اخترنا لكم

‏صار اللقاء مابين عيني والأحباب
‏من بعد غيبة فارقتنا سويّه

‏صدفة التقينا وصار مابيننا عتاب
‏وعتابهم ياناس يصعب عليّه

‏هذي سواة القلب لاصار غلاّب
‏ أحيان يسحب صاحبه للأذيّه

.....

‏تمر البال يا زهر الصباء معْ غاديات النود
‏ حديث أحلامنا يصعب على الملهوف نسيانه

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏يا كم عاشق تهاوى في بلاطك يالعيون السود
‏ يجاهد فيك نفسه والعيون السود فتانة

.....

تستنكرين فوادي اللي سلبتيه
‏وانتي عيونك تسلب القلب سيده

‏قلبً صواديف الزمان لعبت فيه
‏ماعاد باقي منه الا شريده

‏ما شوّهت حبّي كبار المشاريه
‏لا زلت ذاك اللي قديمه جديده

‏حتى الشعر في عيونك ان قمت اغنّيه
‏استعبد احراره واحرر عبيده

‏بيت القصيده يتعب اللي يجاريه
‏وأنتي بعيني مثل بيت القصيده

‏استاذني من خاطري واستميحيه
‏بالعذر لو ان العذر ما يفيده

‏بتفقدين الحب وان مافقدتيه
‏بتعلمك الأيام بانّي فقيده

‏اعتبري ان الحب ذنب اقترفتيه
‏وبعتبر فرصتك فرصة سعيده

.....

‏كل ما هبت طورايه مع ذاري الهبوب
‏اصطفقت ادور اللي غدا واصفق يدي

‏واحد ذكره لـ يابس معاليقي شروب
‏العرب عج البوارح و هو نجم الجدي

.....

‏المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك حلّت كل مُره

‏هاك قلب وهاك عين وهاك غادي
‏دلّه لدربك وخذ خيره وشره

‏وش أبي بوجيه خلق الله وأنادي
‏وجهك الله خالقه طيب ومسره

.....

‏راح نصف الليل وانا لا شعر ولا شعور
‏وين بلقى لي نسايم غرام تهبني

‏حبني ياناعس الطرف واشبعني غرور
‏ويش ابي في باقي الناس وانت تحبني

.....

‏لاتورطني وانا فيك متورط
‏يانظر عين القصيد ونظر عيني

‏الغلا في ثومة القلب لاقرط
‏مستحيل تفكه ايديك وايديني

‏ودي افرط بعمري ولا افرط
‏فيك وانت ان طعتني لاتخليني

‏بقبل اشروطك ولانيب متشرط
‏من غرامك عطني الي بتعطيني

.....

سولف يهون الوقت عندي ولا هنت
‏معاك لحظات انشغالي ثمينة

‏وشلون ماحبّ السّوالف معك وانت
‏شايل على صوتك شعور السكينة

.....

‏العرب بين التصـنع والجبلّه
‏والزمـان يميـيز اللي له تواجـد

‏طاح من عيني عرب ماهم بقلّه
‏وعاد في عيني عرب ماهم بواجد

.....

‏عـوايـد الـنـفس مـايـرتـاح صـاحبها
‏ان طـاعـها درهـمـت وان ردها ملت

‏لـو انـي اكـبـها مـن دون احـاسـبها
‏راحت على الوجه لاصامت ولا صّلت

.....