فوق هام السحب ( الشعر الشعبي) على متن القوافي

مرّه نهالجها ومرّه بدون علاج
ومرّه نسبرها ومرات معتاجه

وليلة تسلينا وليله كدر واحراج
وليلة ظلام وليلة انوار وهاجه ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌‌ ‌ ‌
.....

على الشوق الملامه لاعليك ولا علي اخلاف
‏جماهير الجفا ماهمّها الجافي من المجفي
‏
وداعي معذره يالرحلين وللوداع اعراف
‏اعرف اشتاق ما اعرف اتمسك في يد المقفي

.....

‏ياشين الغياب إللي بلا سبّه وتبرير
‏غياب إللي مافكر بقلبي ولا حنه

‏يموت الغلا من قلة الوصل والتقدير
‏مثل موتة المعروف لاصار به منه

‏أنا مدري هو بخير ولا ماهو ببخير
‏عسى دورة الأيام ماغيرت ظنه

‏قولوله لاعاد يطاول البعد والتقصير
‏ترا البعد والتقصير مايدخل الجنه

.....

مع أنك رحلت بعيد لكن بقى التذكار
‏ليا شافته عيني تسابقً مدامعها
‏
‏دفنت الغرام بخافقي والقلوب أسرار
‏مشاعر هقيت إن الليالي تضيعها
‏
‏جحدت الغلا لين أمتلى بالخفوق وثار
‏قصايد عساها اليوم تطرق مسامعها
‏
‏يقولون ماودعك قلت الفراق وصار
‏والانسان روحه تنسلبٍ مايودعها

.....

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لاتناسيته

عن البال ما قد غاب واشغلت فيه البال
احس اني اشوفه كثر ماتهييته

شعور التفاؤل يجعل الحلم طيب فال
ياكم ذاق حلمي سكرة الموت واحييته

.....

مانقدر نسوي مثل ماتسوون
‏تردنا عن فعلكم تربيتنا

‏انتم على مهونة النفس ترضون
‏وحنا لو اقفت عزة النفس متنا

.....

تعالي واتركي جرحٍ عليه من الدهور عتاب
أنا الواقف على درب اللقا ومعاند الفرقى

بعيدة يا هقاوينا العزيزة والجروح قراب
تهل دموعنا صمت وعزيمتنا معه ترقى

وش أقسى من مشاعرنا نمثل كننا أغراب
رغم هذا الجفاف اللي ذبحنا كلنا غرقى

.....

ليه أعاتب وأتضايق وأنقهر
‏وانت قلبك في غيابي مستريح

‏كنت أشوفك في ملذات العمر
‏شخص تفداه القصايد والمديح

‏وإنك واحد بس تكفي عن عشر
‏وأن غيرك لي خطا وانت الصحيح

‏جيت لك صادق بدربك مستمر
‏مندفع لك مهتوي واضح صريح

‏ليت قلبي عن هوى قلبك نفر
‏مارجعت من الهوى ضايقٍ جريح

.....

وانا احسب اني في فراقه تعافيت
‏وان عبرتي من مدخل الزاد زاحت

‏اللي يحسب اني على البعد سجيت
‏والا ان عيوني للرقاد استباحت

‏ياليتني من قبل لا احبه اقفيت
‏والا ان دروبي عن دروبه تناحت

‏اهون عليّ من البكا والتناهيت
‏واشلا من سدودٍ على الناس باحت

‏عرفت كيف الحي يفرق عن الميت
‏وعرفت قيمة نعمتي يوم راحت

.....

يوم الوفاء طبعك وانا عند ظنك
اعاتبك واشره ولارحت عودت

واليوم لاتشره لو ابطيت عنك
على كثر مافي وصالك تجودت

لاعاد تنشدني عن الشوق لانك
عودتني على الفراق وتعودت

.....