ديوان شعراء السعودية في العصر الحديث (متجدد)☘️☘️

ساعات العصر


ليت عقل العود في سن الشباب

وحكمة الستين في عشرينها

كان ما جرَ القدم درب العذاب

وانتهزت ظروفها في حينها

وكان ما ضاعت دقايقها هباب

وكل لحظه أستغل سنينها

كم تركت من الفرص واقفلت باب

بعتها واهل الفرص شارينها

وان نصحني ناصح أحسب حساب

قلت يمدي .. توَنا بادينها

العمر باوَل زمامه لا تهاب

والَليلْ طوال يا سارينها

ما هقيت إن الزمن مثل السراب

والَليالي خيَبت راجينها

أثر ساعات العمر مثل السحاب

بالظلام تمر ما ندري بها

ويل من همَاته صعود الهضاب

ترجمه ريحانها بايدينها

وحظ من همَاته يحوش التراب

يبشر بكثر الذهب في طينها

وكل قصر له أساس وسقف وباب

يحكمون اركانها بانينها

والصيانة للقصر وإلا الخراب

أفطنوا للدار يا حامينها


خالد الفيصل

ظلمتني


.

ظلمتني والله قوي يجازيك


باللي بلاني خالق الناس يبلاك
شابهت عدواني وأنا طامع فيك


أقرب قريب لي هقيت انه اوياك
اللي جرالي منك ماهوب خافيك


روحي على حد الخطر من سوياك
والله ماغيرك بقلبي يوازيك


أغلى من الدنيا على الخد ماطاك
أشفق على اللايم إلى جاب طاريك


ودي يطول الشرح في حال طرياك
الشاهد الله من كثر ماني أغليك


في سبتك لو راحت الروح تفداك

خالد الفيصل

ناقد الاشعار لك مني سلام
ناقد الاشعار لك مني سلام
والتحيه للفكر و الاحترام
فرحتي لا شفت لك راين جديد
او نظرت لبعض شعري باهتمام
يا رفيق الحرف في دنيا القصيد
عشقتي ويّاك في عذب الكلام
أنظم النظره بخفقات القلوب
وانت تنثرها دموعن و ابتسام
القمر و الليل و امواج البحر
والزهر و الغيم و اصوات الحمام
والصقر و الريم و الغوج الاصيل
والصحاري لا زمت فيها الخيام
هي هواي اللي أغني له طرب
هي من ايام الصبا عندي غرام
أكتب الانسان بألوان الحروف
في حقيقة علم و غيبة هيام
أتصيّد خاطرن عند السحر
او وميض الفكر في جنح الظلام
وامزج شعوري مع حسن القبيل
في قصيدنمثل ندّاي الغمام
ناقدي خذ حرفي و حل الرموز
وحلل المعنى بوجد المستهام
وإن لقى الهاوي خياله بالقصيد
خبّره تراني حققت المرام
خالد الفيصل

خمسين عام
سافَرَت
خمسين عام من الزمان
هي عمر؟
والاّ على هامش زمان؟
هي حقيقة علم؟
والاّ هي سراب؟
هي مواجيع الدهر؟
والاّ حنان؟
في عجاج أيامها
دربي يذوب
تاهت الخطوه
وضيعت المكان
أنشغل
عن عمري بعمر آخرين
وانتبه
في لحظة غياب الأوان
مَرّت الدنيا
وأنا ارسم لوحتي
أرسم الفكره
على صهوة حصان
مرت الدنيا
وأنا شعري طفل
ما عصرت الروح
في حرف البيان
مرت الدنيا
وأنا حلمي سحاب
فوق سرج الريح
مطلوق العنان
مرت الدنيا
ولا ادري وش قضيت
من حوايج خاطري
ذكر وعيان
العمر ينقص
وحاجاتي تزود
عقب ما هي أربعن
صارت ثمان
سَافَرت
كن الصحاري ما ازهرت
والمطر ما كنّه أنبت قحويان
سَافَرت
كن الليالي ما أقمرت
ما تقل
سامرت نجمات حسان
ماتقل
غنّت حمامه بالهديل
والهوا
ماهز عود الخيزران
سَافَرت
كن الحوادث ما جرت
وأصبحت سوالفي
كانت وكان
يا زماني
حاجتي في ركعتين
غير ربّ الوقت
مالي فيه شان
خالد الفيصل

