فوق هام السحب ( الشعر الشعبي) على متن القوافي

‏كل ما حطيت راسي عالوساده
آتذكرّ من خطأ بحقي و أسامح

و الله الإنسان لا طهرّ فؤاده
يصبح لطهره على وجهه ملامح


.......

‏شجاعتك في وجه الانثى رخامه
وعطفك عليها شي مخلوف فيها

اقصى حدود المرجله والشهامه
لا صرت فيها اخير من والديها

.......

الله....من قلب...المفارق ليا اشتاق.
لاجاه نص....الليل في الشوق غارق.

كم قد سمعنا في قصص ناس عشاق.
هذا لقي.....خله..... وهاذا مفااارق.

وانا على موج المحبه.......ولشوااق.
قدصرت في حبه..... متيم... وعاشق.

خلن له الميزاات... راقي......وذواق.
حالي وبسماته.. كما البرق..باااارق.

شوفته. تجلي ضيق قلبي..ليا ضاااق.
لا قاال.. حبي.... يقلب...الجو راايق


.......

‏لا ترخص الروح للي ما عرف قدرك
‌لوكان حبه يســـــم القلــــــب ويعلة

‌واللي يقدرك حطة في وسط صدرك
‌وقلة مكانك هنـــا يا عـــــز خلق الله


.......

‏لا تتلف الروح لأجل الناس ترضيها
وهم ولا يوم سووها على شأنك

والله م تندم على الدنيا وما فيها
لو تعرف الوقت من موتك لنسيانك


.......

مكتفي باللي يجي منك من باب الوصال
إن عجزت تسوي الصعب ، سوّ المفترض

أرسل إن عيّت عليك الظروف الإتصال
الرسايل بعض الأحيان توفي بـ الغرض


.......

النفوس الوافيه رغم المصاعب ماتميل
والسماء كثر السحب ما يغطي نورها

الوافي لأجل الوفاء ما يذله مستحيل
والثقه بالنفس حصن القلوب وسورها


.......

مديد البال حبي لك مثل صبري طويل البال
‏احبك و المحبه ليتها ما فتحت عيني

‏على قلبك و قلبك بيني و بينه كثير أزوال
‏حَكم حكم الزمن لموالفك تسبق شراييني

‏تشفق لك عيون وروح و ضلوع و شعر و أمال
‏تموت منطق لساني و تحييّ ربكه يديني

‏ولو قالوا احبك قلت في صوت العجب من قال ؟
‏ولا كنك خذيت اللي سكن ما بين ضلعيني


.......

‏لا تتلف الروح لأجل الناس ترضيها
وهم ولا يوم سووها على شأنك

والله م تندم على الدنيا وما فيها
لو تعرف الوقت من موتك لنسيانك


.......

ارفع ايديك وناج رب السماوات
‏واستمطر احلامك سحابة سحابة

‏حتى ولو حلمك من المستحيلات
‏بينك وبينه .. دعوةٍ مستجابة

‏كثر المعاصي واتّباع الملذات
‏من اعظم اسباب القلق والكآبة

‏مدامنا حيين والوقت مافات
‏باقي لنا فرصة رجوع وإنابة

‏يمكن لو ان الروح ترجع للأموات
‏عاشو مع الحيين مثل الصحابة


.......