ديوان قصائد لشعراء المملكة العربية السعودية (متجدد)☘️☘️

قصيدة ذكرتك
الشاعر: طلال الرشيد طلال الرشيد
#العصر الحديث
#المملكة العربية السعودية
0
2,505 مشاهدة

ذكرتك.. والزمان غروب..ذكرتك.. والمكان الشط بالصدفه
ذكرتك.. والعيون تذوب.. دمع من حنيني ماستر خافي
ذكرتك.. يوم شفت الشمس غابت..والقمر ينساب من شرفه
ذكرتك.. والنجوم تلون لحاف السماء وتعاتب الجافي
ذكرتك.. نصف قلبي هم شوق..وهم حبك ما خذ نصفه
ذكرتك.. كل مافيني حنين ودمعتين وكفي الدافي
ذكرتك.. ماذكرت إلا عيونك..والجبين..وكل ماأعرفه
ذكرتك.. مانسيت إلا جروحي..والأنين..ودمعي الصافي
أنا أول عزاي أني..حملت العاشق اللي مانسى حلفه
وأنا آخر عزاي إنك..نسيتيني وأنا طيفك معي وافي
تلوم اللي تفانى في طريق ما لقى في آخره ولفه
إلا منه بكى كل الندم في حجر عينه غصب ينشافي
أروح ولا طرت حنيت مثل مضيع يركض على حتفه
ولا ناديتها كسر حنيني جوف صدري مثل مجدافي
يبيك اللي عيونه ماقوت تحمل قليل من بعض عطفه
يبيك اللي مشالك..أو مشابك..أو مشى في سكتك حافي
يبيك اللي إذا شافك..تلعثم بالكلام وينصعب وصفه
يبيك اللي يشوفك شمس والدنيا ظلام ودفتره طافي
أنا قلت إزعلي خليني أشوف الحنين وش مدى نزفه
أنا ماقلت خليني أقول من الوفا..يالله ياكافي
أموت..وماأعود أتذكرك.. والمشكلة طيفك ملا الغرفة
وأموت وماأعود أنساك.. ياحبي.. القديم.. الصادق.. الوافي

قصيدة ميت وأنا حي
الشاعر: طلال الرشيد طلال الرشيد
#العصر الحديث
#المملكة العربية السعودية
1
2,404 مشاهدة

بيني وبينك عرفت الموت

تحب والحظ متجني

تبي الصدق حبها منحوت

وأصبحت منها وهي مني

أفرشلها القلب بالياقوت

وأقول يادلي إتمنّي

صدري قصور ومدن وبيوت

وهي المليك اللي يحكمني

يا ويل ويلي عليها صوت

تحكي تقل كنها تغني

وسكوتهاغير كل سكوت

كل شي فيها يكلمني

قد شفت شمس زرعوها توت

بشفاتها التوت متثني

ياحلوها والقلم مبهوت

وش يكتب بوصفها عني

هي دنيتي والهوى والقوت

وإن غبت عن وجهها كني

متغرب وغربتي تابوت

ميت وأنا حي مستني

قولو لها لو يفوت الفوت

هو ينفع الصوت متعني

وقولو لها والله إلا موت

لو خاب في حبها ظني

قصيدة ما قلت أحبك
الشاعر: طلال الرشيد طلال الرشيد
#العصر الحديث
#المملكة العربية السعودية
0
2,288 مشاهدة

ماقلت أحبك ولا قد قلت ما أحبك

أحب مالي عيوني وإنت تسواها

لو تدري إش كثر تعني لي تعرف إنك

آخر أمل في حياتي وأول مناها

ياكثر أحس إن بك مني وبي منك

روح قسمها على شخصين مولاها

لا تقول شتحب فيني أعشقك كلك

من ليل شعرك لشمسك وآخر أقصاها

سميتني نصفك الثاني وياشحك

أنا بسميك كلي وإنت معناها

تعبت أوديك له ياقلب ويردك

لاخذ حلومي ولا خلاني أنساها

كل الحمام ناح واستراح في ظلك

والورد الأصفر سقته الروح من ماها

ليتك بعمري ثلاث أشخاص ما أملك

واحد معي دومواحد روحي يملاها

والثالث بجفن عيني لافقد حسك

أو غمض الجفن جاني فيك يتباهى

مو بس أحبك أنا والله من حبك

أحب حتى ثرى الأرض اللي تطاها

قصيدة الليلة إحساسي غريب
الشاعر: طلال الرشيد طلال الرشيد
#العصر الحديث
#المملكة العربية السعودية
0
2,149 مشاهدة

الليلة إحساسي غريب
عاشق وأنا مالي حبيب!
حبيت
كل الناس لاموني
حبيت
كل أحبابي باعوني
قلت أحب الحب أحسن
قلت أحب الحب أضمن
لا أحن ولا أتوه
ولابعد في يوم أحزن
رضيت بأقداري ونصيبي
صرت محبوب الحبايب
وصار كل عاشق حبيبي
الليلة غير
شعوري غير
أشواقي غير
حتى الأغاني غير
صدري سما وإحساسي طير
بس طيفك ماتركني
ظل ساكن تحت جفني
كان وافي
كان يذكر وإنت جافي
إنت وينك!!
كان هذا الفرق مابيني وبينك
جيتني تشكي الزمن
وجيتك أبي أدفى
لقيت في قلبي وطن
ولقيت بك منفى!

