ديوان قصائد لشعراء المملكة العربية السعودية (متجدد)☘️☘️

قصيدة فاقد الإحساس
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
94 مشاهدة

صحيح مالي من محبتك مصلوح
أدري ولكن همْتْ وأشقيت حالي
يا فاقد الإحساس مجروح مجروح
وشلون في لحظه تحطَّمْ خيالي
سميت رفقتنا صداقات ومزوح
وبيّنت هجرك كل ماجا مجالي
ظنيتها عشرة من الروح للروح
ولا هقيت إنَّكْ تخيًّرْ بدالي
مانيب لك جسرٍ تخطاه وتروح
وما أرضى تهين النفس لو كنت غالي
وبيني وبين اللَّي تسلّى بهم شوح
والعاذل اللَّي حاكيٍ لك حكى لي
طوّ الرحال وشدّ وأقول مسموح
قلبٍ طلبك أوَّلْ بيرفضك تالي
إلاّ إن رضيت تعود للعقل وتبوح
ولي تعترف بأنَّكْ بي تصير عالي

قصيدة شوفة الصدفه
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
92 مشاهدة

لا تخليِّ شوفة الصدفة دموع

ولا تفرشني ورودٍ من خداع

اعرف إن الحب في عين الخدوع

النهاية فيه للمغرم ضياع

المشاعر صفّقَتْ بين الضلوع

وارتفع لك في بحر حبِّي شراع

ما عليّ من القرايب والربوع

كيف ما احيا نشوتي بالاجتماع

واعرف إن الهجر والفرقا تلوع

والمحبه راس مالٍ ما يباع

اشرقي يا شمس حبِّي بالطلوع

قبل ما تنوي عيونه بالوداع

قصيدة وقف هوانا
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
91 مشاهدة

قلت الله الله ميِّتٍ فيك بالحيل

مختال شوفي حار بيني وبينك

وبين الرموش اللِّي وقف عدلها ميل

وعبثٍ تنثَّر فوق صافي جبينك

تلقاني اكتب لك قصيدي من الويل

يظْهِرْ خفا نفسي على الناس زينك

ارسمك ضيٍ يقهر الجدي وسهيل

واسلّمَكْ كلّ النجوم بيمينك

ابيك تسترني عن الناس بالليل

وقَّفْ هوانا بين جيدك وعينك

قصيدة الصدفه الحلوه
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
92 مشاهدة

ترى الصدفة الحلوه خذتني على ما اريد
خذتني لبحر عيون تقذف بي امواجه
أشوفه وهو جنبي من الشوق راح بعيد
عليه العيون وكل الأرقاب منعاجه
بياض النحر لي لاح لي مع بياض الجيد
شكا لي قمر خمسة عشر ياملا احراجه
وبعض الصدف ماكنها إلاّ نهار العيد
إلى من حصل حبٍ تكمِّلْه بمواجه
سعوا بيني وبينك هل الهرج بالتنكيد
وأنا فيك ما طاوعت يازين هرّاجه
عسى الله يمدِّدْ بالوصل يمكم ويعيد
على شان نفسي منك للوصل محتاجه
ترى اللِّي حكا لي فدوتك يا ملاك الغيد
وعسى حظِّي الميِّتْ معك ينهض حجْاجه

