فوق هام السحب ( الشعر الشعبي) على متن القوافي

وصفي لها في كل مشهد حقيقه
اغلب تفاصيل الشعَر تنحكي عنْه

من كثر ماهي في عيوني رقيقه
حتى طرف خلخالها تنزعج منْه

.....

عسى الفرح دايم يغرد بدنياك
وعسى الحزن يمك يضيع طريقه

جعل السعادة ماتفارق محياك
وعسى طريقك دوم محدن يعيقه

.....

بعض البشر محتاج للذوق خبره
عندي نصيحه له على مر الازمان

المرء بأخلاقه وذوقه وفكره
وبروعة أسلوبه يصير أجمل انسان

الرّدي ⁩ يطيح بالدرب معثور
‏وخالص النيّه يسير ولا يهاب

‏ولا يشوّه وردتي نظرة حسود
‏ولا يجرّح لحظتي تايه صواب

‏.....

أنت ضحكه ساندتني رغم الأوقات العنيده
مثل ماني بالوُجود وفُوق هالدّنيا سندها

أنت غيمة مرّت بقاعٍ شكت للغيم بيده
وأرتوت فيك الصّحاري من جفافٍ قد حصَدها

أنت حبٌ مع مرور الوقت يتزايد وأزيده
وحدك اللي مكتفي بك والبشر ينقص عددها

.....

افرح عشانك معي فرحه ومن دون ليه
‏يكفيني اعيش في طرفك وانا اتأمله

‏العالم تشوف وجهك مثل كل الوجيه
‏واشوف وجهك بعيني عالم بأكمله

.....

‏أنت ياللي في حنان كفوفك البيضا وشاحي
‏أرتمي له لاحداني جور وقتي بالحساير

‏والله اني ما أخاف الغدر دام أنّك سلاحي
‏جنبك أعد الحياة أرباح لو كانت خساير

....

‏غياب الاموات تؤمن به جميع البشر
‏وغياب الاحياء كثير الناس منه اجزعوا

‏يالغالي اللي غيابك فوق عام وشهر
‏انت اصدق الراحلين اللي ماعاد ارجعوا


.....

ترا كان قلبك يارفيقي عليه اخلاف
‏ اخذ نصف قلبي لين تسلم اكراميه

‏وانا ماعطيتك نصف قلبي ياكون إسعاف
‏وإلى من طلعت من الخطر رجعه ليّه

.....

لبيه لبيه من روحي الى روحي
لبيه يا اغلى من الدنيا ومافيها

لبيه احبك كثر ماتعشق جروحي
لبى حياتك من اولها لتاليها

.....