ديوان قصائد لشعراء المملكة العربية السعودية (متجدد)☘️☘️

ياسامرين الليل


ياسامرين الليل في بحر الأشواق

يا ليتني معكم يلوح شراعي

بين القمر والموج لمعه وبرّاق

والنسمه العذبه للغالين داعي

القرب يالغالين للروح ترياق

والبعد ذَبّاح القلوب الوجاعي

لا واعنا اللي باطرف الليل مشتاق

خلّوه ربعه مع سلام الوداعي

يسهر مع الذكرى على صفر الأوراق

في صفحةن تشرب دموع اليراعي

بين الرجا والياس وقّف على ساق

والدرب بقلوب المواليف ساعي


خالد الفيصل

إبتعد


إبتعد عني ماحبك وش تبي

قدرك العالي رميته في الثرى

واحسايف قوليتي لك ياحبيبي

يوم قلبي مولع بك مادرى

إنك الغادر وقصدك تلتهي بي

ون عاطفتك تباع وتشترى

إنس وقت فات مالك به نصيب

لاتذكر،لاتذكر ماجرى

يوم هفت شمس حبك للمغيب

استرحت وعاد لي طيف الكرى


خالد الفيصل

لمعة النجمة


في سما ليل الحيارى والسهر

لاح نور من هوى نفسي قريب

لمعة النجمه حدر خد القمر

مثل زهر الفلّ في شعر الحبيب


خالد الفيصل

ياللي تعرفون الهوى


ياللي تعرفون الهوى لا تلومون

يلومني من لا درى ويش حالي

الحب يودع عاقل الناس مجنون

يودع كبير السن مثل العيال

واهل الكرم والجود لاجله يذلون

يشحذ عزيز النفس فيه الوصال

ان ساعد العشاق حظِ يسجّون

اسعد ليالي العمر هاك الليالي

وان عاكست سود الليالي يموتون

الحب غربال من اول وتالي


خالد الفيصل

يزحف الموت


قام يرغي عقب هاك الهدير


كافر الدين . . كذّاب العرب
لاذ خلف الرهاين يستجير


يوم ثارت عواصيف الغضب
يزحف الموت واللحظه تسير


موعد عصابة الغدر اقترب
كل خاين ترى حبله قصير


دام للحق طلاّب وطلب
لا تعدّى حدودك يا غرير


سيفنا صَلب وسيوفك خشب
ما لكسرٍ كسرنا بك جبير


من هوى سيفنا فوقه عطب
ياصغير تشبث في صغير


الذنب كيف يتبع له ذنب
ما بقى لك على الباطل نصير


شف تبيعك تنكّر وانقلب
من فهد جاك يا جابر بشير


قاد لك مجلس الامن وحرب
وارسلوا يم صدام النذير


طاع ولاّ غصبناه انسحب

خالد الفيصل

تعبت عيوني


تعبت عيوني بس أدور واراعي

وأنشد عن الزينات واشتاق واشوف

لاشك ما قد تاه فكري وضاعِ

ألين شفتك وأصبح القلب مشعوف

اللي داعاني لك من الحب داعي

داعي غرام للمحبين معروف

ملكتني يا بوعيون وساعِ

أسير حبك بين أياديك مكتوف

ليتك تخفف من عظيم التياعي

لو تبتسم لي شفتها منك معروف

متى يصير بنور عيني اجتماعي

وألقى التّعب من سيد الأحباب مخلوف


خالد الفيصل

الستين
مرت الستين والشايب طفل
توي أدرس في كتاتيب الحياه
مرت الستين مازال الجهل
كل ما جيت استره يكشف غطاه
مرت الستين فكري ما اشتعل
كلمااشعل جذوته وقتي طفاه
مرت الستين دربي ما كمل
واقف في راسه أتأمل مداه
ألتفت والوقت يدفعني عجل
ماانتهيت من امس وباكر ذا سناه
كل يوم أقول في باكر أمل
وان حضر باكر رجيت اللي وراه
أرفع الهقوات لو حظي نزل
واقنص القاع الذي ما احد وطاه
المراجل ما بطلبتها خجل
يخجل اللي يقدر الطيب وعصاه
السنين اشعار والشاعر مثل
يفهمه من شاف بالعقل وقراه
أكتب الايام في شعري غزل
كل بيت عاش في عمري حياه
خالد الفيصل

نعم شاعرك


نَعَمْ شاعْرك وافخَرْ بالسّماوه

وسامٍ فيه عزْ وله حلاوه

وانا وَلَدْك وجندي من جنودك

حَدِرْ لازمْكْ في حَضْر وُبداوه

أحبّك واحترم رايكْ واطيعك

وفيٍ بالرّخا ويوم القساوه

وافاخر بالملك عمّي واجاهر

وانبّه من علَى عينه غشاوه

ملكنا غاليٍ والعهد غالي

وغالي الرّوح للغالي فداوه

فهد زَيْزُومنا في كل ساحه

ظَهَرْ له بالوغَى ضرس وْضراوه

نصادق من رضَى عنّه ملكنا

ومن عاداه له سمّ العداوه

إذا عاداه غاوي ردْ يمّه

وقدّم له مراسيم الرّضاوه

يجي عنده ويشكي سوْ حاله

علَى جفْوَى الملك شاف الشّقاوه

مثل مأسورْ يبكي عندْ فارس

يبي عفوه وهبّات الطّراوه

مريضٍ علّته غضبةُ فهدنا

وقالوا يا طبيب الوقت داوه

عَذَرْهُم شيخنا من كبر شخصه

وكفّه بالعطا يقطر نداوه

يقوله شاعرٍ يفدي عمامه

ولا يبغي علَى الرّاتب علاوه


خالد الفيصل

يا سائليني


يا سائليني ليه غابت حروفي

ما باقي إلاّ نازفات الرعوفي

الحرف ينزف والمعاني شهيده

سطا بها وقت الجهل بالسيوفي

تراجع العقل والعلم والكرم

وتقدّمت رجل الجهل والكفوفي

كلن لقى له في هوى النفس متعه

ساد الذهب والجيّد الّلي يحوفي

أقولها ولي بالأيام خبره

قلّبتها وقلّبتني ظروفي

نقلتها ثلاثْ سنين حجّه

يومن حزين ويوم تقرع دفوفي

كلن يموت وطيّب الذكر باقي

خطلان الأيادي مكرمين الضيوفي

سلّم على الّلي كل ما زاد حمله

شال الحمول وقدّمته الصفوفي

هذا على غيره من النّاس يفرق

كريم نفسن بالمراجل ينوفي

حطّه على يمناك لي صرت ضايق

ماهوب عن حوض المنايا عزوفي

يعجبك بالحضره ويعجبك غايب

ويعجبك إذا كثرت عليك الصدوفي


خالد الفيصل

اول السنه


اليوم اول السنه وامس آخر العام

والشمس تشرق والملا لاهي

في ساحة العمر كلن يقرع طبوله

ماشفت للنفس عن درب الخطا ناهي

كلن على ماتبي نفسه يطربها

والذهن عن عبرة ايام الدهر ساهي

يا غافل القلب لا يغريك زاهيها

أفطن ترى الورد مايبطي وهو زاهي

ياجامع المال يامن غايته دنيا

وش حيلتك في غياب المال والجاهِ

دنياك لو زخرفت لك شمسها واضحت

ترى البلا في خبايا ليلها راهي

لابد للدرب مهما طالت نهايه

والعمر لو طال به حبل الرجا واهي

الرّابح اللي نسيم الحظ له ذعذع

قدّاه ربه على التقوى ولا تاهِ


خالد الفيصل