اخترنا لكم

‏ما يلحق الواثق مشاريه وظنون
ولا به كبيرٍ يلتفت للصغيره

.....

على الهون ماحنّا على القاسيات جداد
‏تشين السنين تزين قدهي عوايدها

.....

وسط ذاتي عشت مالي غير أنا خل ونديم
والحقيقه مالقيت احلى من أعماقي وطن

.....

يموت الغلا من قلة الوصل والتقدير
‏مثل موتت المعروف لاصاربه منّـــه

الامير خالد الفيصل

احبه كثر ماني من البُعد عنه اخاف
‏واداريه وارفق فيه وامشي على شوره

‏لو انه درى وش له ورى قلبي مِن ارياف
‏تـرك ماوراه ودونه وساق مظهور

.....

ارفع يدينك وما في خاطرك قوله
من رحـمـة الله لا تيأس ولا تـقلق

لا شـفت قـدامك البيبان مـقفـوله
بيبان ربي كـريـم الـوجـه ما تغلق

سبحانه

‏ياهيه ياللي تنقل القال والقيل
‏وتحطني في موقفٍ ما حصلي

‏بيني وبينك دعوةٍ تالي الليل
‏اخذ بها حقي وانا في محلي

.....

‏ما كل ضحكه عليها للسعاده ضمان
‏ولا كل وجهٍ بشوش مخلّيته الظروف

‏مفارق أحباب ومواجه ظروف الزمان
‏والحمدلله مستانس مثل ما تشوف

.....

صحيح الظروف انها تنكد على الرجّال
لكنـها تنـقّي لـه من اهـل الوفا نقـوه

.....

والمرجله حكموا عليها بالاعدام
واصبح عزيز القوم للنذل خادم

والظاهر ان احلامنا كلها اوهام
والخير قد غادر قلووب الاوادم

حتى القيم داسوا عليها بالاقدام
وصانع المعرووف خايب ونادم

وضاعت النخوه مع دين الاسلام
واهتزت اركان البناء والمرادم

يا هادم اللذات يا ضيفنا الهام
ما عاد لها الا انت يا خير هادم

.....