اخترنا لكم

لو صاحبك فجأة عليك اتغير
فتش وش اللي ضيقه ما باله

حاول بكل الجهد له لا تخسر
يمكن ظروفه يا اخي قتالة

وان شفت وانه للصحب يتنكر
سامح طريقه واتركه في حاله

قفل ملفه واكتبه بالدفتر
لي صاحب اتغير ولاادري ماله

شف كل من يكسر بيده جبر
والمرء يفنى والبقاء لافعاله

.....

‏ياصاحبي ماعاد بالخاطر احلام
لا الروح مرتاحه والا القلب هادي

من كثر ماجارت بنا ظروف الايام
صرنا نــرى صدماتــنا شي عادي

.....

لا تـطـري الـفـرقـا ولـوكـنـت مـزاح
فــيني مـن فـراق المحبين صـدمه

.....

كل شي في وجـــــودك له حلآ
وكل حرف تكتبه يعني حضور

لو تغيب آلخلق تبقى يآلغلآ
طلّتك عطري وآبيآتك بخور

.....

مـره نعالجها ومـره بـدون إعــلاج
ومـره نسيرهـا ومـرات معتـاجـه

وليله تسلينا وليله كـدر وإحـراج
وليله ظـلام وليله انـوار وهـاجـه

.....

احنا كـبار القـــوم ركــز عليـــنا
الفرد منــا مـــايفلـــت رفيـــقه

من شاف حاله قد تكبر عليـــنا
يحلم يصل لا مستوانا دقــيقه

احنا الكرم والعز خاتـم يدينــــا
والذل حاشى نقترب من طـريقه

نصبر ونـــتحمل وفــينا وفــينا
اوجاع ماتوصف بلحن المسيقه

ماهي عوايــدنا الــكذب لاحكـينا
بالحق نحكي او نخط الوثيقه

.....

‌‏الناس ماتدري عن القلب وشفيه
حتى ضلوع الصدر تسال علامه

والقلب لاصابه وجع من يداريه
دام الوجع من شخص كان اهتمامه

....

منهـو مــع الله ربــي لا يخـاف
حتا ولــو ضـده عرب متحالفـه

ما همني كثر الدراهم والحراف
كلا ولا نفسي من الناس خايفه

واثق بربي فالسماني والعجاف
والنفس ماهـي للمهانه والفه

نفسي عزيزه ومحكوم المشاف
والذل طالـق بالثلاث الكـاشفه

.....

غلات الانسـان مـن مكنون اطباعه
ماهي من القرب ولاهي من المنظر

كـم مـبعدن صـورته بـالعين لماعه
وكـم مـن قريبن كأنه شي لا يذكر

.....

نتذكر الونعم ونشعــــر بالرضى
يوم المراجل تفتخر لو شافته

إنسان له تاريخ في ما قد مضى
نحو العُلا ما قط حاجة عاقته

.....