ديوان قصائد لشعراء المملكة العربية السعودية (متجدد)☘️☘️

قصيدة خوذوا جميع الي لكم
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
232 مشاهدة

خوذوا جميع الي لكم وتركوني

والي بعد لي ليتكم تأخذونه

جميع ماتملك يميني يهوني

خوذوه مني دون قوة ومونه

خلاص لاجيكم ولانتم تجوني

نفسي عزيزة ما رضيت المهونه

ماني بمن يرضى حياة الغبوني

الي على الي مأيبي تجبرونه

حرٍ بروحي ما هقى تجبروني

لأن طبعي كلكم تعرفونه

حساس وأخشى بكلمةٍ تجرحوني

وأنا من النوع الذي ما تبونه

ماني بليدٍ بارد الدم دوني

عزة مقامي تاقف اشناب دونه

والود لي ميزه وقلبي حنوني

لا شلت حقد ولا بنفسي خشونه

والنوع الي له كلكم تنسبوني

أعتز فيه وليتكم تفهمونه

ولو تفهمونه كان أنا تعرفوني

خبرتكم لكنكم تجهلونه

قصيدة جبل طارق
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
217 مشاهدة

امحوا خيالي اعبثوا شنعوافيه

صولوا وجولوا يا سراب العقارب

كانه قتلني زيدوا القتل تشويه

قتل الرجال أكذاب فتل الشوارب

ما ينحني راسي ولاني موطيه

ولاني بعد عن جمع الأنذال هارب

أوفي بعهدي مع رفيقي وداريه

وأبقى السند يوم الخطر له يقارب

يا لي بقلبك لي حقدٍ ومخفيه

خله بقلبك دام لك به مارب

وش تأكل النملة وش اللي تخبيه

وش يشرب العصفور من سد مارب

وش ياخذ البواب من ثروة البيه

وش تفعل الأقزام ضد المحارب

وهل هوجبل طارق درى برجل واطيه

والبحر الأبيض هل شكا من القوارب

أعتز في نفسي ومن طاح أواسيه

لو كان كدر صافيات المشارب

ليه على بعض الأقارب مشاريه

وياللأسف بعض الأقارب عقارب

قصيدة قصيدة لسعيد العمودي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
214 مشاهدة

سلام ياشاعر له الشعر مندان

من نبضك الفاخر تسامت قوافيه

تاقف لك ابياته وتعتز الاوزان

تعطيه هيبه في حضورك وترضيه

مني لراع الطيب والصدق عنوان

اهديت لك شعري مغلف ببوكيه

لونبتعد ماينتهي حب الاخوان

نبقى على سلم المحب ومباديه

ياهاجسي (عرعر)بها طيرحوران

زف المشاعر لاتزف المشاريه

مني لبوحاوي معاني وقيفان

في غيبته ماغاب ذكره وطاريه

قله يقول(الشمري) كان ماكان

له قصةٍ تجرح خفوقه وتكويه

حبيت يوم الحب دوحه وبستان

واليوم قلبي ماتعدد بلاويه

اقفت بيومٍ شفت للحب نكران

ليل الوداع اللي خذتني مساريه

ياشينها لاصرت تايه وحيران

يجف زرعك لاتلاشت سواقيه

وراع الهوى لوقال ربحان خسران

في مجتمع يبيع قلبه ويشريه

لابد يرجع تالي الوقت ندمان

ويضحك على حظ التعاسه ويبكيه

قصيدة يا طير لا تغرد
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
208 مشاهدة

يا طير لا تغرد ترى ماني ابخير

صوتك يسبب لي متاعب شديدة

كانك تغرد للطرب جاك تحذير

مني وخلك في مسافة بعيدة

غريب والغربة ترى وضعها غير

يا طير أنا ماني بحال سعيده

غادر مكانك يا سريع المشاوير

اخل المكان وموقعك لا تعيده

انعدت ريشك تفقده يا عصيفير

شف لك عن أبراج المدينة جريدة

لو كان أبو خالد زبون المناعير

عندي تغير خاطري عن وعيده

قصيدة غزيت قلبي غزو بوتن لكييف
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
201 مشاهدة

غزيت قلبي غزو بوتن لكييف

من كل وجهه طوقتها جنوده

فرض شروط وقف الغرب توقيف

ورسم على شبه الجزيرة حدوده

وانته رسمت بداخلي حد ما شيف

ما شافه احد ولا درى في وجوده

تم احتلالك مركزه دون تكليف

متى على الله منك ترفع قيوده

عانيت هم وسط صدري عواصيف

تثيرها أفكار العقول الحقودة

يا نور عيني راح عمري سواليف

ردي حياتي لا تكوني جحودة

قصيدة ياذا القمر
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
198 مشاهدة

