فوق هام السحب ( الشعر الشعبي) على متن القوافي

انا معك لو كنت ماني بموجود
‏ومن يوم حبك زاد زودت بوحي

‏نثرت لك حبي وحبيتك بزود
‏وزرعت حبك بين قلبي وروحي

.....

ياخذني الشوق لعيونك واجي كلي
‏ يدفعني الحب جعل الناس يفدونك

‏ لو كان طيفك مخاويني مثل ظلي
‏ أشتاق لمصافحك وأشتاق لعيونك

.....

وتقول لاتبطي وأنا بانتظارك
‏ابشر بسعدك واصلينك على خير

‏اباصلك لو هي بعيده ديارك
‏لوسرت لك حافي معني القدم سير

‏اباصلك غصبا علي باعتبارك
‏دنياي اذا ما انته بها مابها خير

‏بعيش حتى في عذابك ونارك
‏النار افضلها ولا منة الغير

.....

والروح خيل تكره الجور يفلان
‏ما الله خلقها للرسن كان تجهل

‏ماجربت بين العساسيف تنهان
‏تركض وسط بيض الحنايا وتصهل

.....

تزاحمت بالصدر بعض العبارات
‏وفضلت عن بعض الكلام السكوتي

‏واخذت لي هدنه ووقفه مع الذات
‏حتي اختفت بالحلق نبرات صوتي

.....

لي وليفٍ عشقني صدق وانا عشقته
‏والمحبه من الله والهوى بالتراضي

‏مايهم ان سبقني بالغلا او سبقته
‏نتفق بالمحبه دون شاهد وقاضي

.....

يلي تحب الهمس وتعشق ثراها
‏وتشوف فيها شي ماهو مع الغير

‏تعال عطني بيت يوصف حلاها
‏ومسموح لو زاد الغلا بالتعابير

‏خل السعاده تعيش لحظه غلاها
‏وانثر عبير الحرف مثل التباشير

.....

لاتقول اني سحرتك من عرفتك
‏السحر والشعوذه ماهي دروبي

‏لو تشوف اني من العالم سرقتك
‏ماسرقتك غير في راقي سلوبي

‏والله اني ياحبيبي ماسحرتك
‏السحر كله من الزين الجنوبي

.....

اهلا مساء الورد ياطيف خلي
‏يامرحبا والشوق دايم يناديك

‏يشوقني شوفك وارحب وهلي
‏ألا مساء الحب ياحي طاريك

‏اقرب تفضل فالحشا لك محلي
‏في مجلس الأشواق الله يحييك

.....

خذني من العالم المزحوم واسرقني
‏ياموطن افراحي وياهادم احزاني

‏لو العمر ينقسم قسمين صدقني
‏لأعطيك الأول وأحبك موت بالثاني

.....