قصيدة قال حاقد
الشاعر: طلال الرشيد طلال الرشيد
#العصر الحديث
#المملكة العربية السعودية
0
2,136 مشاهدة

قال حاقد قلت ياجاهل هلي

كيف ابطرف باصبعي عيني وأصيح

انت مثل إبليس حقرك الولي

لاتسر ولاتريح وتستريح

من يصدقبي وأنا الشمس اعملي

مايذريها عجاجٍ جاب ريح

لويطيعك بي غريرٍ يجهلي

ماتطيعك روسوهم بي ياكليح

هم هلي ياجاهل وهم منهلي

لوتضيق ألقابهم كونٍ فسيح

عودهم له طاعة واجب علي

شيخنا اللي مايوفيه المديح

ماسفهت من العقول إلا الخلي

وماحقرت من الكلام إلا النبيح

الصباخي ماتربع بالولي

والردي للطيب جحادٍ شحيح

والعتم لابد يومٍ ينجلي

وأسود النيه يجي يوم ويطيح

الردى بعد السما عن مذهلي

ماتعلمت أجزي الطيب بقبيح

شمت عنك أبي المراجل منزلي

وفي ضلوعي شايبٍ عيا يبيح

ماأعتلي بالشعر..هو بي يعتلي

دام ميزاني بحسادي رجيح

لاتصدق في حصانك يا اجملي

كنت أنا وما زلت وأبطي لك نصيح

ماعرفت الغي وأخفيت إجهلي

علموني مستبيحين المريح

لو تبين قلت خلو ذاك لي

بس دامك كالنساء مالي نطيح

قل مدام إني بكذبك مبتلي

كل كذبٍ دام اهو فيني صحيح

ماأخضر من الذنوب إلا هلي

ذنبي اللي يرفع الراس الفليح

قصيدة قالت قدر
الشاعر: طلال الرشيد طلال الرشيد
#العصر الحديث
#المملكة العربية السعودية
1
1,826 مشاهدة

قالت قدر وقول يومك تبيني

غصب على الدنيا... يدك في يديني

لا تظلمين الوقت وش ذنب الايام

لا تظلمين الحظ لا تظلميني

غديت ما بين الرجا.. فيك والياس

هذا.. يبي مني وهذا.. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

لكن زماني المر علمني اني

أموت ماحني لأجل قلبي جبيني

والله ماتلقين حبي مع الناس

روحي وهالأيام بينك وبيني

قصيدة محتاج لك
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,394 مشاهدة

انتي بكف وباقي الخلق في كف

متعليه في وسط قلبي ولك شان

في غير وصلك مالقلبي ترى شف

محتاج لك يانور عيني وشفقان

لا جابوا اسمك صرت انا تقل مختف

مالي على نفسي الى اطروك سلطان

من غير حبك غضت عيوني الطرف

جمالك صار للزين عنوان

اريد انا قربك ترى ياغذاالحرف

وان ماحصل موتي ودنياي سيان

قصيدة حبيبتي كل العواذل تشابه
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,340 مشاهدة

حبيبتي كل العواذل تشابه

قلبٍ ظلام ووجه يشبه للأصحاب

ولا من غدى لك صاحبٍ ينحكى به

لا تسمعين أن كان لك قلب وأحباب

إلى مشيت الدرب يلهث سرابه

وإلى سكنت الدار ناداني الباب

وشلون أنام وهم قلبي صوابه

والشوك ينبت بين جفنين وأهداب

تعبت امني.. الأسئلة بالاجابة

وانطر شروق الشمس والشمس بغياب

وتعبت أناظر والمعنى عذابه

إنك بعيده والملا دونك حجاب

اجمع كلام وما أعرف الكتابه

وعندي شعور صدق والوقت كذاب

وكل النجوم اللي امطرت من سحابه

حبيبتي دمعك جرح قلب واتراب

واللي وقف ما بين بابي وبابه

قلبٍ ظلام.. ولابس لي ثوب الأصحاب

قصيدة تنهيدتين ونار
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,323 مشاهدة

كلّمني عنّك
أبعرف كل شيٍ عنّك منّك
قلّي وش أول جروحك
قلّي وش آخر أمل ترجيه روحك
إحكي عن طبعك
وعن ربعك
عن اللي يهزّ دمعك
قلّي وش معنى الحياة
قلّي بأنفاسك متى قد قلت آه
إحكّ لي عن الحب
إحكّ لي.. إحكّ لي
إحكّ لي عن الشوق
طر بي فوق.. فوق
خذني منّك
وإحكّ لي.. عنّك
الصدق
إن الأمل من قبل أعرفك.. كذب
والتضحيه أوهام
وإني أنا من قبل أعرفك
كنت أعرف أنام
كان السهر مو هالسهر
لعب.. وأغاني.. وإختصار
صار السهر تفكير
صار إنتظار
صار إحتظار
صار السهر.. تنهيدتين ونار
***
يا منتهى أمري
بالهمس قلّي مرّه يا عمري
وطر بي فوق.. فوق
خذني منّك
وإحكّ لي.. عنّك

قصيدة ان حكت
الشاعر: طلال الرشيد طلال الرشيد
#العصر الحديث
#المملكة العربية السعودية
0
1,307 مشاهدة

ان حكت غار السكوت من الحكي

وان بكت يحسد مدامعها الغرور

كنها والشمس خصم ومشتكي

وبين ذيك وذيك عذبت السطور

الثرى يا مايسه مغروركي

ومن يلومه ما يعرف سر الغرور

والجمال امرايته في وجهكي

والبها له في جفن عينك فتور

الحلا يا حلوتي شبّه بكي

منهكٍ حرفي ويشكي به قصور

والحروف اتهني احروف اسمكي

والاريج اختال في عرس العطور

يا غريره ياغرورى مسلكي

تهت والا تاه عن كفي العثور

في طريقي ضاعت الخطوه لكي

ماتميز بين نار وبين نور