اخترنا لكم

‏صرت اتعمد جلستي جانب النار
‏عشان أحصل عذر لدموع عيني

‏وإذا سألوني وش بلا دمعك أنهار
‏أقول دخان الحطب مبتليني

.....

االاب....

حتى ولو سجّيت في بعض الأوقات
‏مافيه يومٍ من الدعاء ما نسيتك

‏ياللي مكانك داخل القلب ما مات
‏عقب البطا ماكني الا بديتك

‏نعم بكيتك مرّه وعشر مرات
‏وهاللحين كل ماذكرتك بكيتك

رحمك الله يا والدي وجميع موتى المسلمين

افرح ليا جابت الناس طاريك
‏وافتخر بالرجال اللي مثل شرواك

‏يا شبه ذيبٍ بعيده مساريك
‏على فعول الطيب دايمٍ مسراك

‏عز الخوي انت ويا زين مباديك
‏مثل العيد عندي يوم لقياك

‏عساك بخير تبقى في كل لياليك
‏افرح بك يالخوي وافرح بطرياك

.....

تعيش يا قلبي معزز ومرتاح
‏ولا داخلك إحساس حقد وضغينه

‏ولا عرفت الزيف وشلون يجتاح
‏بعض القلوب الخايبه والحزينه

‏ولا خذاك المدح بلسان مدّاح
‏ولا عشقت إلا العقول الثمينه

.....

‏يا بري حالي ترا الدنيا صغيره
‏والمحبه والعمر والموت مره

‏حتى لو ان المفارق فيه خيره
‏انا راضي بالوصل خيره وشره

.....

‏مساء الغلا ياللي على البال ذكراك
مثل اكسجيني مايفارق حياتي

يشهد عليا الله ما لحظه انساك
وقربك سعادة خافقي وامنياتي

ياصاحبي قلبي تمنى ملاقاك
والقلب لك مشتاق من كل ذاتي

ياكم تمنيتك وقلبي تمناك
يابسمة أيامي وفرحتي حياتي

.....

‏يقول وش قولك على جمر الاشواق
اللي قلوب الناس منها تلوعي

يقولوا ان الشوق قطع بالأعماق
وانا اقول الشوق قطع ضلوعي

ياصاحبي شوقي ترا صعب ينطاق
كثر الوله والشــوق قد هد روعي

الله يعين الشخص لاكان مشتاق
يحرق بناره مثل حرق الشموعي

.....

‏من صافحك بالتجاهل عاقبه بالرحيل
‏من الغباء تعتني في شخص يتجاهلك

‏تراك كسبان لامنك خسرت البخيل
‏لاتهدي القلب غير لشخص يستاهلك

.....

سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

‏انت المميز في عيوني عن الناس
راقي بطبعك وفي صفاتك تعليت

يكفيني اني اكتبك شعر واحساس
ويكفي بأنك فوق راسي تعليت

.....