فوق هام السحب ( الشعر الشعبي) على متن القوافي

ليت الغرابيل جتني من عدوّ لي
اما تقاضيت ولا بيتقاضى لي

لكن من واحدٍ ذكرة غناةٍ لي
ولا زلت احبه وابا احبه ولا ابالي

لامر طرق بخدراته سلام لي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي

سعد بن جدلان

الصبر حكمه والامل يطرد الياس
والجد والاخلاص قيمة وشيمة

والعز هيبة والشرف يرفع الراس
والكذب سلعة مالها اي قيمة

.....

كلٍ أمام الزين يسعى لفتح الخط
وكلٍ يحاول أن يفوز بمرضاته

فَلَو قال حرف التاء يُكتَب بدون نقط
لقالوا بإن الياء سرق منه نقطاته

وأنت إذا حطيت في شيء ما ينحط
أعكسه وأقول للناس ذا من حسن ذاته

حجاب بن نحيت

‏ماعلى الجاهل أخطر من مثقّف كذوب
‏يستخف النفوس ويفسد أخلاقها

بين غسل العقول وبين غسل القلوب
‏مثل مابين قتل النفس وإعتاقها

عبدالله الطلحي

‏كل مايتعلّق بالبشر يظل ضعيفًا تجسّد ذلك موعظة البيت النبطي عند
بندر بن سرور:

‏احذر تخاف إلّا الذي كوّن الكون
‏رب السماء محيي العظام الهميدي

‏ويقين صالح بن سعود:
‏ماني بخايف بني جنس الإنسان
‏أقولها ماني من الناس خايف

‏خوفي من اللي كوّن الإنس والجان
‏عالِم خفيّات الضلوع النحايف

وسامحني أنا وقلبي سهرنا الليل وأغتبناك
وتسامرنا بحكي واجد لعلّ الدمع كفّاره

ضحكنا من مواقفنا سكتنا شوي وعاتبناك
ياليت أن البدايه سجنْ مانطلع من أسواره

تصارحنا أنا ويّاه من اللي ماقدر ينساك
وطاح القلب من عيني وأنا طايح من أنظاره

كتبنا لك جداريّه على ضلوع الصدر تزهاك
شف الدنيا بلا حسك وطن يستفقد أنواره

تخيّل رغم طعناتك تلاقينا على ذكراك
يموت اللي صدق بالحب طريح وماحدٍ زاره

....

تعالي يامدى حلم الغريب ودمعة الملهوف
‏ترى شمسي على باب إنتظار سنين موقوته

أنا صدري وطن مابه مواري للوجع والخوف
‏وملامح وجهك الطاهر على النسيان منحوته

تعالي والكلام أقدر أقوله لك بدون حروف
‏أنا اللي يقدر يترجم كلام العشق فـ سكوته

‏أمانينا على بال القصايد ترتمي وتطوف
‏وأنا اللي تاركٍ قلبه على السلسال ياقوته

....

على روضة يدك هذا الفراش اللي يطير احتار
‏يحط مْنين ماحط بْجناحه يلمس الفيّه

‏لقا بك شي لو تدرين ماهو فـ اجمل الازهار
‏برادٍ كنه الارض ان غدت بالديم مرويه

‏لو انه ما تبلل له جناح ولا عليه امطار
‏كشف عن ساقه وكفك كشف للصبح عن ضيه

....

يامن غرامك داخل الدم يسري
ووسط قلبي لك لحالك مساحه

بدري على بعد المحبين بدري
يامن خدوده ناعمه كالتفاحه

ياليت صدرك لو يعانق لصدري
في ضمتك جنه وفسحه وراحه

مافارقك لو سرت في وسط قبري
بعدك يسبب ياحبيبي انطفاحه

قلبي يحبك حب ان كنت تدري
يابدر لانور ملا كل ساحه

ماجاء ردى مني ولا جيت بقصور
‏طبعي كذا دايم مع الخلق كله

‏لي عزةٍ تطغى على كل دستور
‏من خلقتي والطيب عندي جبله

‏ياقلب من قفى عن العين معذور
‏نفسي عزيزة والمقفي تمله
‏
.....