ديوان قصائد لشعراء المملكة العربية السعودية (متجدد)☘️☘️

بدر بن عبد المحسن » العمر أحبك


لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك

بدر بن عبد المحسن » طيف


نامت الشمس .. واستيقظ عناي
حال دون الكرى طيفٍ ضوى
ساعة أقبل نطحته من عماي
وصحت يا سيدي .. طال النوى
أحسب إنك معي ليتك معاي
يوم ضميت بيديني الهوى
يا بعيدٍ عليه انزف دماي
لاقضى الصبر .. ولا الشوق ارتوى
نبتة الدم .. تورق في حشاي
من سببها ترى حالي ذوى
وين أنادي ومين يسمع نداي
صرختي فيك .. وسكوتي سوى

بدر بن عبد المحسن » ضيعت الدليل

كل ما أقفيت . . ناداني تعال
وكل ما أقبلت عزّم بالرحيل
وكل ما أجنبت واعدني شمال
يا أهل الحب ضيعت الدليل
الحقيقة غدت مثل الخيال
هو عدوّي . . وهو أغلى خليل
شفت أنا الظلم من بعض الدلال
يجرح القلب لو كانه جميل
أشهد إن الهوى ما به عدال
هو خلي . . وأنا قلبي عليل
وكل ما قلت له يا ابن الحلال
المحبة عطا . . وانت بخيل
التفت لي وهو عجل وقال
لذة الحب في الشي القليل

بدر بن عبد المحسن » ضيعت الدليل


كل ما أقفيت . . ناداني تعال
وكل ما أقبلت عزّم بالرحيل
وكل ما أجنبت واعدني شمال
يا أهل الحب ضيعت الدليل
الحقيقة غدت مثل الخيال
هو عدوّي . . وهو أغلى خليل
شفت أنا الظلم من بعض الدلال
يجرح القلب لو كانه جميل
أشهد إن الهوى ما به عدال
هو خلي . . وأنا قلبي عليل
وكل ما قلت له يا ابن الحلال
المحبة عطا . . وانت بخيل
التفت لي وهو عجل وقال
لذة الحب في الشي القليل

بدر بن عبد المحسن » على النوى


على النوى علمي .. بهم هجعة الليل
نجل العيون من البكا كحلها سال
واليوم غير الياس.. قل المراسيل
يا من يطمّني عسى ليلهم طال
الله على اللي ما صفط لي غرابيل
لاشك شرع الحب همٍ وغربال
قفّى ولي في حجر عينه تعاليل
تقول يا ذا البعد نجزيك بوصال
وتعلقت روح الليالي المقابيل
و يا عنك ما يامن من الوقت رجّال
لا ما علي لو دمع عيني هماليل
الموت دمع القلب لا صار همّال

بدر بن عبد المحسن » ظماي انت

ظماي انت .. ومن يعشق ضماه غيري
جروحي انت .. ومن يكره دواه
اسقني لو ما ارتويت .. داوني لو ما شكيت
ماهقيت اني اعطش .. في حياتي لغيرك انت
مادريت ان مابه أغلى منك ..الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني .. من عطش .. ليلي ونهاري
عطني موعد .. وانسى موعد
بس لا... تهجر وتبعد
يا ظما قلبي لقلبي .. وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
اه ... لو تدري بشوقي
آه ... .يا ظما الدنيا بعروقي

بدر بن عبد المحسن » قادر الله

قادر الله .. قادر الله ..
يالغضي ..قادر الله
نلتقي فـ وسط الطريق ..
خطوة مني ..وخطوه منك
شارع الفرقه .. يضيق
قادر الله ..
والمحبه .. هي من الله
حطها وسط القلوب ..
قلب يتهنى بشبابه ..
وقلب يتعذب يذوب ..
قادر الله .. قادر الله ..
لا .. ولا ياابو سن ضاحك ..
منك ما شفنا عبوس ..
ما تعودنا نشوفك ..
إلا بهجه للنفوس ..
قادر الله .. قادر الله ..
ليتني وانت في جزيرة ..
ما يجيها غيرنا ...
حولنا بحورٍ غزيره ..
نقضي فيها عمرنا ..
قادر الله .. قادر الله..

بدر بن عبد المحسن » لاتنساني

خريف ..
اوراقك الصفرا .. خريف ..
والضحكة الصفرا .. خريف ..
ملت .. مواعيد الوله ..
قلبك دله ..
وقف .. النزيف ..
وش عاد .. لو تكذب علي ..
إكذب علي ..
ما عاد .. فرحني غزل ..
ما عاد .. عذبني امل ..
ياحب ناداك الرحيل .. رد الندا ..
إخترت عن عيني بديل .. وكان المدى ..
أعطيك .. وش عندي قليل ..
صرخة .. وصدى ..
اللي بيدي إني اذوب ..
واشتاق لك .. طيف وصور
ولو هو بيدي .. امحي الدروب ..
والغي المواني والسفر ..
وآه من السنين .. يا حبيبي ..
من اللي ما ينسى مين ..
واللي يعيش ينسى ..
ومر الزمن ليلة ..
ليله .. بعد ليله ..
اسهر .. وانادي له ..
وأحيا على .. باقي عطر..
فـ أطراف منديله ...
ويلاه ... يا ويلاه ..
قلبي أنا ويلاه .. أسهر أنادي له ..
وامر شباكه عسى .. تضوي قناديله
يا حبي اللي ذاب ...
ما للزمن أصحاب ..
صدقني ما أدري لمتى ..
إنت وانا أحباب ..
وآه من السنين
لا تنساني .. هذا الكلام اللي بقول ..
لجل المطر .. لجل الفصول ..
لا تنساني ....

بدر بن عبد المحسن » ليل البعاد

ما أطولك ليل ...
ليل البعاد .. والإنتظار ..
ما اطولك ليل ...
سارق من عيون النهار ...
ناسي زمانك ...
زمانك .. يا شجوني ...
عارف مكانك ..
مكانك.. في عيوني ...
يا ليل .. يا ليل ..
يا ليل أنا ربعي هناك ...
وداري ورا الدمعه .. وراك ...
الله على شمس الأصيل ..
من ضيها مثل الذهب ..
الله على سمرا تقول ..
الى متى الفرقا .. تطول ..
في صوتها .. شوق وعتب ..
ما أطولك ليل .. ما اطولك ..
طال .. طال بي وجد ..
قلبي يا هواي ..
يا دفا نجد ..
في عيون الصبايا ..
ليتني نسمه .. على عالي عسير ..
أو على جده .. على الشط الحرير ..
ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..
ما أطولك ليل ... ما اطولك ..

بدر بن عبد المحسن » فم الجروح

فم الجروح ..
نوافذ البوح ..
هذي الثقوب في الصارخ الحي ..
نوافير من ضي ..
وجدار ..
املاها بحديث النار ..
واكسرها على اقدام الاماني ..
مره أغاني ..
ومرها .. كلامٍٍ جارح ..
وهذا القصيد ..اللي كتبت البارح ..
اليوم .. انفاس الصباح ..
تلفح جروحي ..
آه .. ياصبحٍٍ لمحت في عتمته روحي ..
طفلةٍ تصدح على خشب المسارح ..
ياصوتها الغاضب المقطوع ..
بعض السواد .. شموع ..
ومحدٍ درى وش قلتي ..
خانتني الجوارح ..
مثل القصيد اللي كتبت البارح ..