ديوان قصائد لشعراء المملكة العربية السعودية (متجدد)☘️☘️

قلبي الملتاع
قلبي الملتاع

قلبي الملتاع يضرم على روحي جحيــم = ويِزمهرّ احيان ما بين نيران وصقيـــــــــع


دونما أيًّا سابق إنذار يدهمني دهيــــــم = والمناعة عندي ارهف من الحدّ البريــــع


أسهم الغيدان تمرق وتآصل للصميـــــم = ما توقِّيها الحواجب وعيني ما تطيــــــــع



واشخل العلًّة واداول جروحي للنديــــم = وانثمل لشحيمة اذني ليا حدّ الكريـــــــع


ما تواسا متني الا وانا ورعٍ فطيــــــــم = إما ذالحينه فأنا اطب في جرفٍ وريــــــع


والركادة سيمتي مير في عهدي القديم = والصبر ماهوب كيفي واخاف اني لاضيع


وحَّلتبي خفتِّي في ثرى حظي اللئيـــم = واللي ما يحمد عقاب الزمن يقعد مطيـع


ما توخّيت الحذر والهوى فيني يهيـــــــم = والجوارح رجَّها لين خلاَّها تميــــــــــــــع


حتَّى سيَّلها على كل وادي من رميـــــم = فيه يلعبن الظبى والمهى لعب الرضيع


كل ظبي يقول انا والحمل فوقي ركيــم = والزَلَف والزَّار يهرف بنا هرف الهليــــــع


والثّقة ما عادة الا عصا شايب عديــــــم = ما تنوزه كود للي تنوزه للمنيــــــــــــــع


يعلم الله كم وجودي وكم قلبي كليــــم = لو تهيجنته على هيف رجمْ اصبح رعيـع


يا ربيع الجسم والدمّ ذعذاع النسيـــــم = يا صباح الوجه والفمّ به طلعٍ ينيـــــــــع


يا مبسمل فيك بسم الله الرب الرحيــم = واصدق الله فيك آية جمالٍ للجميــــــــع


حرزك الله حرز من كل شيطانٍ رجيــــم = وامِّنك ما نمِّن النفس في مشرى وبيـــع

من ارشيف الغربة
تحياتي المتواضعة
1/2/1431هـ 16/1/2010م

فزَّاع
فزَّاع

انا ما فكَّرت في كثر الشخوص وقلَّهـــــــا = دامني من كثرتي فزَّاع ما قلَّلت احَــــــــــــد

الخطر حيَّاه ربِّي فالمواقف كلَّهـــــــــــــــا = طرقي والطرقي نضيفه لو على حسابي قعَد

ما تعلَّمت ارتم البيبان وآزرفلَّهـــــــــــــــا = اصلاً إمراحي بياد الارض والقمره عمَـــــد

فإن حصل خاطر فلا آضن الدلال يزلَّهـــــا = حتَّى تاتيه الثلاث البيض والماء والقنَــــــد

وإن بدا زابن فِيا دِق القلوت وجلَّهـــــــــا = تاتي جِرد وشابيه وإبلا حيا وإبلا وعَــــــــد

حزَّة الملقى ليا حمْي الوطيس وسلَّهـــــا = ويردف ويسند لها قدْح الشميزر والكنَـــــــد

ترتبع بيضا وترجع بالحَمار يطلَّهـــــــــا = كنَّها عروس ما خافت من إعيون الحسَــــــد

لو تبي تغزي بلاد وقافلة تحتلَّهـــــــــــــا = ذي مراويسي على شدَّة يديني للأبَـــــــــــــد

ماني باوايق وعيني فالغياد اهملَّهــــــــا = إلاَّ كاني بأظهر إظهور العوايد والعهَــــــــــد

ماني من ياتي ولا يدرابه إيه اعلَّهـــــــا = شطر قاله بن فطيس ومن حكا بعده هجَــــــد

من عقد روس الحبال إنهي حبال يحلَّهـا = لأن من صابه قراص الداب خاف إمن العقُـد

الوجيه الجافله والِّي تصدَّد خلَّهــــــــــــا = كان معميها الحسَد فلا يفيد إبها الجهَـــــــــد

ساقي في سهله وراسي فالرجوم يتلَّهــا = وإن جهلني زيد ما غرَّه عن إعلومي سعَــــد

يدري إني ابشِر الحزَّات لين اظلَّهــــــــا = وْلا تصاليها الشموس وْلا يحاذفها البـــــــرَد

