اخترنا لكم

استغل الحب واعطاني قفاه
وصرت تايه بين اه وبين ايه

اي تركني وراح خلاني وراه
والكرامه شي تمنعني اجيه

حتى لو انه من الناس الغلاه
الخطا بين وانا ماني سفيه

يسقي بذور الخيانه والغياه
والنتيجه يكسر الشوك بيديه

كنت درعه من غثاء الدنيا وعصاه
كنت عنده شخص مالي اي شبيه

حبه اقسى درس بدروس الحياه
والله اني فرصه وراحت عليه

....

‏سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

‏احب الرفيق اللي ليا شافني زليت
يوضّح خطاي وكلمة الحق ترضيني

صريحٍ بوجهي يحترمني ليا صديت
ليا ضاقت الدنيا فزع ما يخليني

....

‏ناداك قلبي من ورا ذيك الاضلاع
واعطاك من وجد الضمائر وفاها

والروح والاحساس لبوك خشاع
يا معتلي عرش الخفوق وسماها

يا منشغل عني ترى الفكر ماطاع
يمحو خفايا الذاكره في رجاها

....

يدري إني كل يوم أمر من قدام بيته
‏لو أنا ماني من أهل البيت وإلا من ضيوفه

‏ويش عذره كل جرحٍ من جنابه ما هقيته
‏لا يخلّيني وأنا أقوى من الزمان ومن ظروفه

....

خلك مثل نجمٍ بعيدٍ عن القاع ‏

‏ليا بغتك الناس ترفع نظرها

....

‏مر الخيال بصورتك وأيقظ الروح
وإنزاح عن روحي ضبابة سماها

يامن تناجيك المشاعر لك البوح
عل وعسى في يوم تجلب رضاها

مفتاح قلبي بين أياديك مطروح
وأظن مافيه روح تجهل هواهـا

.....

أخذ الطبيبُ بمعصمي متحسِّساً
نبضاتِ قلبي ثُمَّ قالَ غريبُ

لا نبضَ عندكَ أين قلبُكَ يا فتى
فأجبتُ قَد أخذَ الفُؤادَ حبيبُ

أَبْدَى ابتِسَامَتهُ وقَال تَجِيئُني
اذْهَب إلِيه فَما سِوَاه طَبِيبُ

.....

‏قالوا خبر قلت الخبر اسم مرفوع
‏والمبتدأ محذوف مبني على الضم
‏
‏والفاعل المرفوع غايب وممنوع
‏وأنته ضمير مستتر داخل الدم

....

‏عَلَى مَاذا اتفقنَا يَافُؤادِي
إذَا ضَاقَت علَيكَ فَمن تُنادِي

تُنادِي اللّٰه خلاق البَرايَا
تُنادِي مَن يُنادي يَا عِبَادِي

....