اخترنا لكم

الحياه المستقره والأمور المستتبه
‏والله إنها تغني من أحلام وآمال وأماني

.....

يا حن قلبي حنة الجمس بثنين
ويا حنتي حنة خلوجٍ حنونه

على الذي صافي معي له زمانين
ازروا مقلبة الحكا يدركونه

لا شك حالت دون خلي نفودين
ولو حال دونه دولةٍ ما نخونه

الولف حنت له قلوب البعارين
والناس غايب ربعهم يفقدونه


طالع بن صايل القطش الحربي

ما يموت الود لو مات الكلام
لك مكان وذكريات ولك شعور

منت عابر في حياتي والسلام
أنت حتى في غيابك لك شعور

.....

أنا لو ضاعت الدنيا وراي وزادت الأتعاب
أجي كأنّي صباحٍ كل هالعالم تهذري به

.....

‏في غير وجهك مابقى للحلا صيت
أمي خذت من كل أنثى حلاها

ومن طيبها لو هي توزع وياليت
كل العرب تطهر ويفنى رداها

وفي قلبها ما الله عطى للحسد بيت
تغفر عن الزل وتنسى شقاها

ولا جابها الطاري فخرت وتعزويت
‏حبيبتي جعل الخلايق فداها

.....

ما عاد نبي ورد يا بايع الورد
اللي يحب الورد عيا يجينا

يا ليتنا في هالزمن نشبه البرد
حتى يحسون المخاليق فينا

.....

‏أسال عليك المسا وأقول وينك
وروحي وعينى بالغلا يسألونك

مرسال حب الأمس بيني وبينك
والشوق ياخذني لمرسى عيونك

إنت الوفي لأن الوفى في يمينك
ومن عادة الوافي أبد مايخونك

.....

لوالمشاعر ماتجي غير بالصوت
ناديت لك بالصوت زايد حنيني

واقول احبك حيل وافداك للموت
وطيبك يولع نار الاشواق فيني

بس المحبة شي اكبر من الصوت
والاشواق اكبر من كتابة يديني

.....

واليا حكو فينا الرخوم المهابيل
اهل النمايـم واليديـن البـخيلـه

صم الجبال تعدل الروس تعديل
هذا جزاء اللـي فيه لفه وميلـه

.....

تنبت على كفوف الكريم السنابل
‏وتموت في كف الردي مدّة الطيب

.....