ديوان قصائد لشعراء المملكة العربية السعودية (متجدد)☘️☘️

قصيدة يسعد مساك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
179 مشاهدة

يسعد مساك ويسعد الله صباحك

ويكتب لك التوفيق في كل ساعه

خذ راحتك وأنا تحمل جراحك

امر وأنا بقول سمعا وطاعة

أسعد إليا ضميتني في جناحك

صدري بعد ضيقه يزيد اتساعه

انسا ويسعدني فرحك ونجاحك

لو كان مالي بالفرح واستماعه

قصيدة نسيم الخمائل
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
178 مشاهدة

سقى الله دارٍ نور عيني سكن بها

سقها بمزنٍ ديم هلة مخايله

سقاها حقوق الغيث واخضرت ارضها

وكساها الخضار وجت له الناس حايله

كلٍ تخير منزله من اطلالها

من السيل حذر ولايجي في مسايله

تفتح بها ورود الربيع وتناسقت

كما الموج لاهب النسيم بخمايله

لاهب نسناس النسا يم تشدني

ذكراه وقت غروب شمسي بعايله

بذاك الشعيب لياتفرق عن الجبل

هذاك سمي عا يله من فعايله

من قوسيله جنب السيل مدرجه

بذاك المحير وطم عالي نثايله

ازور المكان الي وطى صادق الوعد

واذكر كلامه يوم يغضب وحايله

ابيه يرضى واترجاه يبتسم

ولياضحك ناري تطفي فتايله

ضواحي دياره صرت اجيها وزورها

غلا الدارحبي للعنود وجمايله

أحب المها وطرياه من شان صاحبي

وليفٍ عليه القلب قلت محايله

لوابتعد ليه قريبٍ من الملا

سمي المها مطبوع بالقلب فايله

تذكرت يومٍ كان خلي بقربنا

يومٍ به المجمول دنا رحيله

ذكرآآآه ماراحت عن البال ساعه

اناكيف ابنسى الترف ناقض جدايله

عليه مجدول الياقض مجدله

كسى الجسم الي فيه الحلا وفي مثايله

كما الليل لونه بالثقل ضام عنقها

نوبٍ يميلهاونبٍ تما يله

كل ماذكرته هلت العين عبره

والقلب كنه وسط حامي ملايله

أحبه ولكن فرق الوقت بيننا

ظروف الدهرقشرى وهذه عما يله

هل الشين والوقت الردي صار ضدي

وضليت مثل الي يعدل بمايله

قاسيت ضيم الوقت مع ضلم حاسدي

ومن ما سأل عني فلاني بسأله

زماني يساعد من نوالي تعاستي

ولالي صديقٍ عني الهم شايله

سوا الذي له ساير الكون بأكمله

رب الوجود الي له الناس سأيله

منجي سفينة نوح ومعيد يوسف

وعاشت جميع العالمين بفضا يله

المحيي الرب الرؤوف المهيمن

الهادي المعبود معطي جزايله

الخالق الرب الصمد غافر الخطا

الدايم الي ماعلى الكون زايله

أنا طلبتك يا الولي دون غيرك

قربه وبعده ماتحمل هوايله

خلي واحبه والعدا دونه أحتنت

ودكت هواجيسي على القلب صايله

ماخاب من يطلبك يامجزل العطا

عطاك كل الي على الارض نأيله

مافيه حي إلا وتكفلت مرزقه

وأعطيته الباب المرازق وسأيله

ياالله ساعد واحدٍ فيك ملتجي

من التجابك دايم الخيرنايله

وصلاة ربي عد ما لاح بارق

غيمه ثقيل وكل عينٍ تخايله

قصيدة تاج الكرم
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
168 مشاهدة

رجل تعزه وأنت ما تلتقي فيه

كذا معزة دون مقصد وحاجة

يكسبك في علمه وتفرح بطاريه

بالطيب كنق وما خذن منه تاجه

تاج الكرم متوارثه ابن لبيه

من ساس صرحا عاليات أبراجه

ورجلٍ ليامنه هرج قل واليه

يضيق بك دون وساعا أفجاجه

يا ليت يسكت ما يبين مهاجيه

صدره معبا بالعفن والسماجة

قصيدة هاجس الذكري سرى بين الضلوع
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
164 مشاهدة

