اخترنا لكم

‏إياك لاتحزن ترى الرزق مضمون
ابذل سبب والله عليه التوافيق

اللي خلقك من العدم خالق الكون
هو الذي يرزقك في ساعة الضيق

ولا تكون أنسان بالوقت محزون
وانته تحت رحمة ولي المخاليق

أرفع مقامك فوق لاتتبع الهون
وخلك عشيرٍ للوجيه المطاليق

.....

‏عن ود غيرك شايمٍ شومة حرار
‏ولعاذلي حدب السيوف اسلّها

‏ما غير اقزرها بالاسم المستعار
‏وانت المبدا بالاسامي كلها

.....

‏ منــي مسـآء الخيـر والفل والــورد
‏ والحب والبسمه ونبـض التفــاؤل

‏ أدري بأن الـجـو مايـل إلى الـبــرد
‏ بــس المشـاعر دافـيـه بالتواصـل

.....

‏أشوف صورتك ودموعي تسابقني
‏و ياكثر ما جيت أبمسحها وأخليها

‏ فارقتني وضحكتك عيت تفارقني
‏ والله يقلع أبوالفرقا وطاريها

.....

‏ســلم على الوافي اللـــي نيته زرجه
‏اللي على الطيب و فعول الوفا دارب

‏ان غاب عـن صف ربعه بان له فرجه
‏له وقفــةٍ دون ربــعه كنـــه محارب

‏واليا حضر فالمجالس ما كثر هرجـه
‏واليا هرج هرجته تجمد على الشارب

.....

ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

.....

‏لوهي حقيقة كل مطرود ملحوق
‏ما فاتـــنا شيٍ من اللـــي طردناه

‏نطرد وتبعـــدنا مسافات وفروق
‏وللـــي نريــده فاتنـــا ما لحقناه

.....

يوم شفت له خاطر مع غيري تركته
‏ماهي من عادتي أخلي بخاطره شي
‏
خالد الفيصل

عليك السلام ورحمة الله على الباقين
‏وعلي الرضا لا ميّل الشوق خفاقي

‏ياوجهٍ ماندري وش ترك للبشر من زين
‏خذا نصف زين الناس وأعطاهم الباقي

.....

‏يموت العذر ويموت العتب دام الغلط مرجوع
‏ويبقى الحُبّ مرسول السلام اللي يواسيني

‏تطمّن يا حبيبي لا تقول وصالنا ممنوع
‏وأنا في كل يوم ألقاك بين دعاي وآميني

‏تمادى فالطعون الخضر ما دام العتب مرفوع
‏ترا قلبي ملاذك لا نويّت تطيح من عيني

.....