اخترنا لكم

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

تغيب لكنك على البال موجود
ساكن بوسط القلب وسط الحشايا

حبك تربع جود في جود في جود
وسيطر على على كل البقع والزوايا

.....

‏ليا بغوا يمسون قالوا مساء الخير
وإذا كشخو قالوا مساء الورد ياورد

واحنا مسانا غير واحساسنا غير
انا مسائي انت واترك لك الرد

.....

‏عطني من احساسك قصيده للدفا
‏البـرد مايستوعب احساس البشـر

‏عن التعـب عن الوصـل عن الجفا
‏انـا مجـرد مستمع وانـت الشعـر

.....

يوم كلّن فزع له خاله وعمّه
يكفي إنّي وردت العد بذراعي

ارفع الراس بين الروس ما همه
واتباهة وأنا الغرقان بأوجاعي

يمّه الحُر طبعه يعشق القمة
وانتي إللي فطمتيني على أطباعي

.....

اقتنعت إن الليالي متاحف ذكريات
‏يوم تبطي سجّة البال بين أسوارها

.....

‏الحلم له نافذه والرزق بابه كبير
‏لا تقفل الباب وتعوّد على النافذه
‏
‏ظ“لايشغلك طير غيرك وانت طيرك يطير
‏ياتيك رزقك ورزق الناس ما تاخذه

.....

‏جيتك ونبض القلب بالحب خفاق
‏نبض وحساس ومشاعر كلها ذؤق
‏
‏جيتك وقلبي يامنى الروح مشتاق
‏وحتى عيوني من الوله كلها شوق

.....

‏أحدٍ كسر فنجال ويدوّر أعذار
‏وأحدٍ كسر له قلب ويقول عادي

.....

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفون إن المشاعر قصيده

.....