اخترنا لكم

ليه الظروف القاسية تكسر ظهور الطيبين
اللي عن حمول الجماعه ماتلين ظهورها

شفت الزمن مايعصف الا بالرجال الغانمين
اللي ولو ضاقت سنينه ماتضيق صدورها

يضحك حجاجه للظروف يقول بكره تاتزين
لوكان عبرة ضيقته تضغط على حنجورها

خذاه النصيب ولاعطاني سوى فرقاه
ودفعت الكثير اللي وراي وتخسرته

يقولون لي دور على مثله وتلقاه
وانا اقول ذا باب فتحته وسكرته

عذرته وسامحته على كل ماسواه
ومديت له يمنى المفارق وودعته

احبه ولكن خاطري جاه ماكفاه
يكفيني اني لاجرحته ولا اوجعته

......

يقول تكفى وظني فيك ياطيبه
واقول يالله عساني من ورا ظنه

اللي معي تاجده والطيب نحري به
واللي مع الناس ما عندي خبر عنه

حاجتك مع واحد ٍ عيا على طيبه
ماهيب في يديّ جعل ابوك فالجنه

اللي من اول ضحك بسنون
تركيبه
جيته من أجل انفعك مير
انكسر سنه

.....

اترك الناس فيها مايكفّيها
واجتهد في صلاح النفس والسيرة

دايم النية اللي ماتصفّيها
عاقبتها عليك الهم والحيرة

كل نارٍ لها شـيٍ يطفّيها
غير نار الحسد والحقد والغيرة


عبدالله الطلحي

الله ولا بعض الكلام اللي يحطك في حرج
الكلمة اللي ما تجمّل خلها في فالها

ودك يقولون العرب وش فيه ساكت ماهرج
ولا يقولون العرب ليته سكت ما قالها

.....

خوي الرخاء ياسعود مثل أزرق الدخان
تزيده محبه وانت تدري عن أضراره

لكنه يسلي الخاطر الضايق الزعلان
وعلى العود الأزرق معظم الوقت تختاره

يحب المزوح وصدره أوسع من الديوان
خفيف لطيف وقلبه أروغ من الفاره

ما تحتاج منه مال ومواجهة عدوان
تبيه إن غرقت ببحر الأحزان سناره

.....

الأصحاب خلهم في حياتك نمر تعشيق
الأول هو الأول والثاني هو الثاني

لكن واحد خله دبل لاحداك الضيق
لا تستخدمه في كل الأوقات مجاني

.....

ياليتني ماطبت في بعض الاشكال
اللي استغلّو طيبتي واتعبوني

ارخصت لاجل رضاهم الحال والمال
وان جيت اذكرهم بطيبي نسوني

وان جيت اجادلهم تراجعت فالحال
بس الوكاد ان الرخوم جحدوني

تعبت اجامل والثمن راحة البال
وصداع راسي والسهر في عيوني

.....

خل حبل السّانيه بين النحر والغارب
لا تقفّاها على السّاقه ولا تنطحها

وان لقيت جحَارة الدّيبَان والعقارب
لا تقُوم تدَوّر العِيدَان وتفتحها

الأوادم شرّها من خيرها متقارب
من خلقنا الله وحنا ذمّها وامدحها

والزمان مشمّرٍ كمّه وكَفه ضارب
عالَمٍ تحتال فيه وعالَمٍ يذبحها

.....

حاجتينن تطرح الرجال من عرش الرجوله
الحيا لاقل من وجهه وكذبه في كلامه

وحاجتينن ترفعه للعز وتجمل فعوله
خشية الإله سبحانه وتوقير احترامه

.....