اخترنا لكم

رغم الظروف اللي تمرّنا عايشين
والوقت يمشي ما يطالع فايته

ممتع شعور الصبر بكل الحالتين
يعلمك كل شيٍ بيوصل غايته

نتصنع الضحكة وحنّا ساكتين
وفالساكتين أشياء ماهي ساكته

.....

يـاصحابنا بعض المجامل عيب
ونتايجه تحسب على الرجال

حنّو ضمايركم من التأنيب
محنّة العقال للعقال

الصدق وجهه مثل وجه الذيب
والكذب وجهه مثل وجه الذال

وحدة قياس الطيبين الطيب
ووحدة قياس المرجله الافعال

.....

لا تخضع ولا تخشى سوا المفني الخلاق
ترا الناس لاتفني ولا هيب خلاقه

ولا ترتجي غير الله المانع الرزاق
ترا الناس لاتمنع ولاهيب رزاقه

وحياة البشر مابين لمّة شمل وفراق
ولا يفقد الا طيبٍ يوجع فراقه

.....

وجيهنا فيها حيا ماله قياس
تردنا عن شي يدينا تطوله

حتى الكلام اللي يقولونه الناس
والله حنا نستحي لا نقوله

.....

مافيه مثل العافية ستر وغناة
إن جات للمسلم تراها كافيه

كم واحدٍ يطلب ملذات الحياة
وإذا مرض مايطلب إلا العافيه

.....

زلة لسان الادمـي بعض الاحيان
تقـطع علاقـات الرفيـق برفيقـه

كم من رفاقه دامت ازمان وازمان
عقـب المعزه تنتهي في دقيقـه

.....

الجمايل باقيه طول الابد
والوفى لأهل الوفى طول السنين

النقى والطيب ماهو ملك احد
غير اصحاب النقى والطيبين

.....

مهمــا وصلت وبالمــراتب ترقيت
وصابك غرور وشفت نفسك زياده

تـــرى مـــردك غرفة ٍ فآخر البيت
النـــار تكـــبر واخـــرتهـــا رمـــاده

.....

لا سكر الله باب يفتح لنا أبواب
واليا ظلمونا خلق سخر لنا خلق

حكمه من الرحمن وأحكامه أسباب
حتى نعرف الناس ونميز الفرق

.....

العمر ماينحصر ياخوك في ديره
الديره آلياً كرهناها ترا شمنا

واليا حسنا الطبع مع محسن الجيره
مانبغي احدً على الحسنه يكرمنا

والصاحب اللي علومه من تزاويره
بالله في كثر هرجه لا يقروشنا

والصاحب الي اله مجده وله سيره
لامن حضر في مجالسنا يشرفنا

.....