08-27-2024, 08:39 PM | #1 | ||
|
المرجلة
المرجلة *** سبحان محص الناس جيل بعد جيل وأرزاق خلقه بين خلقه قسمها وأرسل لهم فالكتب قرآن وإنجيل وسيطر على كل الأمور وحكمها ياللي تخيل الناس قلي وش إتخيل الناس مولاها يراقب ذممها مانته معدلهم على الكيف تعديل خل العظام كسارها في لحمها ورفيقك اللي مايراعيك بالحيل جرب حقيقة رفقته من عدمها حده على بعض القصا والغرابيل يبين لك منها قفاها وفمهاإن كانها رفقة مجامل وتمثيلجرت بعيرٍ جاء الرشاش ودهمها إعرف ترى مالك وراها محاصيل وأبرك لك إنك طالعٍ من غسمها ولاتستمع في تاجر القال والقيل ناسٍ تبيع بسوق قالواذممها حساد والحساد دايم مغاليل عين الحسد ماوفق الله سهمها الحاسد النمام مقهور وخبيل عقرب وضم تلدغ وتزبن وضمها وراقب ولي الكون بالصبح والليل اللي حصد روس الطغاه وصرمها ترى الغرور أكبر مرض للرجاجيل ليا حل بالنفس الشجيعه هزمها لك موعظه في سورة العصر والفيل أصدق من الأبيات واللي نظمها وإجلس مع ثقاة الرجال الحلاحيل جلسة حلاحيل الرجال إغتنمها تلقى مجالسهم مزوح وتعاليل وسوالف ماهيب يسمج طعمها تاخذ بها حكمه وعرف ودواليل ويبعد شقا روحك ويبرد نسمها إرفع مقامك كنك الجدي وسهيل وناس تبادلك إحترام إحترمها المرجله تقسيم بين الرجاجيل ماهي مطيه من شراها وسمها هاذي مثايل شعر مثل القناديل تجلا ظلام القلب للي فهمها من هيض هاجوسٍ تدفق كما السيل تجي له الأبيات لو ماعزمها الشاعر: فيصل بن منصور الرياحي ***
|
||
08-28-2024, 12:18 AM | #2 | ||
مراقب عام وأداري للمنتديات
|
رد: المرجلة
تسلم يداااك على القصيدة جزاك الله خيرا ولك تحياتي وتقديري
|
||
08-28-2024, 09:50 PM | #3 | ||
إداري
|
رد: المرجلة
كل الشكرعلى المشاركة وعلى المجهود في المنتدى
ماننحرم من جديدك المميز خالص تقديري لك
|
||
08-28-2024, 11:43 PM | #4 | ||
مراقب عام
|
رد: المرجلة
مشاركة مميزة واطلاله رائعة تسلم الايادي ولاحرمنا من هذا التواجد الفعال ودي لك وتقديري
|
||
09-17-2024, 03:10 PM | #6 | ||
|
رد: المرجلة
شكرا على الطرح الجميل
ودمت بخير تقبل مروري المتواضع ودي لك
|
||
09-17-2024, 11:22 PM | #7 | ||
إداري
|
رد: المرجلة
كل الشكرعلى المشاركة وعلى المجهود في المنتدى
ماننحرم من جديدك المميز خالص تقديري لك
|
||
|
|