ناظم الهمسـات

لحظة صمت

عندما ارتحلت لدبي هزني الحنين لكي .

لحظة صمت ... وأتفجر الجفن ينهال
واغرورقت عيناي بالدمع تبكيك
كفي ارتعش أو حرك الأرض زلزال
أو هزني شوق برق وسط عينيك
جاد الحزن واستوطن الصدر واغتال
قلب نقش في داخله كل امانيك
راحل وانا اشرب من الحزن بدلال
راحل وانا شفت القبر في شواطيك
يامترفه ياموثقه القلب بحبال
كيف ارتحل كيف ارتحل كيف اخليك
يامنيتي حزني غزا الكون بظلال
مد الاسى حتى سكن في نواحيك
راحل وانا في داخلي الف تمثال
صممتها باروع جمل صغتها فيك
انتي فقط ...ترخص لك دموع ورجال
وانتي فقط... اقطع لك العرق واسقيك
فوقك سطع لون الذهب ذاب برمال
متغرطسه من يشبهك في تغليك
وفوقك سرب طير القطا صار يختال
يمشي ولع من لهفته في نواحيك
فوقك قمم متربعة الصدر بجبال
متعاليه فوق السحب تفتخر فيك
فوقك مدن متشابكه مثل سلسال
مترابطه برجالها لجل تحميك
فوقك قصص تروى عن اجيال واجيال
بدمائها تروي الارض لجل تبنيك
وفوقك ملك يشهد له الكل بافعال
صارت عقد في نحرك اليوم تحميك
يالمملكة ياشيخة الزين رحال
راحل وانا في عيني الدمع يرجيك
يالمملكة حنا لك دروع واغلال
يالمملكة حنا قبور لاعاديك
يالمملكة فيك الحرم مهد لازال
يحظن امم من اخر الارض تلفيك
صقر العرب امن لهم درب وظلال
واشعل لهم في ظلمة الليل اتريك
يالمملكة لاتسمعي كل من قال
دون النظر في واقعك قبل يطريك
حنا معك خلف الملك دوم نغتال
صوت العدو اللي من الكره ينويك
يالمملكه قل الشعر فيك او طال
انتي هنا صعب بقصيدي اوفيك
غني معي ياديرتي بكل موال
لجل المحك وسط اللحن في اغانيك
وخلي العلم في وسطه السيف في العال
لجل ارفعه لو هزني الشوق واطويه
استأذنك ياساكنه القلب رحال
راحل وانا في عيني الدمع يبكيك

ناظم الهمسات

دمعة الذنب
قصيده من ارشيف الصبا نقلتها كما كانت قبل 8 اعوام 1420هـ





دمعة الذنب


هــــــذي سحابـة دمــعــة الذنب غطتك
سالت علــى جرف الظلوع الهزيلــــــه

فاضت علـــى خــــــــــدك وبلت مخدتك
حتى حكت للناس انك قتيلــــــــــــــــه

يــــــــــامــــــا تفننتي بقتلي ببسمتك
وياما ربطتي خافقي بالجذيلــــــــــه

كنت اتمنى اصعد لحـــــــــــــد نجمتك
والمح نجوم الكون عندك نزيلـــــــــــه

وكنت اتمشى فــي حمى ارض ديرتك
وارسم على الجدران همي وازيلـــــــه

قلبي طعنه السهم والــــــــــدم قسوتك
وحرف الاسى والجرح صدرك يعيلـــه

سكة عذابي شوك مــــــن ورد طعنتك
في وسطها دمعات رمشي هميلـــــه

يامجرمة حـــــــــرب العواطف بفتنتك
دارت رحاك وحظي اشتد حيلــــــــــه

هــــــــذي جروحك والهدايا ورسمتك
وهذي قصائد عانقت الف ليلـــــــــه

وهــــذا نزف ناظم شكا الجرح سبتك
وهذا صدى صوته صرخ منك ويلـــــه

امــــواج هجرك تصطفق وسط نظرتك
والغدر بحرك وانحسر معك ذيلـــــــه

ارجــــــوك ملت نفسي اليوم همستك
ماعاد صوتك يجذب القلب ميلـــــــــه

مـــــــادام جرحي صاير اليوم نغمتك
اذا طلبت ارضاك قولي حليلــــــــــــه

انتي تبي قتلــــــــي بهمسك وفتنتك
وانا عزيز النفس قدري اشيلــــــــــه

روحي مــــــع غيري وعيشي بدنيتك
امــــا انا شرواك لازم ازيلـــــــــــــه

ياللـــــــي سحابة دمعة الذنب غطتك
سالت علــــى اظلاع غدر الدخيلـــــه

قبرك نصبته داخل احـــــــلام كذبتك
موتي عساه القبر كذبك يطيلــــــــه

والليل يــــرفض تشعلي فيه شمعتك
عيشي ظلام الليل وابكي رحيلـــــــه

[/size]

