اخترنا لكم

ياالله رجيتك مارجيت المخاليق
ولا بذلت لغير وجهك وسيلة

ياعالمً سر الصدور المغاليق
ياذا العفو ياذا الكرم والفضيلة

يافارج الكربات والهم والضيق
لا صار مابيدين الانسان حيلة

خذني من دروب العنا للتوافيق
وحقق لي احلام السنين الطويلة

.....

والله لو عمرك عمر نوح وشعيب
لابد من يومٍ تفارق حبايبك

تبي تشوف أمراض والعجز والشيب
والموت لابده لقبرك يقرّبك

خلك عزيز النفس وابعد عن العيب
واختر من الاصحاب طيب يصاحبك

واطلب كريمٍ يعلم السر والغيب
واحرص على دينك وتلقى مكاسبك

.....

العاشق الي كانت أحلامه كبار
صلى عليها ركعتين ودفنها

.....

المستريح اللي من العقل خالي
‏ما هو بلجات الهواجيس غطّاس

محمد السديري

جعل حظي عـند ربـي مـعتلي
‏لوحظوظي عند خلق الله تطيح

آمين

مايضيق بالي الا نشدة المتفرغ
لا نشد عن حاجه ماله لزوم فيها

.....

‎تسريني الذكـرى على جرة الغالين
‌‏وروحي على سكة مداهيلهم شفقه

.....

‎خذ لك مع العفو والتقدير حبة خشم
‌‏وإترك نوايا الأوادم داخل اصدورها

.....

‏الطيب مايصعب على راعي الطيب
والا الردي ماهو على الطيب طايل

كلن يقول انه على المرجلة ذيب
القـول قـولن والفعايل فعايل

.....

‏لو عاملوك الناس بخبث ونـــجاسه
إرفـع مقامك وعامل الناس بالطيب

الـنذل نـذل وتـعرف الـناس ساسـه
والـطيب طـيـب ويـنعرف بالمواجيب

.....