اخترنا لكم

‏عن وصل غيره يدين الحُب مكتوفه
‏وعن شوف غيره عيوني مالها طمعه

‏أنا قتيـله وانا أمْـنه وأنا خوفـه
‏وأنا غناته وأنا طرحه وأنا جَمعه

‏ياجعلي اسابقه للموت واطـوفـه
‏مـحـبـةٍ فـيـه لاخـذلـه ولا رمـعَـه

.....

معي قلب بدويٍ ما يعرف يعاتب الغيّاب
أعرف أغيب لكن مستحيل أناظر خلافي

.....

‏اسرقي قلبي وخلّيه في صدرك صويب
‏والله ان اموت ماني مدوّر مخرجي

‏والعيون اللي خذت صبر ابو عقلٍ لبيب
‏والله اني من سببها مكثّر بالمجي

.....

‏خلوني اكتب على عرفي وتفكيري
قناعتي ماحدٍ يقدر يغيرها

اعز نفسي وفضلها على غيري
والناس ماني على نهجي مسيرها

.....

قـلوب بعض الناس مثل الفوانيس
تقدر تشاهد نــــورها من صــــفاها

وقلوب بعض الناس مثل الكواليس
كـــــل المصايب حـاصـله من وراها

.....

نضــيـق لاكــن ضيـقنا يــرفع الراس
نضـحك بـغب الضــيق عــزة وشيمة

مهـما يضيق الحال إذا شـافنا الناس
نضحــك ونـخـفي كــل ذكــرى أليمة

.....

ياسعود ماعينت الي راحة البال
هي صدق والى كلبوكم سواتي

اسمع بطاريها لي اسنينن طوال
والاذكر اني شفتها في حياتي

دورتها في كثر الاصحاب والمال
وفي عمري الماضي وفي ذكرياتي

ودوجت في الدنيا من الجال للجال
وعجزت للقاها بكل الجهاتي

ماجد النصيف

يامقلب قلوب الخلايـق والأبصـار
ياحاشرن خلقـك حفـاة عراتي

أسألك أنا خشيتك في سـر وجهـار
وعلى الهدى طالبك ربـي الثباتي


آمين

يا ما من صدوف الليالي لقينا
وياكم صديقٍ يختفي لا بغيناه

وكم خابت الهقوات في من هقينا
والبعض منهم ليتنا ما عرفناه

نحفظ جميل اللي تجمل علينا
واللي تردىَ موقفه ما حسبناه

النجم العالي

رفيق القسا ودك تراكا على مركاه
‏ورفيق الرخا ودك تراكا على كبده

.....