اخترنا لكم شعر نبطي وفصيح

‏ياناكر العشره ترا الوقت دوار
‏واعلمك مع الوفا والامانه

‏رحتي وخليتي للايام مقدار
‏في ذمتي يم الحسد والخيانه

‏روحي بدربك ماترجعك الاعذار
‏الحر مايقبل عليه الاهانه

.....

‏اغربي ياشمس واطفي قناديل النهار
‏مع ظلام الليل معنى السكينه يبتدي

‏ودّنا نستكشـف الكون ونرود المدار
‏من منازل عمّنا سهيل لنجوع الجدي

‏في فضا من كوّن الكون وابدع باقتدار
‏مُتّسع لـ احلامنا والسلام السرمدي

‏تبصِـره وايمان باللي خلقنا وافتكار
‏وانعتاقة روح من بوتق النفس الردي

.....

‏محبتي لك نقاها مثل بيض القلوب
‏ماهي محبة ابي سنابك وصور وألو

‏وبكره لاطال الطريق وظلمنّ الدروب
‏تدرين بإن المحبه واهلها ماخلو

‏قالت كلامك حلو لكن شكلك كذوب
‏وانا ماحب الكذوب اللي كلامه حلو

.....

‏تمر فالبال عادي من يرد الشروق
‏تسيل للخد طيب من يحب الضمى

‏بتروح عادي ولكن إحذر تروح فوق
‏انا اقدر لكل درب الا طريق السما

.....

‏الحب خلّانا مجانين واغراب
‏لين اكثر اللي مايحسّون حسّو

‏طعم الفراق اللي يجي بين الأحباب
‏ما يفرق بواجد عن الأسبريسو

.....

‏أعذريني لا طلبت العذر وارضي يا مليحه
‏واستغلي فرصة أحلامي قبل يمكن صوابي

‏كيف قلبك يخفي المشروه وعيونك صريحه
‏المعاتب بالعيون أقسى من طعون الجنابي

‏أقلطي بأسلوبك الطاغي على صدر القريحه
‏واستقري لين تجنين العذوبة من عذابي

.....

‏يومها بين إيديني والغلا عادي
‏ويوم قفت تفجر حبها فيني

‏كنها حطت التوقيت بفؤادي
‏لا مشت حبها يفجر شراينيي

‏قبل تقفي وأنا متماسك هادي
‏وعقبهآ ضاق كل الكون فينني

‏غلطتي كنت مترآهي ومتمآدي
‏وكنت أحسب الزمن والوقت يمديني

‏وأثر من لا تغانم فرصته غادي
‏اه يا فرصةٍ ضآعت من سنيني

.....

يارب والحاجة اللي بخاطر أحبابي
‏لا تغرب الشمس إلا وأنت قاضيها

.....

ما يخفّف ضغط الأيام وظروف الحياة
‏غير قرب اللي تحبّه وتستانس معه

.....

‏الجمايل باقية إلى الأبد
والوفاء لأهل الوفاء طول السنين

والنقاء والطيب ما هو ملك حـد
غير أصحاب النقــاء والطيبين

.....