ديوان قصائد لشعراء المملكة العربية السعودية (متجدد)☘️☘️

الله من هم على القلب سهاج

كنه يقطع ثومة القلب تقطيع

...

يارب يامن بيدك امري والافراج

سهل طريقي قبل لاتيه واضيع

...

عاقل وصلفات الليالي لها ابراج

ترسل على قلبي سهوم ومواجيع

...ابونايف....

الشاعر عبدالرحمن بن جروان في قصيدة
بمناسبة سلامة الاستاذ علي بن فائز بن عقدان الشمراني

ابيات مهداه من الشاعر عبد الرحمن بن جروان الشمراني (ابو نايف)
للشاعر عايض غرم الله الشمراني بمناسبة سلامته

قصيدة رثاء وتعزية في الشهيد رشيد بن عبيد بن منيس المصعبي الفزعي الشمراني
للشاعر عبدالرحمن بن جروان الشمراني

صعبت علينا ظروف الوقت يالله تعين
للشاعر عبدالرحمن بن جروان(ابوناااااااايف)🌺




صعبت علينا ظروف الوقت يالله تعين
ماعاد بصدورنا لاهل المعاتب سعه
..
اشره على الطيب اللي يخطي بحاجتين
نسيان. معروف.. واقباله على منفعه
..
والا الردي نحسبه من حسبت الميتين
وانا أشهد ان المواقف بعضها موجعه
الشاعر عبدالرحمن بن جروان
ابوناااااااايف

يامدورت السوالف على قيل وقال
الشاعر عبدالرحمن بن جروان الشمراني(ابونايف) 🌹🍃




يامدورت السوالف على قيل وقال
اللي ماتعرف تقول الخبر وتحلله
...
ماني مدور وراكم ولا والله اسال
شبح عيني مايدور بسله مهمله
...
ومنكبي لحمول ربعي مضرى بالثقال
ولاتلفت للخطأ دامني اتحمله
...
اعذر ابن العم واعفيه من حرج السوال
وان دعاني في لزومه وقفت اجمله
....
والخطا وارد ولاكل يصيب المقال
ومن وصلني عذره اقنع بقوله واقبله
....
وادري ان الشجره الطيبه فيها ظلال
لو لحاها الوقت تبقى الغصون مظلله
....
مايتعبني سوى من جحد طيب الرجال
وواحد ماهوب يحسب حساب الاوله
...
مع تحيات.. عبدالرحمن بن جروان الشمراني.. ابونايف

على الطيّب أسند همومي وأشاكي الحال
للشاعر المميز عبد الرحمن بن جروان الشمراني / تصميم الأستاذ أبو زياد

ياالله ياللي كل شيئ بأمره وتدبيره

قصائد الشاعر علي سعد ظافرالشمراني


الروج والكحل والميش




تسريحتك والرّوج والكحل والميش
ما تنفعك مالم تصفّي السّريره

والهم لامن جاك لو سرّك العيش
ما ينجلي همك بكاسين بيره

ياللي خذاك اسمك وحلّق بك الريش
من مولدك وانتي سمو الاميره

اسمك جريمه في عيون الدّراويش
ومكانتك بين الخلايق كبيره

لكنك اسرفتي في الّلهو والطّيش
يمكن ثرية مال لكن فقيره

وش قيمة الانسان ينحب قدّيش؟
اذا دفن قلبه وموّت ضميره

اذا انكرهتي يوم لا تسألي ليش
عادي تبيعك كل عين(ن) بصيره

ماتشترين العاشق الحر لو بيش
ولو تزرعينه ورد شح بعبيره

واليوم قلبي عنك مقفول بالشيش
استودعك ياعل في الأمر خيره


علي سعد ظافر الشمراني