احتويها مثل طوي البير ومعينٍلَّهـــــــــا = قرح وزلال وثجاج وغيل وخيول وعِــــــــــدَد

خلّ من لا يرفق الفرِّيس لا تامنلَّهــــــــا = ادنا ما يغويه لا جا الجد فالماقف رقَــــــــــــد

ثمّ نفسك في تياك المعضله دوِّرلهـــــــا = ما بتلقاها الاَّ مغبونه وذابحها اللَّهَـــــــــــــــد

من بغى برْي القصايد ذا هجوسي هلَّها = هت خلافك واُخْذ من زين الوسايم والقلَـــــــد

وشلَّها والاَّ ندوِّر من يجي ويْشِلَّهـــــــــا = وإدري يالِّي ما درى عنَّا ويالِّي ما رعَـــــــــد

الدِلي باقي مِلِي فلكن إبلي منلَّهــــــــــــا = لازمٍ تارد ليا ما جات مهمى تبتعــــــــــــــــــد

تحياتي ودمتم سالمين

سعيد بن منجية

عِزّ نفسك تِجدها
عِزّ نفسك تِجدها وإرق روس الخلايــــــق
تبصر السهل والعاصي وسِمْبِسْ دحَلْهــــا

ومن فِجَر بينك وبينة بحور ومِضايـــــــق
إسدل شراع بابورك لمينا سهَلْهـــــــــــــا

وإزبره بالجبال الراسيات البنايـــــــــــــق
وإجزره بإحمرار البدر وإنثر هَلَلْهـــــــــا

خلّ ذروة سنامك للحِمِل دوم طايـــــــــــق
وإنقل الطيب لأكناف البسيطة وأهَلْهــــــا

وإحذر إنك تقول النفس عادت حرايـــــق
تنقشع كومة الصحرا بواحة زلَلْهــــــــــا

حاجتك لا توقّفها سدود وطوايــــــــــــــق
إبلغ مرادك المنشود وإقطف خِصَلْهـــــــا

الرجا في الطجام من الرجال الذرايــــــق
مثل رجوى الشياطين الرجيمة وامَلْهـــــا

كلّ بيس ورعاع يدوج مثل السلايـــــــــق
يحْسِبَه من حَسَبْهْ إنه يهرول لأجِلْهــــــــا

ما درى انه من اللهثه خفيف الوسايـــــق
وعند وقت اللكايد ما يوثَّق حِملْهــــــــــــا

يا جديرٍ بمنح النصح شارف ووايـــــــــق
دوك عين الصَقَر ميزان تدني حَجَلْهـــــــا

جاش صدري حجال الغرب وسمة حقايق
يعصر المر من قرحي ويمطر جِدَلْهـــــــا

وما وعت عيني إلا عقب غرف الوهايـق
وانكسر مطنب جفوني وخيَّم كسَلْهــــــــا

ويثني الساق في دربي قليل الفوايــــــق
ثم تظهر على روحي خوافي زعَلْهـــــــا

وبرضي اهدا واحاول اثْقِفِك يالفهايـــــق
وأعطي لكلّ حقٍ حق وأجزي عَمَلْهــــــا

وأنشر حبال تفكيري بكلّ الطرايـــــــــق
وآخذ لجعبتي من كلّ وادي عَسَلْهــــــــا

من عِشم في الزمان يروح عمره بوايق
وما ربح درهم ودينار يشفي غَلَلْهــــا

إنتصف من متاع الوقت قبل العوايـق
وإترك مِساوَل الدنيا ومتعة فَلَلْهــــــا

الطمع خيَّب الهقوه وباح التهايــــــق
وإنكسر فارس الغفلة وغادر بَطَلْهـــا


هذه متواضعتي اتمنى ان تلامس خناصر قبولكم

تحياتي

سعيد بن منجية

آخر زمن
آخر زمن


يوم كان السدْو قايم وفيه الشيخ يآمــــــــر = يوم كان الشيخ شيخٍ وخدَّام القبيلــــــــه

فيه طيب ودين والبيت للضيفان عامـــــــر = مقطعٍ للحَقّ والناس في بيته نزيلــــــــه

