اخترنا لكم

عاد لك فالبال ذكرى وفالخافق مكان
يابعد عمر السنين الشحاح الممحله

ماتنسيني لياليك طيّات الزمان
وأنت في يوم من الأيام سيّد مرحله

.....

انت الملاذ انت الطريق انت الجهات
انت الشعور اللي ماكنت اتصنّعك

انت اول احبك تهجّتها الشفات
انت اللي لاسولفت قلبي يسمعك

انت الوحيد المستحل الذكريات
ما كنّ عندي ذكريات الّا معك

.....

زرعت الشوق كله بإنتظارك
وأخذت الآنتظار وجيت عاني

نسيت الناس لكن مانسيتك
عجزت أنساك حتى لوثواني

وجودك صعب والأصعب غيابك
وأنا في الحالتين أتعب وأعاني

.....

بلغ سلامي لمن مازلت احسبهم
على مودتنا في البعد بل زادوا

إن عاتبوني عرفت الحب يدفعهم
وإن عتبت على ما قصروا عادوا

فلا افارقهم حتى تفارقني
نفسي ويتعبني بالشوق إبعادي

.....

الصمت مثل الذهب والثرثرة فضّه
‏والحكي لازاد عن حدّه حكي فاضي

‏والعقل لاجاد في راعيه من حظّه
‏الناس ترضى عليه وخالقه راضي

.....

‏أصد العين عنك كثر ما ودي ألد العين
‏اخاف عيونهم تبحث خفاي وتلمحك فيني

‏أحبك كثر ما أحب الشعر وأتملل الروتين
‏و أحبك كثر ما أكره غيابك عن نظر عيني

.....

سقى الله يوم القلب خالي وحنا صغار
‏ما ندري عن الدنيا ونجهل بلاويها

.....

ياللي تغيب وغيبتك مالها اسباب
وش ذنب قلبٍ من فراقك توفّى

كثر الغياب أحيان يلعب بالاعصاب
وترى الزمن الشين كفّي ووفّى

.....

‏لاتوصّي وأنت ماتحتاج في حبك وصّايه
‏وين أروح ووين أوجّه وأنت في كل النواحي

‏مايفرّط فيك غير اللي معه قِلة صحايه
‏مستحيل إنه يفرّط فيك مستبّصر وصاحي

.....

استحيت من المشاريه ومعاتب جفاك
‏واقتنعت إن الغلا مايجي عرض وطلب

‏قلت اصد بكل حبي وتعظيمة غلاك
‏قبل اصّـد بقلبٍ عايف وحال منقلب

.....