اخترنا لكم

أختصرني بين فكين السكات
وإعتبرني سرّ ما يحكى أبدّ

خلني ما بين ضلعينك أبات
واحتفظ بي لا تبادلني باحد

.....

إبليس وده ياخذ الناس مشوار
لا كن عسا مالي مع إبليس مركب

عز الله إن ماله مصدٍ عن النار
واللي يبي يركب مع إبليس يركب

.....

‏عندي قصيده حب ماله حبيبه
وعندي مشاعر حب من غير خلّان

ياللي لكم احباب حسّوا لهيبه
احساس شاعر بعض الاحيان فنّان

كتبتها من جرح عانا طبيبه
اسال مجرب واترك فلان وفلان

بالحب ندفع للمدامع ضريبه
اللّي دفع للحب يعطيني برهان

انا عجيب وقصتي مو عجيبه
حبّيت لى انسان ماهو بأنسان

.....

‏الطاري اللي يجيبك ليته يجيبك
أنا تعبت أسهج الطاري مع المسرا

تاخذك الايام عن عيني وتقفي بك
وأنت أقرب لعيني اليمنى من اليسرا

.....

‏في عيوني شوق ممزوج بعتب
‏كل ماخفيته على وجهي يبان

‏السعاده حلم والواقع تعب
‏مارسينا فوق شطك يا الأمان

.....

ماحسدت المطر على مكان النزول
‏لين بلّل جدايلها وهي ضاحكه

‏جعل غيمٍ يوسّع خاطرك مايزول
‏وجعل كل الليالي فيك متبـاركه

.....

إن قالها الله كلها أيام وتزين
غصب على خشم المواجع سهالات

.....

يامعودني على طول الغياب
كل غالي طول غيابه رخص

.....

والله ماشفتك في صغِار الفعايل
‏عشان ألومك في كبَار المشاريه

.....

‏ان غاب يترك في غيابه فراغات
وان حضر يحجب حضور البقيه

مثل القمر لاغاب في الليل حزات
ولامن حضر غطى النجوم المضيه

.....