هاجس الذكري سرى بين الضلوع

لين ضاق بناظري كل اتساع

كل ذكرى الآم وجروحٍ تروع

داخلي كله صراعٍ في صراع

وظاهري للناس يضوي بالشموع

أزرع البسمات والواقع ضياع

وكل سهم سام ما تصده دروع

مركزه بالقلب ما واجه دفاع

يسألوني وابتسم بين الجموع

عن معاناتي أقول أمر يشاع

ما جمعته بالعمر راح بسبوع

شفت ما حبيت بحلوق السباع

كنت أنا رجل طموحي في طلوع

لكن الدنيا نزول وارتفاع

وقمة الأمجاد لي فيها ربوع

إنما الأقدار كم ترمي

قصيدة ناديت بسمك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
159 مشاهدة

ناديت بسمك وانكسرحاجزالصمت

مرالخيال بصورتك يوم ناديت

شفتك وكنك يوم مريت سلمت

وفزيت لك واقف على الباب وأقفيت

فجئه توارت صورتك بعدماكنت

قدام عيني وانت بالقلب حليت

ليتي بصمتي ساكنٍ ماتكلمت

بين السكون وليت يالعذب ماجيت

ليته حقايق صادقات واتمكنت

من شوفتك ياليت والله ياليت

لكن حتى بالخيال انت ساهمت

ليه الحقايق مالها عندكم صيت

عايش على عهدٍ به أقسمت وأقسمت

انك بقلبي كل ما اصبحت وامسيت

قصيدة خطاياك ما تحصى
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
156 مشاهدة

على أي شيء ايدل خطك بدون انقط

اباتابع احروفك وباحط نقطاتي

حتى يبين كل خطك يكون بشرط

اذا كان به غلطه تجازيك سلطاتي

عرفت المكايد من تصرفك واخطط

وعلى قدر ما تخطط افوقك بحيلاتي

أنا ألوم حالي يوم حبك بقلبي حط

وسيطر عليه ما عملت احتياطاتي

خطاياك ما تحصى وتنجح ولا تسقط

وأنا مجتهد واسقط معك في علاماتي

أنا أسامحك يا صاحبي لوعلي تغلط

وأنا لا غلطت تحاسبوني بغلطاتي

قصيدة صدفة
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
154 مشاهدة

صدفة وجابتني على حد بابك

أمانة حي الضيف ولا اقفل الباب

في موقفي محرج وعطني جوابك

ما فيه وقت اشرح من أعيون الأغراب

قال العفو لي مين حضرت جنابك

قلت الذي جابته الأقدار وانصاب

يمك وأنا الي ما حسبت لحسابك

مار القدر ساق القدم والبخت طاب

واغضا بخرس سود للخد شابك

يوم ابتسم لي ونظر طعنة احراب

طعن خفوقي قلت يا قلب صابك

هذا مقدر كل شي له أسباب

صابك ومكن في صميمك صوابك

وحيا بضيفه بس من بعد ما شاب

قصيدة جابتني القسمة
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
150 مشاهدة

جابتني القسمه مثل ساير الناس

شفتك وشوفك سرقلبي وضره

سره جمالٍ فيك وعيون نعاس

وضره تماديك وتصرفك حره

بأسمك ينادي خاف من شدت الياس

لاج الخفوق وصاح مليون مره

مثقال ذره ماوجد بك من احساس

مابك من الاحساس مثقال ذره

معدنك لبس بالذهب واصلك انحاس

ومن ماعرف معدنك شكلك يغره

من شاهدك يقول ذا جوهر الماس

ومن كان يعرف معدنك ماتسره

انا قويت القلب مع شدة الباس

قلت اتركه مالك بخيره وشره

فضلت هاجوسي على بعض الأوناس

لوكان بعض الناس قلبي مقره

قصيدة عن الأخ جارد سعد الجار
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
143 مشاهدة

يا كاتبي سجل كلام لك أمليه

والخط خله واضح في كلامي

سجل قصيدي لا تغلط في معانيه

لجارد سعد وأنا المعاني أحسامي

سلام يالي كل ماحل طاريه

يصير الأول بالعزاز الكرامي

مو اقفه كم اسعدة من لجا فيه

تعتز به كل الكرام الحشامي

رجل المواقف بالوازم تلاقيه

درعا يصد اعن صدور السهامي

حرا اليامنه لقا الصيد يفنيه

فيك الشبه من هدته يالقطامي

إلا إن صيده يختلف ما تواليه

كم حل من قاله رفيع المقامي

جيته وأنا في موقف صعب ناخيه

وزحزح هموم فوق صدري ركامي

الطيب له والغانمة كسب اياديه.

مواقفه مع سامي الطيب سامي

كم شال من حمل عجز عنه راعيه.

تحمله عنه الشجاع العصامي

قصيدة طال انتظاري لك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
145 مشاهدة

طال انتظاري لك ياسيدي وينك

شبب الحشى بعدك ناره غدت نارين

الناربفوادي يازهرة الوادي

يامسك ياكادي كن الغياب اسنين

لوغبت عني يوم أصيرانا المهموم

والعين تجفا النوم وأسهر نورالعين

وانجيت هلابك قلبي وحيابك

ماطيق اناغيابك عني ولو يومين

ماهمني لوقال بي معشر العذال

والنور والأمال مهماحصل يازين

تبقى حبيب الروح والقلب لك مفتوك

يالأسمر المملوح ياباهي الخدين

قلبي تعلق فيك مكتوب لك تمليك

واجب علي أرضيك ياعيوني الثنتين