اخترنا لكم شعر نبطي وفصيح

‏قالوا بشـر قلـت البشــر فيه نـوعين
إخذوا قسمكم يوم انا اخذت قسمي

نــوعٍ تحطه داخـــل القلـب والعــين
والنـوع الآخر خلك انســان رسمي

.....

نخطي ونستغفر عن الذنب ونتوب
‏و نرجع على نفس الخطا مادرينا
‏
‏يارب يامن ردّ يوسف ليعقوب
‏عفوك وغفرانك وحلمك علينا

آمين

‏من معطيات التجارب واختصار الكلام
‏انجح عقول الخلايق فالزمن اربعه
‏َ
‏من فضل الصمت لا زادت هروج الانام
‏ومن ينثر الطيب لا شاف العرب تجمعه
‏َ
‏ومن شاف زله رفيقه في طريقة وشام
‏ومن بر في والدينه بره بينفعه

.....

‏بعـض البنات أطباعها ترفع الراس
حشـمه وشيمه والحياء مكتسيها

من معدن صافي كما معدن ألماس
نعـم المربـي وسبعة أنعام فيها

.....

مافيه داعي للزعل والانفعال
‏ومجادل الجاهل وكثر اللجلجه

‏خلك على ماقيل شيال الثقال
‏واللي يبي يزعجك صمتك يزعجه

.....

‏- يقول احد الشعراء :
يالله برزقٍ ماسعى فيه مقرود
ولا غدوا فيه الجماعه برايز

- والثاني يقول :
يالله برزقٍ ما على بابه الا انت
مافيه من يم المخاليق منه

- ويقول اخر :
يالله برزقٍ ماحسبنا له حساب
ولا وقفوا قطاعة الرزق دونه

أنت عندي لك مقام ولك مكان
وغير هذا بالضماير لك محل

مستحيل أنساك لو طال الزمان
لو حصل من بيننا هجر وزعل

حافظٍ سرك وعندي في أمان
لو يبيه أنسان حاسد ما وصل

تمضي الدنيا ولا فيها ضمان
وفي رجاك القلب باقي له أمل

.....

‏خلك بـحر غامض وباعماقك أسرار
وفي ظاهـرك للناس عزه وهيبــة

لا تشتـكي جــرح الليــالي والاقدار
يدوس جرحك من تحسبه طبيبه

.....

‏الكريم اليا عطا شي مايذكر عطاه
راهيٍ جوده وعنده على الطيب رهوه

والبخيل ان كان قهواك مره فالحياه
كل يوم يقول سويت لفلان اقهوة

.....

‏ياللي تقول ان الاقارب عقارب
ماهو صحيح انك تعمم فالامثال

لو قلت بعض اقول سدد وقارب
ضِف اللحاف وقرر العِدل لا مال

الماء هماج وفيه عذب المشارب
تبدي لنا من صادق الغيث همال

وجه التشابه في المعاني تقَاربٌ
لو وقتنا في بعض الاحيان ميال

يوم الحياه دروسها في التجارب
سقنا لكم من دلة الكيف فنجال

.....