والقلوب أصفى من الغيم لا جا منْه ماطــر = كلّ شي حيٍّ من الما وما من حيّ يجيلـه

من تحَت ربِّي ومن تحْتها قوم وعشايـــــر = ترفع آكف الضراعه لربٍّ ترتجيلــــــــــه

عُرْفَنا واحد ودولاب شيخ القوم سايـــــــر = خلفه الفرسان مطرق عصا ما فيه ميلـه

صغيرنا ما ينطق ابداً ولا ياتي مطامـــــــر = يلزم إثمه لين يعْرِف وش الِّي هو يقيلـه

وعودنا لا من نطق مثل حدّ السيف شاهر = يفصل المخطي ويجبر كسيرٍ عزِّتيلـــــــه

وجا علانا حفنةٍ من ملا هَلْ المظاهــــــــر = يتبعون الموضه الِّي نتايجها قتيلـــــــــــه

تقتل اخلاق الملا والعوايد والمشاعــــــــر = وتقتل أعراف البشر والكرامه والفضيلـه

لين ما يبقى على الساحه آذان ومنابــــــر = ولا إحترام إلراعي الدين وإمام وفضيلــه

صدق هذا آخر زمن, فيه تنشاف الكبايــر = كُنَّها إصغار, وسلوم العرب عادت فشيله

صار مكيال الحياه ازداوجي, والمقامـــــر = فوق طاولْتْه يقايض على غدرٍ وحيلـــــه

زمَّروا للغرب والغرب حطُّوهم مزامـــــــر = وقصدهم ياتو لعقر العوايد بالرذيلــــــــه

ادنى ما يكشف عطيب النوايا والمجاهـــر = وما اسهل إنَّا ننكله ويعَرِف طعم النكيلـه

واحدٍ منَّا عن الف إن دعت فينا الضمايـر = نشرق الغاوي بحلقه ونرديه النثيلــــــــه

الادب ماهوب لعبة حواديت ومسامــــــــر = الادب دين وعوايد صناديقه قفيلـــــــــــه

للّعِب وقتٍ وللجد وقت, ومن يكابـــــــــــر = فوق قول الحق, فالحق له ناسٍ كفيلــــه

اصلح الله حال من زاغ قلبه والبصايـــــر = وعاد رشده لين ينهج معا نهج الجميلـه

القضايا واجد وكم هنا مذنب وقاصـــــــر = جعلها تصفح من الله ولو كانت قليلـــــه

الحيا شعبه وقلَّه يخلِّي الرَجْل بايــــــــــر = والكلام إن قلّ خِيره وما ودِّي نطيلــــــــه

تحياتي القلبيه والقبليه

سعيد بن منجية

اسمنا شمران
(اسمنا شمران)

قد عرفنا الخير والشر والمسلم مخيَّر = والثقة ما بين الاجواد ما يخطي عشَمْها

والصله والمرجله والرفاقة ما تهيَّر = كنَّها ربع البوازل وماها في سنَمْها

الشرف ميقاف ما يصرفه بنك ومسيَّر = تظهره سواعد الخيل واسبقها ودَمْها

اسمنا شمران والدمّ فينا ما تغيَّر = جدّ من سابع جدود العرب ماهي عجَمْها

ستة بدود العرب من مهابتنا تحيَّر = والسيوف الجرد والشلف والفزعة علَمْها

حِنْ هل الشلفا هل الحرب والزير المزيَّر = من مخالبنا شبعنا وفالشارب دسَمْها

يبطي الزالوب والذيخ والثور المديَّر = ينطح عصاة القبايل وفرحتها وألَمْها

طيبنا من طيبة اجدادنا والعلم خيِّر = والرجال نِعزها والرخوم نسِدّ فَمْها

لابتي من سبت شمران لا بيشة عميِّر = في حمانا الطير والغير يعني إنَّا حرَمْها

الجنيب يجار قبل الكبار من الصغيِّر = والكبير يفيض من كفَّة العفو وكرَمْها


مع خالص التحيات

سعيد بن منجية

ذيل الكلب
(ذيل الكلب)