كتبت لك


كتبت لك خط ولا جاني ردود

ياليتي ادري وش مشغلك عني

هذا جزايه منك هجران وصدود

عزاه يالمجمول خيبت ظني

يزيل ليلي ما تهنيت برقود

بين التواجد والرجا والتمني

ترا العمر يامالك الروح محدود

لياك تنزع باقي الروح مني

انا را مالي بدنياك مقصود

الا جتماع بك واموت متهني


خالد الفيصل

اذكريني


كل ما عانق نظر عينك قمر


او لثم خدك شعاع من غروب
او نسيم هفهف بشعرك سحر


او تغنى بالهوى صوت طروب
او تبلل كفك بقطر المطر


او تبسم بالسما نجم جنوب
او ضحك وردٍ على عودِ خضر


او نقل لك نفحة خزامي هبوب
او تهادى موج في شط البحر


ينشد الراحه بعد يوم تعوب
او خيال من قديم امسك حضر


يستفز القلب بالصوت العتوب
او تجاسر فكر في ليلة حذر


يسترد الحلم من درب الهروب
اذكريني واستعيديني شعر


صادق المعنى..ولو وقته كذوب

خالد الفيصل

إرفعي سهم المنايا
إرفعي سهم المنايا يالعيون
مابقى فيني مكانن للطعون
كل شبرن في حياتي إنجرح
والذي شقّوا خفوقي يشتكون
يا العيون الطاغيه خفّي علي
كبرت اللّي باوّل ايامي تهون
في عيوني دمعتين واقفه
ردّت الايام دمعي بالجفون
بالغَت فيني تباريح الهوَى
وأستبدّت بي المواجيع الظنون
خبّريني يا غرام العاشقين
كيف يستهوي هل العشق المُنُون
إرحمي قلبن تجاريبه قست
في زمانن ماعرف يومن حنون
اللسان يخون والبسمه كُذُوب
واصدق التعبير نظرات العيون
خالد الفيصل

صاحب الحاجه


صاحب الحاجه ولو طالت لحوح

وصاحب الحلم القديم يغازله

واعذاب القلب من كثر الجروح

كم سيف بالعذاب ينازله

أخفي الطّعنات وعيوني تبوح

كن الاوجاع بهدبها نازله

غايتي بليل ظلامه مايروح

بيني الايّام وبينه عازله

كل ما مشيت له عنّي يروح

وعيّت الخطوه تجي منازله

والهوى بالقلب وهّاج يضوح

لو يسوقه للمنايا جازله

كل ياس يطرده فيني طموح

وكل عزمٍ خافقي ينحازله


خالد الفيصل

الساعة 25
الساعة خمسة وعشرين


لا تحسب الوقت بدري
من لا يسابق زمانه


يقعد والايام تجري
يا داله ما تنبه


الساعه خمسة وعشرين
في ماضي الوقت تجري


واللي معه علم يدري
تزاحمت بي هواجيس


ليت الهواجيس تسري
يا داله ما تنبه


الساعه خمسة وعشرين
نادمت سود الليالي


تبيعني هم واشري
واعانق الطيف واحلم


واناغم اصوات شعري
يا حاجتي في حياتي


يا رغبتي طول عمري
افدي عيونك بروحي


وان مت بالحب بصري
يا داله ما تنبه


الساعه خمسة وعشرين
خالد الفيصل

من كثر حبي
من كثر حبي لك تركتك وصديت
والقلب خالفني عليك وتركني
من شان عينك هنت عيني وضحيت
وش عاد لو سهر الليالي هلكني
ابيك وابعد عنك حبي وانا ميت
والوم حظٍ بالبلاوي شبكني
واذا دعاني حبي الذات عييت
احبك اكثر ياعذابٍ ملكني
لاجللك جميع ظروف وقتي تحديت
حتى الفراق الّي بضرسه علكني
لا ماتخلّى الحب ولا تخلّيت
كل مابغيت اعود يمّك مسكني
خالد الفيصل

بواسطة
المشرف العام