فوق هام السحب ( الشعر الشعبي) على متن القوافي

دامك كبــير ودام منهجك متـــبوع
‏فإحفظ لسانك عن هروج السماجه

‏لا تبدي ارائك على كل موضوع
‏ولا تستشــير الناس في كل حاجه


.......

نمشي مع الںدنيا ولا نعلم الغيب
ولا يعلمون الںناس مثقاال ذرّه

يالله ثبّتنا .. على الںحق والطيب
و يارب جنبنا ... دروب المضرّه

.......

‏يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

.....

من الرجاحةِ أن تتغابى أحيانًا،
ففرقٌ بين الغباء والتغابي!

‏قالت العرب : «المتغابي سيد قومه»

‏وقال أبو تمَّام :

‏لَيسَ الغَبِيُّ بِسَيِّدٍ في قَومِهِ
‏لَكِنَّ سَيِّدَ قَومِهِ المُتَغابي

‏لو تحاربك الحياة وما عليها
‏انت ادرى عن مدى احلامك وذاتك

‏كل لحظه تعيش فيها , عيش فيها
‏لا تخلي غيرك يغيّر حياتك

.......

هذي قوانين الصدف والاماكن
‏وهذي مقادير الزمان وظروفه

‏تشوف ناس كثار صدفه ولكن
‏اللي تمنى شوفته .. ماتشوفه !

.......

‏الله عطانــي من غــلاه وعطيتـه
وغيره بغى منـي ولانيب معطيه

قالوا هويته قلت اي والله هويته
قالوا تركته قلت مانـــي مخليـــه

له منزلً فـــي وسط روحي بنيته
جدرانه ضلوعـــي وهو ساكن فيه

.......

الشوق مثل الموت نزاع للروح
‏ياخذ من أجساد البشر عافيتها

‏كنه رفيف الطير لا صار مذبوح
‏يرقص الم للروح بمفارقتــــها

.......

‏يا ليل لا تقسا على قلب مشتاق
‏يكفيه من جور المعاناه مافيه
‏
‏دقايقك تمضي تلاهيفواشواق
‏والنّوم محروم المحبّين جافيه
‏
‏ياما احتوى صمتك تفاصيل عشّاق
‏وكم باح لك فاقد بمكنون خافيه
‏
‏من زود ثقلك هقوتي صعب تنطاق
‏بعض البشر يا ليل ما فيه كافيه
‏

.......

؛بعض البشر كثر العطا ما يكفيه
ينسى جميلك و الوفا في ثواني

لو تنحرم من قوت يومك وتعطيه
يقول : لو هو بحاجته ما عطاني

.....