1 يا عرب شريت كلب العام من سوق الكلاب = بوه ضبع, الخبت ما يسوى بدونه والسهَل

2 وهو واخوه وصرمته قربٍ يباريه الذباب = منفقع وتضيع من سرَّه قراهيد الزلل

3 وما يفيد النفخ فيه ولا يجَمِّل فالصعاب = كلب ما ينبح لضيف ولا لضان ولا لإبل

4 وما يصيد ولا يصاد ومخلبه مخلب غراب = وعين بوم وفرو عنز وقوّته قوَّة بغل

5 حتى من طوله وخشمه قلت ذيب إمن الذياب = قلت بشري خوَّة السرحان ما مثله شكل

6 ربه إيجمِّل مقامي قبل عدوان وصحاب = وافتخربه واعتزي به لا بدا خصم وزعل

7 يهيب فالميقاف كل ابلج يسمى بالحراب = ويطقّ خصمي فأول إمقابل ويلحقْه الفشل

8 واعتنز علاه مثل الضلع في كتف الهضاب = متكي وتقول شيخ اقوام كم صاح وفعل

9 يحتمي داره وربعه ما يفرِّط فالتراب = الي من عظمان جدانه من إعصور الجهَل

10 شيخ شيخ, العلم عنده لا بدا فصل الخطاب = ما يعَرْف الكيد لإنَّه حرّ من اصل وفصل

11 والجبل خلفه طوابير الجبال الي تهاب = من عددها إمة الثقلين في حل ورحل

12 وانا مع كثر التقدم والحضاره والكذاب = انسذج عقلي وصرت إتقول مثل الي خبل

13 صرت اصدق من يضحّكني وياتي بالعجاب = الي يعطي من حلاوة منطقه حلو وعسل

14 لين شفت الكلب ذيب الحكم لله والحساب = وبوي قد قال انتبه يابوك من روغ الثعَل

15 من بعيد اتشوفه انَّه ذيب وإليا جا زلاب = يموت فيدينك والى رحت اعتثا فيك الحيَل

16 فقلت ذيله ذيل ذيب وهدّته هدَّة عقاب = فقال ذيل الكلب مطوي هو هو ماينعدل

17 وهدّته يبغى عظيم, الكلب عراش الهباب = فيا ولِدِي هذا كلام الي غدا عود وكهل

18 فقمت اونّ الونَّه الي تتعب القلب المصاب = من وهن حيلي يا كيف الكلب يضحك بالجمل

19 يقول لك مخلابي وعطني سنامك والزهاب = فإنكسر مخلابه إمن أول مهمَّه لي وإنسحل

20 وهو روى وإبخير دام إيهلّ من فوقه سحاب = والجمل لا طاح طاح, إهتز من تحته جبل

21 تاتي إعلومه مع الي ويش خلَّف من خراب = إما مع عذرا هي اخت القاف ذيه الي بـ إل

22 فبعدها انشد يا ولد هل التجارب والجواب = عن دروب العرف والقاله وما طال ونزل

23 فإنّهم يعطوك رد السالفه حق وصواب = والشلي يدرا جنابه قبل ما يبدا قبل

24 فلا تهب رجلك على دربٍ بلا جره وباب = ولا تحطّ ايدك على ثم الدويب وفي دحل

25 واخر المعنى صويب القلب بالقيفان طاب = عقب ماشبلان ذاك اعطبت ذيله وانخذل
سعيد بن منجية