قصيدة لمع السيوف
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
91 مشاهدة

ضاحكِ لك زمانك وخدمتك الظروف

كل ما قلت وينك قلت عذري معي

عن خطاك آتصدد والنواظر تشوف

وان حكو فيك عدوان الغلا ما اسمعي

أكثر أعذارك اللي جبتها ما تطوف

ما يصدّق بها يازين فاقد وعي

أحسب أن السعي في كل حال مخلوف

وضيّع الحب عندك حجة المدعي

شمسك اللي ضياها من كسوف بكسوف

بعد هاك الصفاوه مالها مطلعي

تاج حب القلوب الصافيات امعروف

وان بغيت الصحيح فقربهم مطمعي

في جبينك تكاشف مثل لمع السيوف

ماخذٍ بالجمال اليوم حق أربعي

قصيدة الظلم
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
88 مشاهدة

الظلم والله ظلم غالين الأقراب

يا قسي ظلم اللي من الناس غالي

نصك باب وينفتح له مية باب

ونصبر على ضيم الدهر والليالي

الغير رب البيت ما نحسب حساب

لكن نداري ما يحس الموالي

كله لخاطر عز عكفان الأشناب

اللي دفن واللي على راس عالي

نصبر بها والصبر في حزم كلاب

مره على ريق العزيزين حالي

ظليمةٍ منها ربيط المهد شاب

يبصر بها ربٍ عليه اتكالي

يبصر بها الفرد الصمد رب الأرباب

يرفع ظليمتنا عزيز الجلالي

ربٍ يجير الحال من ظلم الأحباب

أرجيه يقبل في صلاتي سوالي

قصيدة مستحي
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
87 مشاهدة

.

ضيّق الصدر هرجة غاليٍ مستحي

كل ما قلت كملها سكت من غلاي

حبه اللي كتبته بالغلا ما محي

أرخص الروح لكن فيه ما ارخص هواي

والله انه شقا قلبي وعيد افرحي

حقق الله بحبه في حياتي مناي

في غلا نور عيني فارقٍ مربحي

وا عسى الله ما يقطع بوصله رجاي

لو يسلهم بعينه طحت في مذبحي

وحل بي قبل حله من حبيبي قضاي

قصيدة عين أشقر
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
87 مشاهدة

خذني جروحٍ كل ماطاب منها

جرحٍ جرحته واحدٍ عنه ثاني

وخذني همومٍ في يدينك رسنها

وجاز بجفاك المرّ حاني حناني

سهم العيون السود كبدي طعنها

بلحظٍ ومرني بالغرام ونهاني

على الرموش العكش يعزف لحنها

سحرٍ به الله ياحبيبي بلاني

رب العيون بشوف عينك فتنها

وسلطان عيني لو أردّه عصاني

لك عاتقٍ هزّ القلوب بوطنها

وتصافقت بين الضلوع المحاني

عاتق وحش شاف الطيار وضمنها

ويرهي على خوف الشفيق الأماني

عين أشقر طارت ولا صدّ عنها

لحق الطيار وشكها في ثواني

قصيدة خلها تلعب
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
84 مشاهدة

خلها تلعب مثل لعب الفرس
لا ربح عن دربها من ردها
مهرةٍ كنه بعاتقها جرس
مثل غصن البان ثنية قدها
يوم شفت الجيد والطرف الخرس
أحسب الأسماء وأضيع بعدها
والرموش اللي على الوجنة حرس
وغرةٍ طاحت وهو ما كدها
ببجديات المحبة ما درس
كل كفٍ يا عرب من مدها
منه رمح الحب بالقلب انغرس
والحشاشة حد عينه قدها

قصيدة عقد ثمين
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
86 مشاهدة

بالزين يا قاهر طغى كل مملوح

البيض فضه وأنت عقدٍ ثميني

معك أنت مجروح الغلا وين ما روح

أحلى كلامٍ بين روحي وبيني

الهمس يشفي بالجفا قلب مجروح

داو الجروح بهمس طيفٍ يجيني

وعلم هواجيسٍ تجيبك على البوح

وأستنطق الهاجوس في كل حيني

ما تدري أنك ساكنٍ في خفا الروح

والا بعد من بين جفني وعيني

بيني وبين الناس يا مبعد الشوح

وفاك وقف سور صدٍ متيني

لا تبتعد عني بعيدٍ ولا نوح

عندي وأموت من الغلا يا ضنيني

مالي بغيرك مع هل الحب مصلوح

نسيتني التالين والأوليني