اخترنا لكم

مابين حضنك وريح انفاسك العطره
‏أضيع وألقاك وأفقدني انا ويني

‏كأن حبك قدر جاني على الفطره
‏ولا غيرك أحدٍ بهالدنيا ملا عيني

.....

مايلوي ذراع الصبر غير الأقدار
أو دعوةٍ نامت بمتن السحابه

شيٍ نبيه ويمشي العمر ماصار
وشيٍ يصير وما حسبنا حسابه

.....

‏ليه انت بالذات حبك ماقدرت اتركه
‏مشاعري من كثر م اغليك جاها بلا

‏اشوف هاهتْك عن لباية المملكه
‏واشوف لبيه من غيرك تجيني هلا

.....

يالبيه ياللي من جمالك تغار الحور
وطاحت جميع الحور يابنت من دونك

عسى من يزعل قلبك انتي يجيه الجور
وعسى فدوتك ناسً غدو ما يحبونك

جمالك جعل كل العذارى وراء السور
لانهم اساساً في الزمن ما يسالونك

.....

‏ترى المشاعر غالية والمعاذير
‏من دونها تقصر وتزداد الاجراح

‏الصدق اساس الحب مافيه تنكير
‏واللي يحفر لا شك في حفرته طاح

‏‌نجود الفيصل⁩

ليه المساء عوق الشقاوي وطبّه
‏وليه الهبوب تصحي القلب لا بات

‏وليه القمر يدعي جريح المحبّه
‏ويقول له ياهيه ما فات ما مات

.....

الأرض لا ضاقت وضاقت سماها
اطلب إله الكون لا تطلب الناس

الناس لو تعطي تعدد عطاها
والله يعطيك العطا دون مقياس

.....

تجيني عقب مده وتنشد عن الاحوال
‏ما كنّك مهملني وانا حالتي حاله
‏
‏لي أيام متضايق وعيني على الجوال
‏أطالع حسابك وأحتري منّك رساله
‏
‏يا كثر الكلام الي بقوله ودمعي سال
‏وعزت علي نفسي وقلت أقطع ؤصاله

.....

ياقرب صوتك ومبعد ديرتك مني
‏يا جعل من ورد الجوال فالجنة

.....

‏فالمحبّة ما يفيدك لا ميول ولا استقامه
‏كان ما شدّك غلا ما هيب جاذبتك حميّا

‏يا تباشير الغلا والشوق ما حولي ملامه
‏كل يوم ارقب مجيّك من هناك ومن هنيّا

‏انت من نسل البشر ولا القمر ولا الغمامه
‏ولا من نسل الورود اليانعه ولا من ايّا

‏فيك عنق وفيك خصر وفيك جيد وفيك شامه
‏وفي من عين الوحَش لفته وفيك مْن العبيّا

‏لو ما اشوفك من خيار اهل البلد قدر ووسامه
‏كان ما كنت في كنف حبّك من الحزن اتفيّا

‏والله ان اقسى ليال العمر واكثرها ندامه
‏يوم ارتب لي معك فرصة وصال ولا تهيّا

‏ينتهي عقد الشغف وتموت كلمة وابتسامه
‏كان مالي من وجودك حظ يا سمح المحيّا

.....