حوالة والعوامر والمنتشر
حوالة والعوامر والمنتشر



حنَّا لِيا جينا لذِكر المطاليق الزحول
نذكر حوالة والعوامر مصابيح الظلام




قومٍ على الشدَّة تربَّت وكلمتها فعول
ما خيّبت هقوا القبايل على مَرّ العوام




أسبق من الخيل الأصايل لِيا دِقَّت طبول
وأمنع من حصون الحرايب لطلاَّب السلام




قيف العصاة إليا بِدا فاللّوازم حن نقول
هم قالةٍ مع قيف شمران لا زاد الكلام




ربع ورفاقة وأبنا عمّ وروابط ما تزول
دوامرٍ تلهد كبود الحقايد بالحسام



تارد حياض الموت وورودها وِرد الفحول
ويغصّ بحلوقة قبيل الحوالي فالخصام




كم شرّقت هيلا الحناجر وطقّتهم فلول
في يوم عيَّا ساهر ألاَّ يمسِّيها صرام


هازت سنام العزّ وإليا بغت غيره تطول
يا بخت من كانت قبايلْه من هاز السنام




قومٍ عمى عين العدو في مواقفها تهول
وحِنَّا ذرى الزابن لِيا جا قَعَدْ وإحْنا قيام




قيف العوامر قيفنا والحوالي ما يحول
ماضي وحاضر من درَج عن حقايقها يضام




والمنتشر قومٍ ونعم المنابت والأصول
ما غرّبت عنَّا ولا جا على ماهم زحام




مدقالهم معْنَا وحنَّا معاهم فالدقول
ما نختلف لو تختلف باقي الناس النظام




ومن رام في زرع الفتن جعل عمره مايطول
قُلته عن اولاد العناصي وانا آخرهم مقام




هذا هجوسي طاب من عقب ما طال الوصول
والحمدلله يوم جا جيت فكِّيت الصيام




قلت الصلاة أبْدا واشدّ الجِمَل قبل الخيول
ثم أعمِد الحكمة واسوِّي فرايدها لجام




أبديت حب ربوعنا والحلايف والحمول
واشوف عزّ الرجل في غير هذي ما يرام




واخيرها صلاة ربي على الهادي الرسول
عداد من صلاَّ ومن طاف بالبيت الحرام
سعيد بن منجية

الطلاقة
الطلاقة
يرحم الله بطنٍ اضنا مطلقٍ قد اللوازم = حُرّ ما يسمح تبيح السالفه واطْلَبَك جابه

