اخترنا لكم

‏على غزير الدمع ضميت الاهداب
صديت لين الدمع يقفي سحابه

بعض الوجع يمكن تداويه الاعشاب
وبعض الوجع ياويل من هو سطابه

.....

‏بعض البشر يعجبك حتى احترامه
‏وتحب فيه اجمل صفاته وترتــاح

‏وان غاب تشفق في لقاه وسلامه
‏وإذا حضر همك من القلب ينزاح

.....

‏تعلمت من سود الليالي حكم ودروس
ولازلت أردد بيت شعرٍ على لساني

صديقٍ المصالح لو شراء خوتك بفلوس
طبيعي يبيعك لاقسى الوقت مجاني

.....

بين الجمايل والمراجل علاقات
‏وبين الضعافه والرخامه علامه

‏يموت راع الطيب والطيب مامات
‏يبقى صدى فعل الوفاء والصداقه

.....

‏مابي اعترف لك بالغلا وانت غالي
‏خلك كذا مابين ضامن وشكاك

‏مره تقول ان فيه غيرك في بالي
‏ومره تقول ان مابه إنسان يسواك

.....

‏تذكرته وضاق الصدر يا حلو ذكراه
‏خذاه النصيب وراح ماعاد له جيه

‏وأنا كل مايطري علي قلت يا ويلاه
‏أجامل غيابه والشقا والعنا ليه

.....

رافق أصيلٍ في زمانك يصافيك
لا شاف زلاتك عن الناس غطاك

ترى الصديق اللي يحبك ويغليك
تلقاه عون بكل شده ويمناك

.....

يميّز الانسان عقله وثقله
وانا بعمري ماتصنعت ثقلي

اخاطب الجاهل على قد عقله
واخاطب العاقل على قد عقلي

.....

مابين خوفي من الدنيا وخوفي عليك
ضيعت عمري مابين اقفي والا اتبعك

ماني بخايف توادعني وانا أحتريك
خايف يديني تخون احساسي وتوادعك

.....

‏سألت عنك الشوق والذوق والحب
وناديت لك في كل وقت ودقيقه

يمرني طيفك وانادي له ارحب
وانا ادري إنه طيف ما هو حقيقه

.....