اخترنا لكم

عيا الزمن يصفا وحنا مستحين
يطحن امانينا مثل طحن الرحى

يقسى ونقسى لايلين ولا نلين
ويصحى اللي له ضميرٍ ماصحى

ان زان ولا شان حنا صابرين
وبنموت عاد وجيهنا فيها سحى

.....

قولة كفـــو تتعب عليــها الرياجيل
اللــي على روس النــوايف نظرها

يا كثر صدقــان الصحن و المعاميل
و يا قلهـــم لا من تقــادح شـــررها

بعض العـــرب للتمشيه والتساهيل
وبعض العرب للمعضلات وخطرها

.....

صكوك الجمايل فالنشاما مسّنْ سيوف
ما دام السنافي بين وقفة وترحيبة

تقدّم على درب القدا والعيون تشوف
سهوم الليالي تخطي الكفْو وتصيبه

ترى شرهة اللي لا جمالة ولا معروف
مثل مِنّة اللي ما عطا شي من جيبه

.....

ولو حاول الشايب يكافح ظهور الشيب
تدور الليال وتكشفه عشر ذو الحجه

ولو زاد شيب العود مازاده الا طيب
ماهوب الشباب اللي حياته على الدجه

.....

ماكل بيت تحصل فيه هبات ريح
لو الطراقي تلاقى قدمه خطوطها

باب عليه أكثر الشعار تنسج مديح
وباب عليه العناكب تنسج خيوطها

.....

تمعن الجمله من القوس للقوس
لاتغرك الأحلام وأصحى يانايم

ماتنشرى روس الرياجيل بفلوس
تشري لك الأموال روس البهايم

.....

يالله بحظٍ يجمل وذكرٍ مايغيب
مانبي الا الوجه الابيض وستر العايبه

دلنا حسن النوايا وتوفيق النصيب
واكفنا من شر بعض الظنون الخايبه

آمين

يارفيقي يوم مال النديم الا النديم
والله اني غبت من حاجةٍ متسبّبه

عادني ذاك المشبّب وصاحبك القديم
غير مرّتني ضروفٍ ماهيب مشبّبه

.....

سامحونا واقبلوا عذرنا يامسلمين
من تلمّس عذر لأخيه فالدنيا لقاه

والله انّا مانجنب عن العلم السمين
دامنا باقين فيها على قيد الحياه

.....

الناس مثل النبت بالخبت الوسيع
ماكل نبتٍ به ظلال ومنفعه

احدٍ يجي ويروح مع فصل الربيع
واحدٍ تعده للفصول الأربعه

.....