يعرف المغزى بعينك قبل تلغيه البلاعم = والشلي يرفع مقامه ما يقلِّل في جنابه

ينجز المطلب كذا من بعد ما جتْه العلايم = ما طلبته كيف لا مني طلبته في طلابه

المواقف تظهر الحر الندواي فالمواسم = ما يهد الا على كايد عِجِز عنها عقابه

ثم يغيب ويظهر إليا جابِتَه صيد الحوايم = يحتصيها في مخاليبه وتمْكنْها قضابه

والحديَّا من وانا ناشي على الجيفه تلايم = كل يوم اشوفها تنْعق على قشع وخرابه

مشيها تنقز تقول إضبيع وكراعه معاسم = ولا بغت تنفر تدهشر بين ربحان وكلابه

وريحها يفقع نخاعك كأنها كومة قمايم = والله إنه فرق بين الحر ذا شكله مهابه

وبين حديا وبوم وغرابٍ فصايلها رخايم = قوتها الفضله وجيف البر يكفيها هبابه

المواقف ما يفوز إبها الا صملين العزايم = تاتي قدر إعزومهم كنْها ضلاعين وهضابه

تكَبِّر المنكف وسبَّح لا تسندها المسالم = الطلاقه في وجيه اهل الطلاقه والرحابه

وجيههم تبشر بخير ولا لِحِقْ فيهم قسايم = ما تخاف وما تخوِّف روسها كنْها حرابه

في يديك إمهابةٍ وإليا دعا الداعي تقادم = تحتمي من خلف وتفجّ الهويِّن في كرابه

الحياه امزوح وضحوكٍ ويخلطها هلايم = وفي بعَض الاوقات تبغا جِدّ ما فيها دعابه

يعني لا صحنا نبي فزعه نبي فزعة الاوادم = فاللزوم إتسد لو ما حن بصدقان وقرابه

الشيم فالطيبين اقوى من إعروق المحارم = الصديق إحرص علاه اكثرمن اخوان العصابه

خص ذرب الحال فزاع المحيا والمهاجم = راس حربه فأول الفيلق عقيدٍ يعتزابه

التجارب خير من دكتور في علاجه مياسم = تكفلك قبل الخطا ما ياتي وتونس عذابه

سعيد بن منجية

النشاما
لا بدَت حزَّة هل الفزعة نجايب = لو ماهي بيدي صرَفت إلْها يدانا

مثل بو نايف ليا جات الصعايب = العصا اللِّي فاللّوازم ماتْعَصانا

سيف شمران العناصي فالحرايب = مثل بن طالب علي فوق الحصانا

يقصب الغاوي كما قصب الجلايب = حي بو نايف من إخشوم العيانا

ماهوب التالي مجار إمن العقايب = ما نِعَمْد الاَّ على روس المجانا

ما حَدٍ يجهل جنابه فالعرايب = يكفي إن صيته جذب حتَّى عِدانا

يفزع إليا من دعَت فيه الطلايب = كنَّها حاجَتْه يسرع ما توانا

وما حَدِ ينسا الرشيدي فالوجايب = نار من فوق العلَم زبن الزبانا

ينجز الغايه ولا يحسب حسايب = ينطل الغتره وكنْه اللِّي مدانا

خاسرٍ روحه على دفع النشايب = في وجيه الناس ما يرضى الهوانا

وابو سلمان إن حكينا فالعجايب = نقعد إنحاكي ولا غلَّق حكانا

وقفته فينا عن اصحاب وقرايب = حن توالمنا ولا خيَّب دعانا

طيِّب المعدن وحظَّه ما يخايب = يوم بعض الناس ما ساعد وعانا

يعشقه من ربعنا غمرٍ وشايب= حِن نِعَرْف الحُر من شكل الهدانا

حي ربعي حي ربعي فالنوايب = تاج روس الناس من ماضي الزمانا

صِح بِهِم ياتون فالحال وزهايب = علمهم غانم وفي الماقف يبانا

دام فيهم ذول يذهب كل عايب = غطُو فوق اهل العذارب والضغانا

وإن بدا زلَّه من إصديق وحبايب = فالرياجيل النشاما هي عزانا

بادري الجانب كما لو كان غايب = والعرب ما تشْره إليا من هجانا

مثل ذود البل ليا كانت نجايب = دايمٍ تلقى غواربها سمانا

ما يضُر إليا توالتها الهبايب = راسيه مثل الجبال اللِّي رسانا

وإبن منجيَّه ومعروف الصلايب = يعشق الذربين وعفاهم عفانا

سعيد بن منجية

إبن عوَّاض
اتشرف ان اقدم هذي القصيدة المتواضعه والقصيرة

في المستشار في ادارة تعليم بيشة الاستاذ الشهم ابراهيم بن عواض العامري الشمراني

ومن لا يشكر الناس لا يشكر الله

اترككم مع القصيدة والمعذرة على قصورها ان تطال قامة الكبار

علّقوا الراية البيضا على رجم عالي = لإبن عوَّاض مدهال العرب والنشاما

سيف شابي يقص العظم لا جا مجالي = في يِدَك حوم به لا جا لزوم ولزاما

يقصر الطايل ويطْوِل قصار الحبالي = فاللّزوم إيخَدِمْك إليا سِمَع بالعلاما

يرتبع مثل فحْل الذود بين الجمالي = يتبع الحيل من غادي مابين الزحاما

يطرح الكايده فوق الصفا والرمالي = ما به إركود كنْه الموج صفْق ولطاما

ولا ركَد فُلْك راسي له على جنب جالي = له قبال الخلايق هيبةٍ وإحتراما

مستشار وأمين اللِّي يجيله يسالي = يضرب إيده على صدره بليَّا كلاما

يفعل اللِّي عجَز عنها كبار الرجالي = شيمته كبرها تتعب كبار الزلاما

هي تحرِّك عظامه حتى لو هو محالي = شيمته تعزمه خلَّت وعوده لزاما

تجْرَة الطيب يتقنها وهي راس مالي = يكسب الناس ما فكَّر بكسب الهداما

ذول هم تاج فوق الراس مثل العقالي = أفتخر به واطاري به في حرب وسلاما

إبن عوَّاض من عامر عِرَاب السلالي = الدواخا حما وادي النضَر بالقداما

محرقين الضعافا في بيوت العوالي = فالتهم والسراة إعصابةٍ ما تراما

لبسهم جوخ والرِّبْعه علاها الدلالي = قوم شمران شمران العصاه العصاما

نحرص إليا كسبنا واحدٍ ما يزالي = يتبع الاولين إبطيبهم والجهاما

نكسبه ما نخلِّي خوّته فالخوالي = نطربه مثل ماطربنا وحنَّا حزاما

فاللّقا لا بغاني أنطح اللّي بدالي = قبله وخلفه اتحدَّى قبيل وقواما

أنا فرِّيس لا جا للمبارَز قبالي = عزوتي تكسره قبل اقصبه بالحساما

وآتعنجه فخَر ربعي زبان الدخالي = حِنَّا شمران فالماضي وذالحين ياما

قد كسبنا نواميس الشرف والسجالي = والعوارف مقاطع حق طول العواما

توصِل العلم للشيبان حتى العيالي = وغمرنا ينطرب ويشوش لا من تناما

لين يجبر ويكبر فيه حب القتالي = في سبيل الشرف ما قد عرف لإنهزاما

سعيد بن منجية