فوق هام السحب ( الشعر الشعبي) على متن القوافي

انا اللي همومي صايراتٍ علي كدر
لو انها تحول فوق غيري فقد عقله

لامنه اشتغل موضوعها داخل الصدر
تقل فايزٍ وسطه فريقٍ يصفق له

على الصاحب اللي مانويناه بالغدر
شفوقٍ علي وانا ماغير اتشفق له

بنا بيت حبه فالحشى واسس الجدر
وخلى معاليق الضماير تخافق له


سعد بن جدلان

انا يوم اجي وامركم ياوليفي حنج
ولا ودي اقرا بك تلد النظر فيّه

لعب بي كلامك فالخفى لعبة الشطرنج
ليا دار لعبه بين الاعضاء السياسيه

وسبح بي غرامك سبح موج البحر باللنج
غفلت وغدا بي حبك شويّه شويّه

لاشفت زولك قام يدخل عضامي بنج
اسولف مع العالم وقلبي له نحيّه


سعد بن جدلان

كم مفرقٍ كل ماجيته تعديته
لا اشوف خطه ولا اقرا ويش لوحاته

ياكود مفرق رقبة العطف لاجيته
يفرض علي الألتفاته والتنهاته

في حشمة اللي مصافيني وصافيته
من خلقتي ماحدٍ سوا بي سواته

مايسمح البال لين اقف على بيته
اضرم له اضرامة الزيدي على قاته


سعد بن جدلان

لعنبو من لامني لاتجاهلت الوداع
الموادع حط وسط الحشا جرحٍ شنيع

الموادع حط قلبي من الفرقا رعاع
والسبايب كيّتينٍ مضاربهن جميع

كل ماتطري علي المظاليل الوساع
اتزفر زفرتينٍ يشيبن الرضيع

طامعٍ في مهرتن لاتسام ولاتباع
مابي الا هي وربي رماني في شفيع


سعد بن جدلان

ياكبد ياللي من الحرمان منهشمه
فيها من العام نجارٍ بشاكوشه

واللي هشمها شفاةٍ دونها حشمه
ارهي على اللي تبي نفسي ولا انوشه

حجزٍ يرد الرجاوي من ورا خشمه
ان ردها الحجز ولا ضاع فالطوشه

عمر بيوتٍ على بيبانها رشمه
وبطونها بأفخم الشيراز مفروشه


سعد بن جدلان

يامجمول حبلي من عدود الموده جذب
ولاتحسب ان غزوي عقب نكفي هويّن

مشوارٍ خذيته حط وسط الضماير شذب
من الجسم يبرن الكوايا وهو بيّن

يبوط الهوا لاعمّروا به خداع وكذب
لو حفّوه بالترحيب والجانب الليّن

لا اخطيت السدود المبهمه والكلام العذب
احسن للهوا يرتاح واحسن لي اديّن


سعد بن جدلان

يامرحبا ياصاحبي طيب الصحبه
ياللي تصادق مع وليفك وتوفي له

ياللي كلامك من غلاك اتقرّح به
هرجك يوسع خاطري من شفاتي له

كن الكواكب في محياك منسحبه
تلعج مقابيس الدجا من ورا الشيله

الاحساد فرقا شملنا لاتفرّح به
اللي معوشتهم على الذل والحيله


سعد بن جدلان

الا ياعيون موحشٍ مابعد لزم
عدّا كل صقارٍ بشبكه ولا لزمه

على القلب نارٍ ولعت في قرى حزم
وحطوا عليها من دقاق الحطب حزمه

يقاويك ابن جدلان بالصبر والعزم
لكن حبك الصافي تغلب على عزمه

تراني دخيلك ياوليفي من الهزم
تموت الغزو ولايقولون منهزمه


سعد بن جدلان

‏نفزع مع المظلوم لاقال فــزعـة
وندوس باقدام الـخيـول العـوايـق

أحنا الرجال منا المـقاتل بســبعـة
نرقص على صوت الـبرع والبنـادق

صحـيح كل الـناس أولاد تسـعـــة
بـس الـمراجل تـخـتلـف والعرايـق

ناكل من أكـباد المعـادي وضـلـعـه
نجـعل عظامه للبـنـادق مـعـالـق


.......

بين الصبر والصمت والخاطر الشين
ما قلت .. يا ليل العنا وش جرالي

و من كثر صدماتي بناسٍ عزيزين
قمت أتحرى صدمتي من ظلالي


.......