اخترنا لكم

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

تــذكرني ليا ضاق المكان وشانت ظروفك
تراني مثل طيآت الذهب ما يختلف لونــي

.....

اشتقت لك والشوق ماله مواقيت
يا أجمل احـداث العمر في حياتي

قلبي وعيني ياغـلا الروح لك بيت
ولافيـه غيــرك يمتلك نبض ذاتي

احبك ولو عنـي تأخرت وابطيت
واموت بك يااغلا بشر في حياتي

واهواك مهما في غيابك تماديت
وتبقى امل روحــي وكل امنياتâپ¦

.....

‏مدام انا وانتي علــى الارض حيين
ياسعـــد عينك لـــو بكيتـــي شويه

والله لانسيك الزعـــل لين ترضين
وامهـــد لك الدنيا فجـــوجٍ فضيه

واحماك مثل حماية الجفن للعين
وكلش فـــداك اليا بغيتـــي شريه

يفداك ماشافت عيونك من الزين
لو ان متر الثوب مـــن خمس ميه

لو اني اسجل علـــى ذمتـــي دين
زودٍ علــــــى مـــايمـــلكنـــه اديه

.....

‏صرنا نراقب بعضنا من بعيد لبعيد
‏هو يحتري جيتي وانا احتري جيته

‏هذي حياة العنيد إليا عشق له عنيد
‏كلٍ ينتظر الثاني وحسب مزاجيته

.....

‏ستر المـــواجع داخل القلب راحه
لو يمـتلي صدري بــها ما تكلمت

ما هو جديد الـقلب يخفي جراحه
ولاهو غريب الضحك مهما تألمت

.....

‏يـا معاتب الناس لاتعتب ولا تشره
موارد الطيب بين الناس معروفه

والي تجاهل حقوق وواجب العشره
اجعل حقوقه من التفكير محذوفه

.....

كنت بكلامك تاخذ الحزن عني
واليوم غبت وراح عني كلامك

ياصاحبي وشلون خيبت ضني
يا باخلاً بإحساس قلبك علامك

.....

‏للحين احبك بس حبي من بعيد
لـي قـلب والله يعلم شلون حاله

صرت أتحرى لك من العيد للعيد
يـمكن تجـيني مـن يدينك رسالـه

.....

‏ودي اقول اني احبك واغليك
وودي اقول يابعد عمري فديتك

وودي اروح لديرتك والتقى فيك
واقول لك ياضي لعيون جيتك

وانته تطالعني وتنظر حواليك
وتقول ليتك جيت من قبل ليتك

.....