قصيدة
ناظم الهمسات

من ارشيفي

قصيده كتبتها بعد ان قرأت قصة فتاه كانت يتيمه وتعيش في كنف جدها وعمها وغرر بها شاب مدعي الزواج حتى نال من شرفها وتركها تواجه مصيرها بنفسها
كتبت القصيده على لسانها




هذا الزمن يحكم على قطع يـدي
وأنت الذي تسرق وأنا أطيح بشباك

الله يصبـر دمعتـي فـوق خـدي
مادام مثلك يزرع الدرب بشـواك

كنت أحسبك وافي تبي درب جدي
تطلب رضاي وتطلب النفس تهواك

كنت أحسبك جزري إذا فاض مدي
كنت أحسبك عالم به النور غطـاك

ياما كتبتك بيـن الأوراق عنـدي
انت الحبيب ولازم الروح تغشـاك

حتى البشر شافت على حد صـدي
اسمك ورسمك مع وصوفك وممشاك

ياما عزفتك والصدى جـاب ردي
هذا حبيبك ينتظـر يـوم طريـاك

شفتك تواعدني وانـا قلـت ودي
ودي ولكـن ودي العـم يلقـاك

أنا أبدويـه سمعتـي مثـل قـدي
لازم يبين بمعدنك طيـب هقـواك

ياليتني من نظرتك شفـت حـدي
لكن هقيت بنظرتك شوق غشـاك

أغريتني حتى ابتدى معك عدي
ياليت موتي عانق وعـود بشفـاك

ابسألك ليه ألوفـا معك ضـدي
وابسألك ليه الغدر كـان مبـداك

وابسألك لو كان موتـك يهـدي
ليه تحسب الدنيا تبـي دوم تهـواك

ماكنت احسب بسمتك سم يندي
حتى أنجرح من طعنتك قلب نـاداك

ياقاتلي لو تفتهـم يـوم قصـدي
دنيا تدور ومثلك يـدور بسمـاك


واليوم بصرخ للنسا حيـل شـدي
شدي الوثاق وعضة الذيب تبـلاك

هذا الزمن شوفوا حكم قص يـدي
واللي قتلني سافر دروب وأفـلاك



ناظم الهمسات

(انتفي ريش الهموم)



انتفي ريش الهموم اللي لها في الجو حوم
واكسري منها الجناح اللي في خدك تلطمة

واضحكي خلي شفاتك تطرد أزلام الهموم
بسمتك تضوي الليال المعتمات المظلمة

امسحي دمعة عذابك من طرف ذيك الكموم
وأشعلي شمعة تفاؤل في الليال المعتمة

وان تذكرتي غيابي في وسط طيف الرسوم
ارسميني وسط كفك يالكفوف المجرمة

ناشدي شمران ارضي تعتق اطرافي واقوم
وارتحل لأرض النفوذ اللي خفوقي تحكمة

وسطها حبٍ دفنته وانبعث فيني يعوم
اااه ياصوت الحنين وصوت همس الملهمة

يابعد تمر الخلاص اللي حلا طعمه يدوم
يانبض حرف القصيد اللي تمنى مبسمة

كل مامرت دقايق المحك بين الغيوم
تنثرين الدمع بأرضي والشفاه متمتمة

يازهور الكون عطرك باقيٍ وسط الهدوم
من ثمان سنين عطرك في هدومي احكمة

من بعد فرقاك شعري يشرب بكاسه سموم
يسكر بلمحات طيفك في القصيد وينظمة

لك وعد مني احبك لين ماترخى العزوم
لو الم بعدك خفوقي هد حيله وسمسمه

لك وعد ابقى اشوفك كل مااغفى واقوم
ولك وعد احفظ هدايا لملمتني لملمة

وكل ماتهت بغيابك انشق أطراف الكموم
واتذكر ريح عطرك يوم كنتي مغرمة

والنهايه اوعديني تنتفي ريش الهموم
تضحكي ياللي سكنتي خلف عظم الجمجمة

مرني طيفك لمحته سابح ٍ وسط الغموم
واستباح الشعر فكري لجل حبك وارغمة
ناظم الهمسات
1426هـ