اخترنا لكم

اللي يعزك مايشوف الردا فيك
ومن يكرهك حتى بخيرك يذمك

ترضيه ماترضيه ماهو براضيك
لو هو من اقرابك ولحمك ودمك

.....

‏الجو هادي والمشاعرلها بوح
والصمت في بوح المشاعر مسره

إقرب وواصلني من الروح للروح
قربك حياتن ماوراها مضرة

.....

كنت احسبك سارح في عيوني
اثرك معاي وانت فكرك مع الغير

تعال نحسمها بحطم سكوني
تعبت من صمتن يبي منك تفسير

لاصرت تقدر عيش عمرك بدوني
والله يذكر هالعلاقه على خير

.....

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

.....

انت طبعك غير واسلوبك عنيد
‏وأنا طبعي مستحيل اطق باب

‏قلت بافتح لك صفحة من جديد
‏شفتك تكابر وسكرت الكتاب

.....

القلوب اسرار والدنيا عبر
والعمر لو طال تاليه الرحيل

والخواطر كسرها ماله جبر
لو يعيد الوقت ماضيه الجميل

.....

فـز قلبي من ضلوعي يوم شفتك
‏كـنّك مسوّي لاحاسيسي إعـاده

‏يذكرك بالخير ياللي من عرفتك
‏ما عرفت الا المسرّة والسعاده

.....

الذيب لا كثرت عليه المشاعيبِ
‏أقفا بجوعه وأمرحت عقبه الشاه

‏والرجل دام إنه ترفّع عن العيب ّ
‏لو يظلمـونه مـا يقصـوّن يمناه

.....

‏حتى ولو وجه الليالي مرعب
‏باب الفرج عند الولي مفتاحه

‏اللي يبي الراحه لازم يتعب
‏لا يمكن الراحه تجي بالراحه

.....

‏حنا الوفي من صافي الود نسقيه
‏ومن زادنا بالطيب حنا نزيده

‏والي طرانا ساعة الضيق نطريه
‏ونكون عونه بالظروف الشديده

.....