اخترنا لكم

‏الكفيف اللي علــى المسجد سعـى
‏ما اتعض من فعلته شخصٍ بصير

‏العــمى بالقلـــب دامــه ما وعــى
‏دام قلبــك غافلٍ فانــت الضــرير

.....

‏يسعد مساء اللي مع المساء غرد
‏رايق وروق له من الناس مليـون

‏باسلوبه الراقــي وذوقــه تفرد
‏غرد وخلا الناس عقبه يــغـنـون

‏.....

‏حيل الله أقوى مابقى في يدي شيّ
‏مافيه حل ٍ في يدي ماذخرته

‏حاولت لكن المحاصيل هيّ هيّ
‏الطير طار ولا بقي الا شجرته

.....

الضحك هـيـبه للقـلـوب الحـزيـنـه
‏ما احدٍ درى عن داخل القلب وش فـيه

‏ان كان مـافــيــح شـعـوره كـنـيـنـه
‏يصـبـر وصـبـره زيـن يلقى الـذرى فـيه

.....

تـرى الغزل روح القصيد ومعانيه
‏وتـراه ملحه مـثـل ماتملـح الـزاد

‏اللي سبح بحـره وقف في موانيه
‏بعـيـد ويقـرب مسـافات الابعـاد

.....

الورد يبقى ورد في كل الأزمان
‏لو غيروا بالورد حجمه ولونه

‏ وانا أحب الورد في كل الألوان
‏ واحب ناس في طيبهم يشبهونه

.....

ياليل ماودك نجر المواويل
نزف من علو المواجع قدرنا

أفـج لك صـدر الأماني تعالـيل
وإليا ضوانا الصبح ننسى قدرنا

الشعر مصباح الحكم والعواطف
والقاف يرقى بالنفوس النقيه

والنفس تكسرها ردود المواقف
لو قابلت بعض الفعول الرديه

أصبحت مع بعض المخاليق والف
اعرف معادنهم ولو هي خفيه

ياكثرهم وقت الرخا والسوالف
وياقلهم وقت الوفا والحميه

.....

مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر ذنوبه ثم تسقي ترابه

آمين

تحزّمت في بيض النوايا وطيب يدي
‏من أول بدايات الزمان لنهاياته

.....