اخترنا لكم

‏من كلامه ليلة البارح وأنا ادري
‏رحت ولا جيت وضعي مايهمه

‏كيف ينساني وأنا اللي كان قدري
‏في عيـونه معتلي في كـل قمـه

‏وين اصد من الحزن واروح مدري
‏ضاقت فجوج الثرا من كل يمه

‏لا أقبل الليل العتيم وضاق صدري
‏من يواسي خاطري ويشيل همه

.....

‏بين رمشٍ شطير وبين طرفٍ خدير
‏كم من عقل خَفّ وكم من قلب سال

‏يستريح الفـرزدق كثر راحـة جرير
‏عينك أفصح حديث العُرب شعر ومقال

‏أنتِ الدهشة اللي مالها حَـد أخير
‏وإمتزاج الحقيقة في محال الخيال

‏يبتدون العذارى حولك الحكي مير
‏ينتهي لا لفحتي بالجديل الجدال

.....

‏انكسر غصن القصيد وغاب ظلّه
‏والقمر جنّب عن أسوار المدينة

‏بين ليت الّي نبيه وبين علّه
‏من يرجّع لهفة العمر وسنينه

‏والسؤال الّي عجز قلبي يحلّه
‏هو بخير وما ذبح قلبه حنينه

‏الشعور شهور لين يموت كلّه
‏والعيون إلى متى تبقى حزينة

.....

‏وانت تدري كل ما تحتاجني تلقاني
‏يشهد الله عنك ماتقدر تشح يديه

‏بس تكفى لاتعذبني ولاتنساني
‏ضمني يانور عيني في حشاك شويه

‏كل ماشفتك تدخلني بعالم ثاني
‏عين تنظر لك بشر والثانيه حوريه

.....

وش يداوي جرح سببه الغياب
لا نفع صد فه ولا عازف عزف

النصيب يصيب لو قلبي عذاب
اه من جرحا علا غالي نزف

.....

مديت لك عمري على كف يمناك
‏وغيرك على رجوى هلا مد عمره

‏نزعت بيبان الثقل غاية رضاك
‏وشرّعت لك قلبي ويا طول صبره

‏ميّت شعور وفز قلبي لطرياك
‏وأعرف شعوري ما يجي غير مرّه

.....

حِل عنّي يا هوى مالك ولي
خَل روحي في خلاها خلّها

خَـلّـها حول الخليفه والـولي
مـن يـحـررهـا ومـن يحتلها

مَن يفسّر لغز غامضها الجلي
مَـن يخلّـص نقلها مِن عقلها

خل لي حالي بحالي مختلي
خَل عبله تركـب اْعلى خيلها

حاضري ناقم على مستقبلي
حكمتي عـزّت على من ذلّها

مَخرجي نفسه بداية مدخلي
مَدخلي في خٓرجها لا،دخلها

يالـجـان الـحـل لا تتـشـكّـلي
مـشكـلتـنا مـشـكلـتـها حـلها

كـلـمـا قلـنا عـساهـا تنـجـلي
ضاعفت مـا بعدها ما قـبلها

زغـردي يا عَـبـل وِلّا ولـولي
عـنـتره حـل الحكايه حـلّهـا

كان حبك فـوق ما تتـخيلي
ويل نفسك من هواها ويلها

قد علمتي بعض مما تجهلي
سالفه مـرمـر عسلـهـا خلّـها

.....

ابوعـلـي قـال الله الله ياعـلـي
ماشي قلق مهما حصل دنيا ودين

سوا تضيق الارض وإلا تنجلي
احـنـا خُلقنا ياعـلـي متـعـودين

بقلمي

‏كبـرنا مع كـبر القسـى والعـزوم كبـار
سنين العمــر تمضـي والاشواق نزاعة

وتعبنــا ولكــن مـا تركنــا ولا مضمـار
نسج القـدم لو ما بقي في العمر ساعة

يــدور الـزمان وترجع الكايـدات صغار
وتقـدم رجـال يعـدلـوا الميـل قطاعــة

يـدلك حكيم الـراي في معترك الاشـوار
ويعميــك مـن رايــة مـع قــوم تباعــة

اذا عشت لك مـوقف قـوي ما عليه غبار
فـدعهـا على الله كل احـد عنده اوجـاعة

على مطلـع الاسـرار والخيـر فيمـا اختـار
لـه الحكـم والتقديـر والسمـع والطـاعـة

.....

‏ذبحتـني بالشـوق يامبـعد الـدار
وهاجوس فكري كـل ليله يطـوفك

امسي علئ ذكراك واصبح على نار
ويسرح خيالي لين المـس كـفوفـك

.....