فوق هام السحب ( الشعر الشعبي) على متن القوافي

مال الكسور بخاطر الوجد جابر
ومال الدموع بحاجر العين مرما

صدورنا لصكات بقعا مقابر
وافواهنا عن ذكر الاوجاع طرما

....

‏ترى الرخوم اللي تفاخر بالفلوس
‏وتبخل على المحتاج حتى بمرحبا

‏مثل السيوف اللي تسلّلّ فالعروس
‏ماغير عرضه لانصاب ولا شبا

....

‏يارب وان ضاقت عليّ الوسيعه
‏انت الذي لاضاق صدري اناجيه

‏وعبدك لو ان الوقت عيّا يطيعه
‏ماينحني راسه لغيرك ويرجيه

....

قال نشوان الحميري الذي عاش في القرن السادس الهجري :


بصعدة من أولاد خولان سبعةً
أحلهمُ فيها القنا والصفائحِ

سحار ورشوان وحي. هانيء
وأزمع ايضا ثم سعد ورازحِ

مضوا مع حجر ابن الربيعة قادهم
إلى الحقل من صرواح ليثُ مكافحِ

وإخوانهم مابين صنعاء ومأربً
معايشةً أوطانهم والمسارحِ

حبيب وذكران وعمرو وأصهبً
وقيس جميعاً والنبيت الجاجحِ

بنو القرم خولان ليوث قضاعةً
بني حميرً إن صاح بالجد صائحِ

من يجحد الوجعات ماهوب جاحد
ومن يدمح الزلات ماهوب مسكين

ومن يجمع الصفين في صف واحد
اطيب من اللي يقسم الصف صفين

....

لاتجبر الناس بالدنيا على قربك
يبقى لعمرك ثمن مهما تساهلته

البعض تهتم له بس ماهو يحبك
والبعض يبدأ يحبك لاتجاهلته

....

يالله انا طالبك ياسَامع الصَوت
يامن خخَلقت الخلق لجل العباد

ترزقني التوبه قبل ساعة الموتت
ومن قبل نزع الروحَ نطق الشهاده

....

تدري وش الي يجرح القلب والروح
انك تذوق المر وتقول حالي

وتضحك ولا كنك من القلب مجروح
عشان ماتجرح لك أنسان غالي

....

يوم الليالي تصطفق مثل الامواج
كم شارب زكاه موس الحلاقه

سلّم على مدته مثل هدّاج
ماهو يصد من الوفاء والطلاقه

إليا غدى وجه الزمن كنّه الصاج
ماترتعد في ساعة الضيق ساقه

والمجلس اللي مفرشه زل ديباج
وراعيه ماله في الجمايل علاقه

والله ما ازوره لو على منكبه تاج
وعنده قصور وعنده الفين ناقه

النفس عفه والسحى عوق الإحراج
ياللي تحسب إن التعفف حماقه

ماني موردها على مارد هماج
ياللي توردها مع كل فاقه

حزامي اللي ذاخره كل ما احتاج
قرمن شجاع و من زحول الرفاقه

لاصار مدخال الصداقات مخراج
واجب نعزي الأخوياء في الصداقه

لاصارت هموم الحشاء تقبل افواج
ولا معي من نعمة الصبر طاقه

ترى السفر في نظرتي وصفة علاج
لاصار نوم العين ياتي شفاقه

ابغى جوازي ناوي اليوم منهاج
ماعادها ياصاح لحية بطاقه


فهد القشانين

إحذر رفيق المصلحه لايباريك
اللي يرى قدرك بحسبة ريالك

ان زان وقتك قام يتبع خطاويك
وان شان دور له رفيقن بدالك

....