فوق هام السحب ( الشعر الشعبي) على متن القوافي

عذابي من عيونك ومن رمشك المسلول
‏ومن الثنتين اللي سنا الشوق محرقها

‏لاتبخل علي بشوفتك يافريع الطول
‏مواعيد حبك قمت احسب دقايقها

‏غزتني طيوفك غزوة اللي سلب له شول
‏عديمِ عليه القوم تلحم بنادقها

‏سهوم المحبه توجع الخاطر المذهول
‏رمتني وانا اللي في هوى الحب سايقها


.....

‏حاجتي فالحب حاجه منطقيه
‏والمحبه ما تجينا بالوراثه

‏أبتسامه وأهتمام وطيب نيه
‏وين أحصل ناس تجمع هالكلام


.....

‏عودتني لاضاق حالي نصيتك
واليوم جيتك مالقيتك ولاريت

بعدت عني ماعرفت اين بيتك
وبجيتك من شوف عيني تواريت

ياحظ مـن فرقا حبيبي نخيتك
يكفي من الهجران ماقد تلقيت

حاول تجمع شملنا به فديتك
ياحظ لانا حي دونه ولا ميت


.....

لاتوصيني على حفظ السراير وانت غالي
‏والله اني حافظك وادرى عليك وكلني لك

‏لاكتبت اسمك وانا فالبر لو اني لحالي
‏ألتفت وامحيه من خوفي عليك وحبني لك

.....

‏حاول توازن بين عقلك والإحساس
وعيش الحياة اللي تبيها لذاتك

إن كنت بتوّقف حياتك على الناس
بتموت ماسويت شي بحياتك

بقلمي

‏سبحانه اللي يزرع بذور المحبة فالقلوب
‏واليا عطى عبده قبول الناس جاته مقبلة

‏بعض الآوادم تقبله لو فيه شي من العيوب
‏وبعض الآوادم لو تحاول تقبله ماتقبله

....

‏نبضي يدق بداخل الصدر لبيك
مدري احتويت القلب ولااحتويتك

اسمع معي دقات قلبي تناديك
حتى عروق القلب تصرخ فديتك

....

الجو غيم وفيه رذاذ هتان
‏يمطر شوي ويمطر أحيان قوَّه

‏صوت المطر يشبه تعاليل خلان
‏في حبهم صدق وعفاف ومروَّه


....

ماوطى راسي على الدنيا لأحد
رغم ضيق الوقت واتعاب السنين

عزتي مقياس وشموخي بلد
والمواقف درسها عندي ثمين

....

‏عن الكلام اللي في القلب مخفيه
يا اهل العيون اللي تناظر كلامي

برد الشتاء بالروح من هو يدفيه
واللي احبه ما اشوفه امامي

فيني من الاشواق يانبض مغليه
مايحرق اعصابي وينهش عظامي

بعُد المسافه والقـدر باعدت فيه
والحظ باعد بيننا والسلامي


....