اخترنا لكم

‏ما جيت آسمّعك الكلام اللي تبيه
‏جيت أودِع الذكرى القديمة فاللحد

‏خل الكلام الحاد والراي الوجيه
‏يمكن يكون الاعتراف أقسى وآحد

‏ما كنت وجه وبس من ضمن الوجيه
‏إنسان عاهدني على شي وجحد

‏أنت الشعور اللي ما قد حسيت فيه
‏وأنت الكلام اللي ما قد قلته لاحد

....

‏الوقت ساومني على راحتي لين
‏قررت اثمن راحتي واشتريها

‏ اثر الدقايق بعضها تاخذ سنين
‏لين نتجاوز كل ما صار فيها

‏ اقسى شعور يراود القلب والعين
‏يوم انتذكر حاجة ما نبيها

‏المستريح اللي جمع بين ثنتين
‏صدر وسيع وذاكره لك عليها

....

‏مابين لدغات القرايب والاجناب
‏ما قمت افرق بين عقرب وحيه

‏ناس تقلب ماعرفنا لها اسباب
‏تصبح بنيه وثم تمسي بنيه

‏صار التشتت عاده بين الاقراب
‏والكل يرمي صاحبه بالخطيه

‏اكثر سوالفنا مشاريه وعتاب
‏حتى بعدنا عن حلول القضيه

‏قل التراحم واغلقوا دونه الباب
‏وقل التواصل والغلا والحميه

‏وين القلوب الصافيه وين الاحباب
‏وين القلوب الطاهره والبريه

....

ما عادت الأيام هي نفس الأيام
ولا عادت الناس الحبيبه حبيبه

احتار فكري قبل تحتار الأقدام
الدرب موحش والمشاعر غريبه

....

‏يوم أبعد عن الناس مانيب ضايق
‏شخصيتي هاديه وأحب السكينه

‏العزلة أفضل من ضجيج الخلايق
‏نتايج الإزعاج ماهيب زينه

....

دام الحكايه واصله للنهايه
عندي سؤالٍ بين الأضلاع محشور

ما دامك أنت كاتبٍ هالروايه
ليه البطل بيموت ما كمّل الدور

....

‏لاتقبل الا هرجة الرأس للرأس
‏صف الظنون وكل واحد وظرفه

‏من كثر هرج الناس في غيبة الناس
‏أحيان تكره واحدٍ ما تعرفه

....

‏على الهون يازهرة شبابي وتو الناس
‏علام العمر يمضي والافراح منسرقه

‏تلّج الطواري كل ماذعذع النسناس
‏على واحدٍ بين العرب واضحٍ فرقه

‏شعور المسافة بين حبل الرجا والياس
‏شعور المسافر كل ما طالت الطرقه

....

ماﻛل شخص قال وش فيك رديت
لأني ٱشوف ٲحيان ﺻمتي إجابه

الصمت في عوج الحنايا بنى بيت
يصعب على بعض العرب فك بابه

....

الليله البال رايق يا حروف الغزل
صبي لمحبوب قلبي حب لين يرتوي

صبي له أبيات شعريه مثل العسل
عسى حبيبي يعدل طبعه الفوضوي

وحين يهدأ مزاجه حطي له أربع قبل
ووزعيها حسب توجيهي المعنوي

في الخد الأيمن ثم الأيسر ثم المقل
والرابعه في ظ±ذنه ظ±بغاها تدوي دوي

وبعدها لا بدأ يظهر عليه الخجل
قولي له إحساس شاعر مفتقد لك قوي

....