اخترنا لكم

أدور على وصلك لو انك تحب تغيب
احامي عن الماضي وأحافظ على الباقي

اسولف معك في كل حاجه بلا ترتيب
كلامي حقيقي واشتياقي من أعماقي

.....

مـن يفـرح بفـرقـاك افــرح بفــرقـاه
ومن يبكـي لشـوفتـك امسـح دموعـه

اللي مـا يعـرف قيمتـك وانـت ويـاه
لا غـاب عنـك لا تحـرى رجـوعــه

.....

‏ياوقت ياشرهة جروح الصداقات
‏فيها تخاذل وإنحطاط وتحايـل

‏واللي جنيته من عظيم العلاقـات
‏صداع راس ودمعتين ورسايل

.....

فاقد اللي زود بعده مانقّص من غلاه
من يبشّرني بشوفه ويبشر بسعده

مابقى في ساحة البال من ذكرى لقاه
غير تلويحة وداعه وخذلان وعده

قلبي اللي عاش حلم المواصل في ذراه
خايف إنه من مهاده يوارى فلحده

.....

نخفي الوله وقلوبنا كلها شوق
وعيوننا تفضح غرام خفيناه

نكتب مشاعرنا تحت راية الذوق
والحرف من جوف الحنايا نزفناه

.....

إحتويتك في خفوقي همس محتاج لجواب
وارتضيتك حلم ليل وحرف بكفوف البريد

كل حرف من حروفك خالط إحساسي وذاب
عانقه نبضي وشوقي جاري مجرى الوريد

.....

أثر الجمايل في بطون المجانين
أخير منها في بطون الصحاحي

على الأقل لا أنكروا فعلك الزين
لك حق ماتشرّه على غير صاحي

.....

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

الزين من زانت معاني حكاياه
ما هو بمن زانت معالم رسومه

.....

استميل لعزلتي وأبعد ولا عندي سبايب
‏غير حبّي للهدوء اللي عن اللجة مبدّا

‏في مكان ٍ ما يمرّه غير ذعذاع الهبايب
‏كل ما يطرق ضلوعي قلت هذي وصفة الدّاء

‏الخلا الخالي حبيبي كان باقي لي حبايب
‏عقب خلّيت الحسايف من معاليقي تغدّا

‏خاطري سامح وقلبي عن جميع الناس طايب
‏أكثر اللي كان طيّب تالي أيامه تردّا

.....