فوق هام السحب ( الشعر الشعبي) على متن القوافي

من تخيّر دربك المهجور عن باقي دروبه
‏لاقيٍ بعيونك الثنتين مضياف وكرامه

‏لاتلومه لو تشوف الصمت ذنبٍ من ذنوبه
‏وش يقول اللي يشوف احساسه اكبر من كلامه

‏واحدٍ مهما تضيق بعينه الارض الرحوبه
‏مايبيّن في عيون الناس ضعفه و إنهزامه


.....

هني والله اللي فيك مايقبل التبديل
‏يبيع الحياة إن قيل له لأجلها بعها

‏يعرف إنك اطيب ماخلق بين هذا الجيل
‏وقلبك مهوب الحاجة اللي يضيعها


.....

‏الناس ماخلت حدٍ ماحكت فيه
‏كم قيل في غيري وكم قيل فيني

‏لو كل من يحكي بي اطرد حكاويه
‏تاهت بي الخطوه وضاعت سنيني

‏وانا احمد الله درب الاكرام ماشيه
‏ومدي الفروض ومرضيٍ والديني

‏واليا ترك بعض الخلايق مباديه
‏صنت المبادي في سلومي وديني


.....

ياحلمً تناوش قلب موقن ونظرة شاك
‏تباكى لك رعودي وتضحك بك بروقي

‏غفى نجمك الطالع على منكب الأفلاك
‏وظمى في جفافك بير قلبي ومنطوقي

‏أمالي عيوني بك وهي ماتبي فرقاك
‏لاجيت أنثرك يستاثر الدمع في موقي

.....

‏أنا أذكر ضحكتك وأذكر حنين الشِّعر للإسهاب
‏وأنا أذكر كم قصيدة تنسلب من وارف أهدابك

‏فداك الشِّعر وشتات البعاد وطاري الأحباب
‏وحنين الليل يوم إنّه وقف بي أرتقب بابك

‏نديم البال ماجاد القصيد ولا مكثت أرتاب
‏وأنا وهذا القصِيد اللي بعد ماغبت ماغابك


.....

حتى لو أن الضيق ماله مواثيق
‏ماتوقف الأيام بأسباب ضيقة

‏تضيق ثم تضيق وتضيق وتضيق
‏لكن فرجها عند ربي بدقيقة


.....

‏نمشي مع الوقت لو طالت مشاويره
وافراحنا من ورا الضيقات نسرقھا

الحلم بالنوم يمكن سھل تفسيره
لكن لامن صحينا من يحققها

.....

شيخة وقمة في الجمال ورحومه
وفيها الصفات الطيبة كلبوها

بنت أمها في زينها والنعومة
وفأطباعها اللي باقيه بنت أبوها

.....

‏مع الفجر احبّك قبل حتى صباح الخير
وقبل لايغادر طير الأغصان من عشه

احبّك كثير ماهبّ نسمه وغرّد طير
مع إن المشاعر خلف الأضلاع منخشّه

.....

‏جفت عروق الشوق ياسارق
الروح
وانساب في صدر المواجع غيابك

تعبت اخبي ما اهذريه وانوح
والقلب ياقلبي حرق من عذابك

لي نبض متعذب ولـي قلب مذبوح
ولي روح تسرح كل يومي صوابك

ولي جفن مايغفي ولي دمع مسفوح
ولي عين توله بالسهر في عتابك


.....