اخترنا لكم شعر نبطي وفصيح

‏الحب ماهو دق رقمي وانا اجيك
‏ولارسايل شعر من قول شعـار

‏الحب شي داخـل القلب يرميك
‏في تهلكة عاشقك لو كـان جبـّار

.....

ياطالب الغفران سبّح وكبّر
وابليس عن درب النبي لا يصدّك

وأن شفت شدّه في زمانك تصبّرْ
واطلب كريمٍ من عطائه يمدّك

وخلّك طليق حجاج واحذر تكبّر
وإياك تتبع واحدن مايودك

والعبد في حكمة وليه مدبّرْ
واصل طموحك والكسل لا يردك

.....

ياقلب حذرتك من جنون الشوق
‏تجاهلتني ياقلب واهملت دوري

‏ياما نهيتك عن هوى كل مخلوق
‏ترى الهوى والعشق ماهو ضروري

‏وهذا النتيجه قلب بالشوق محروق
فاقد معه حسي وفاقد شعوري

.....

مكانِتـك ما زادهـا المدح مقيـاس
ولا يقـلـل شـانهـا منتـقـدهـا

أنت اللي تحدد مقامك مع الناس
من وين ما حطيت نفسك تجدها

.....

‏لا تحـسب الــدنيا على ماتمــنيت
‏تصــدِمك في لحظــات واتروح فيـها

‏خلك وسيع الصدر لا رحت وان جيت
‏نوبه عليـك ونـوب تضحك عليها

.....

دعْني أَمُتْ في هوَى مُخدَّرةٍ
تَعلقُ نَفسي بها علائِقُها

مَن لم يَمُتْ عبطة يمت هرماً
الموتُ كاسٌ والمرءُ ذائقها

.....

ثمرة القناعة الراحة
وثمرة الحرص التعب

وقال البُحتُري :
إذَا مَا كَانَ عِنْدِي قُوتُ يَوْمِي
طَرَحْـتُ الهَـمَّ عَنِّـي يا سَعِيدُ

ولَـمْ تَخْطُـرْ هُمُـومُ غَـدٍ بِبَالِي
لأَنَّ غَـــدًا لَـــهُ رِزْقٌ جَــدِيــدُ

يا مركب الأحزان قلي على وين
يكفي ضياع العمر يكفي ضياعه

من عقب ما نرقد من الليل ثلثين
اليوم ما نرقد من الليل ساعه

.....

‏أغيب ما تسأل ولا تقول وشفيك
وتقول احبك كذب ماهي حقيقه

اللي تحبه لو دقيقه يخليك
تقّوم الساعه عشان الدقيقه

.....

اللـيل فـي جرح مـوق الـعين متباهي
له غـارةً بالـطواري مـن يناحيها

لاجيت اقول الجروح أمست على ماهي
اجّـهز علـيها مـن أولها لتاليها

مـن ذاق مر الفراق بكفه الراهي
ماعـاش حـلو الليال إلا بطاريها

يمكن يـذوق الحلا فـي كاسة الشاهي
لـكن مرارة شـعوره وش يحليها

.....