ياذا القمرعندي قمركنه إياك

كنك من أخدوده تسلفت زينك

حتى بصمته به شبه من حلاياك

يشبهك مابه فرق بينه وبينك

الاعيونه لنظرت تربك أرباك

وان سلهمت ياقلبي الله يعينك

يزيد نبضك واتغيرمزاياك

تحمل هجوسٍ ماربت في عرينك

ياصاحبي شف مابقى عندي ادراك

الااني ادرك خافقي في يمينك

لاتقصي بطعنات قلبٍ ترجاك

الي حنانه فااااق به والدينك

فاق بحنانه من على الصدر رباك

وقبل يديك وحب صافي جبينك

رضاك عنده غايةٍ مالها دراك

ان كان تدرك غايته فأانت وينك

كان بحياته ماعرف حب لولاك

جابه زمانه وأحكمنه سنينك

جاك وتمكنت بحناياه واغلاك

لوجرت مع جورالعدا مايد ينك

مهما حصل تبقى سليمه نواياك

اناوقلبي كلنا مسامحينك

ماكن في ذالكون مثلك وشرواك

كن الوجود وماحوى بس عينك

قصيدة يا عويد الكسار
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
191 مشاهدة

يا عويد الكسار يا نسل الأكرام

الله يرحم من على الطيب ربوك

وآآآفي وطبعك ما تغيره الأيام

لك معدن صآآآفي ولا هو بمشروك

خذ جل ما خطت لك امداد الأقلام

مع دقها لك وقعة بسم متروك

صوتك وصلني والصدى جا له ارزام

اقبل صداه بصفحة النت محبوك

مرسوم كنه لوحة بيد رسام

واسع خيال وخبرته ما بها شكوك

رسم الجمال بريشته يلجم الجام

لا خطها يكتم بها كل صعلوك

محد يجاريها من اعقول الأغزام

مثل الذهب في قالب الصب مسبوك

موزون وزنه ما نقص منه اغرام

مثقال ذره ما نقص وزنها دوك

من شاعرا بالقاف فارس ومقدام

رصيد فكره له محطات وبنوك

يطرب لها من سمعها بين الأنام

ياخذ يردد ما كتبته على البوك

قصيدة الهم هز القلب
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
189 مشاهدة

الهم هزالقلب والناس ممسين

هزالرياح العاتيه خضرالاغصان

حتحت ورقها وانتهى المنظر الزين

كن الهوى بغصانها صوت شيطان

من ماجراله هزني واسهر العيين

وظليت ساهر في دجى ليل الاحزان

ليل على عيني غدا كنه أسنين

طال وظلامه ما تفرق به ألوان

سرمد سوا الأهات ماله عناوين

ياطول ساعاته مسفات والزمان

صرصرعبوسٍ يجلب الشؤم والبين

فيه الألم يعزف على اصوات غربان

الساعة الوحده زمن عشرة اسنين

فيها الدقايق مثل الأشهر بحسبان

كني أعيش الليل بحساب قرنين

الهم خلا داخلي نار بركان

ياضيق صدري بين ذيك الميادين

تعصف بي أفكاري على كل ما كان

تبيعني بأسواق همي وتشرين

دستورها مايشمل احقوق الأنسان

لوكان فيها حقوق جتني ملايين

تعويض عن ماصابني دون نقصان

قصيدة جمالك سلبنا رشدنا
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
187 مشاهدة

علي الحرام انك خذيتي عقول الناس

وأنا مثلهم عقلي غدا بحسنك الباهر

جمالك سلبنا رشدنا وضيع الإحساس

كذا راحت الأفكار يا ساحر الشاعر

احس بغيابك يكتم الروح ولأن فاس

وساعة حضورك ينجلي همي القاهر

أنا إن غبت عني يا حلو صابني وسواس

أقوم أتحرى طلتك واقفا ساهر

قصيدة خوذي قصيدي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
178 مشاهدة

خوذي قصيدي انشدي واطربيني

غني وخلي مولعك بك يغني

انتي منى روحي وقلبي وعيني

صوتك حياتي يطرد الهم عني

انتي الوحدك بس الي تعرفيني

ولاهوعلى مايخلق الله تجني

دونك مصايب غيبتك واسئليني

وكيف الهموم استفحلٍ واجرحني

اشفي جروحٍ خلفتها سنيني

احيي انس قلبٍ فقد شي مني

روح الشباب ونشوة العاشقيني

ليه الفرح مامر بعدك حضني

عشت المأسي والقهر والحنيني

وحلفت مسمع غيرحيٍ فتني

ساعة وجوده ترجع الروح فيني

روح الأمل ما يوم به خاب ضني

يابلسم جروحي ومصدر انيني

اشف الجروح الداميه واحتضني

اترك بلابل روضة العاشقيني

عندي على فرحة قدومك تغني

والله والله مابقي صبر فيني

الصبر ما طيق الصبر والتأني

مابيه لوهوميزة العاقليني

أخشى الليالي بالصبر يخدعني

كم راح من عمر الشقاء علميني

حيثٍ ساعات الصبر علمني